ക​ട​മാൻതോട് പ​ദ്ധ​തി; രൂ​പ​രേ​ഖ ത​യാ​റാ​ക്കാ​ൻ ലി​ഡാ​ർ സ​ർ​വേ നടപടികൾ തു​ട​ങ്ങി

പുൽ​പ​ള്ളി: നി​ർ​ദി​ഷ്ട ക​ട​മാ​ൻ​തോ​ട് പ​ദ്ധ​തി​യു​ടെ രൂ​പ​രേ​ഖ ത​യാ​റാ​ക്കു​ന്ന​തി​ന്റെ ഭാ​ഗ​മാ​യി ലി​ഡാ​ർ സ​ർ​വേ​യുടെ പ്രാരംഭ നടപടികൾ തു​ട​ങ്ങി. സ​ർ​വേ​യു​ടെ ആ​ദ്യ​ഘ​ട്ട​മാ​യി ബെ​ഞ്ച് മാ​ർ​ക്ക് ട്രാ​ൻ​സ്ഫ​ർ ചെ​യ്യു​ന്ന പ്ര​വ​ൃത്തി​ക​ൾ​ക്കാ​ണ് തു​ട​ക്കം കു​റി​ച്ചി​രി​ക്കു​ന്ന​ത്. ര​ണ്ട് ദി​വ​സ​ത്തി​ന​കം സ​ർ​വേ സം​ഘം പു​ൽ​പ​ള്ളി​യി​ൽ എ​ത്തും. ഡ​ൽ​ഹി ആ​സ്ഥാ​ന​മാ​യു​ള്ള ക​മ്പ​നി​ക്കാ​ണ് സ​ർ​വേ​യു​ടെ ക​രാ​ർ ന​ൽ​കി​യി​രി​ക്കു​ന്ന​ത്. ക​ട​മാ​ൻ​തോ​ട്, മു​ദ​ള്ളി തോ​ട്, കു​റി​ച്ചി​പ്പ​റ്റ​തോ​ട് എ​ന്നി​വി​ട​ങ്ങ​ൾ സ​ർ​വേ​യു​ടെ പ​രി​ധി​യി​ൽ വ​രും.

33 ല​ക്ഷം രൂ​പ​യാ​ണ് സ​ർ​വേ​ക്കാ​യി അ​നു​വ​ദി​ച്ചി​രി​ക്കു​ന്ന​ത്. ര​ണ്ടാ​ഴ്ച​ക്ക​കം പൂ​ർ​ത്തി​യാ​ക്കു​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. റി​സ​ർ​വോയറുമാ​യി ബ​ന്ധ​പ്പെ​ട്ട മു​ഴു​വ​ൻ കാ​ര്യ​ങ്ങ​ളും സ​ർ​വേ​യി​ലൂ​ടെ പ​ഠി​ക്കും. ഭൂ​പ്ര​കൃ​തി​യു​മാ​യി ബ​ന്ധ​പ്പെ​ട്ട സ​ർ​വേ​യി​ൽ കെ​ട്ടി​ട​ങ്ങ​ളു​ടെ എ​ണ്ണം, റോ​ഡു​ക​ൾ, വൈ​ദ്യു​തി വി​ത​ര​ണ സം​വി​ധാ​ന​ങ്ങ​ൾ, മ​റ്റ് കാ​ര്യ​ങ്ങ​ൾ എ​ന്നി​വ​യെ​ല്ലാം കൃത്യമായി പ​ഠി​ക്കും.

ഡാ​മി​ന്റെ ഉ​യ​രം തീ​രു​മാ​നി​ച്ചു ക​ഴി​ഞ്ഞാ​ലാണ് റി​സ​ർ​വോ​യ​ർ പ​രി​ധി​യി​ലെ കെ​ട്ടി​ട​ങ്ങ​ളു​ടെ എ​ണ്ണ​വും കൃ​ഷി ഭൂ​മി​യു​ടെ അ​ള​വു​മെ​ല്ലാം കൃ​ത്യ​മാ​യി മ​ന​സ്സിലാ​ക്കാ​ൻ ക​ഴി​യു​ക. വെ​ള്ളം ലി​ഫ്റ്റ് ചെ​യ്യു​ന്ന​തു​മാ​യി ബ​ന്ധ​പ്പെ​ട്ട് മു​ദ​ള്ളി തോ​ട്, കു​റി​ച്ചി​പ​റ്റ തോ​ട് എ​ന്നി​വി​ട​ങ്ങ​ളി​ലെ ചെ​ക്ക്ഡാ​മു​ക​ൾ അ​ട​ക്ക​മു​ള്ള മു​ഴു​വ​ൻ കാ​ര്യ​ങ്ങ​ളും പ​ഠി​ക്കു​മെ​ന്നും അ​ധി​കൃ​ത​ർ പ​റ​ഞ്ഞു.