പുൽപള്ളി മേഖലയിൽ വിളകൾ കരിഞ്ഞുണങ്ങുന്നു
text_fieldsകരിഞ്ഞുണങ്ങിയ കാപ്പിച്ചെടികൾ -ചണ്ണോത്തുകൊല്ലിയിലെ കാഴ്ച
പുൽപള്ളി: മഴക്കുറവിൽ പുൽപള്ളി മേഖലയിൽ കാർഷിക വിളകൾ കരിഞ്ഞുണങ്ങുന്നു. മുള്ളൻകൊല്ലി പഞ്ചായത്തിലെ ചാമപ്പാറ, കൊളവള്ളി, കൃഗന്നൂർ, ശശിമല, ചണ്ണോത്തുകൊല്ലി പ്രദേശങ്ങളിലാണ് വിളകൾ വെള്ളമില്ലാതെ നശിക്കുന്നത്.
ജില്ലയിൽ മറ്റെല്ലാ സ്ഥലങ്ങളിലും കനത്ത മഴ കഴിഞ്ഞ ദിവസങ്ങളിൽ ലഭിച്ചിരുന്നു. എന്നാൽ, ഈ പ്രദേശങ്ങളിൽ മഴ തീരെ ലഭിച്ചിട്ടില്ല. കഴിഞ്ഞ രണ്ടുദിവസം ചെറുമഴയാണ് ലഭിച്ചത്. കാപ്പി, കുരുമുളക് തുടങ്ങിയ വിളകളാണ് കൂടുതൽ നശിച്ചത്.
വരൾച്ചയുടെ തോത് മുൻവർഷങ്ങളേക്കാൾ കൂടുതലാണ്. ശക്തമായ മഴ ലഭിച്ചാൽ മാത്രമേ കൃഷി സംരക്ഷിക്കാൻ കഴിയുകയുള്ളൂ. അല്ലാത്തപക്ഷം കരിയാൻ തുടങ്ങിയ വിളകളെല്ലാം നശിക്കും. ഈ പ്രദേശത്തോട് ചേർന്ന കന്നാരം പുഴയും വറ്റിയിരിക്കുകയാണ്. കന്നാരംപുഴക്ക് അക്കരെയുള്ള കർണാടക വനമേഖലയിലും മഴ ലഭിച്ചിട്ടില്ല. ഇക്കാരണത്താൽ തീറ്റയും വെള്ളവും തേടി വന്യജീവികൾ വയനാടൻ അതിർത്തി ഗ്രാമങ്ങളിൽ എത്തുകയാണ്. കുടിവെള്ള ക്ഷാമം മേഖലയിൽ രൂക്ഷമായിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.