അ​പ​ക​ട​ഭീ​ഷ​ണി​യി​ൽ മു​ള്ള​ൻ​കൊ​ല്ലി പ​ഞ്ചാ​യ​ത്ത് ഓ​ഫി​സ്​ കെ​ട്ടി​ടം

പു​ൽ​പ​ള്ളി: ബ​ല​ക്ഷ​യ​ത്തെ തു​ട​ർ​ന്ന് മു​ള്ള​ൻ​കൊ​ല്ലി പ​ഞ്ചാ​യ​ത്ത് ഓ​ഫി​സ്​ കെ​ട്ടി​ടം അ​പ​ക​ടാ​വ​സ്​​ഥ​യി​ൽ. ഇ​തേ​ത്തു​ട​ർ​ന്ന് കെ​ട്ടി​ടം ഇ​വി​ടെ​നി​ന്നും മാ​റ്റി​സ്​​ഥാ​പി​ക്ക​ണ​മെ​ന്ന് സ​ർ​വ​ക​ക്ഷി​യോ​ഗ​ത്തി​ൽ ആ​വ​ശ്യ​മു​യ​ർ​ന്നു. 32 വ​ർ​ഷം മു​മ്പ് നി​ർ​മി​ച്ച കെ​ട്ടി​ട​ത്തി​നു​ള്ളി​ൽ ജോ​ലി​ചെ​യ്യാ​ൻ ജീ​വ​ന​ക്കാ​ർ ഭ​യ​പ്പെ​ടു​ക​യാ​ണ്.

ഷോ​പി​ങ്​ കോം​പ്ല​ക്സ്​ എ​ന്ന ആ​ശ​യ​ത്തി​ലാ​യി​രു​ന്നു കെ​ട്ടി​ടം നി​ർ​മി​ച്ച​ത്. എ​ന്നാ​ൽ, നി​ർ​മി​ച്ച്​ മൂ​ന്ന് വ​ർ​ഷ​ത്തി​നു​ശേ​ഷം പ​ഞ്ചാ​യ​ത്ത് ഓ​ഫി​സ്​ ഇ​വി​ടേ​ക്ക് മാ​റ്റു​ക​യാ​യി​രു​ന്നു. അ​സൗ​ക​ര്യ​ങ്ങ​ൾ​ക്ക് ന​ടു​വി​ലാ​ണ് കെ​ട്ടി​ട​മി​പ്പോ​ൾ. ജീ​വ​ന​ക്കാ​ർ​ക്ക് നി​ന്നു​തി​രി​യാ​ൻ ഇ​ട​മി​ല്ല. കു​ടും​ബ​ശ്രീ​യു​ടെ​യും വി.​ഇ.​ഒ​യു​ടെ​യും എ​ല്ലാം ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന​ത് ഇ​ടു​ങ്ങി​യ മു​റി​ക​ളി​ലാ​ണ്. ഫ​യ​ലു​ക​ൾ പ​ല​യി​ട​ത്തും കു​ന്നു​കൂ​ടി കി​ട​ക്കു​ന്നു. കെ​ട്ടി​ട​മാ​കെ വി​ണ്ടു​കീ​റി​യ നി​ല​യി​ലാ​ണ്. പാ​ർ​ക്കി​ങ്​ സൗ​ക​ര്യ​മി​ല്ല.

ഈ ​അ​വ​സ്​​ഥ​യി​ലാ​ണ് കെ​ട്ടി​ടം പു​തു​ക്കി​പ്പ​ണി​യാ​ൻ തീ​രു​മാ​ന​മെ​ടു​ത്ത​തെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​കെ. വി​ജ​യ​ൻ പ​റ​ഞ്ഞു. പ​ഞ്ചാ​യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് ചി​ല​ർ സൗ​ജ​ന്യ​മാ​യി കെ​ട്ടി​ടം നി​ർ​മി​ക്കാ​ൻ സ്​​ഥ​ലം വി​ട്ടു​കൊ​ടു​ക്കാ​ൻ ത​യാ​റാ​ണെ​ന്ന് വാ​ഗ്ദാ​നം ന​ൽ​കി​യി​ട്ടു​ണ്ട്. എ​ന്നാ​ൽ, പ​ഞ്ചാ​യ​ത്ത് ഓ​ഫി​സ്​ മു​ള്ള​ൻ​കൊ​ല്ലി ടൗ​ണി​ൽ ത​ന്നെ​യാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

നി​ല​വി​ലെ കെ​ട്ടി​ട​ത്തോ​ട് ചേ​ർ​ന്ന് സ്​​ഥ​ലം​വാ​ങ്ങി ഓ​ഫി​സ്​ പ​ണി​യാ​നാ​ണ് നീ​ക്കം. പു​തി​യ കെ​ട്ടി​ടം നി​ർ​മി​ക്കു​ന്ന​തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ദി​വ​സം സ​ർ​വ​ക​ക്ഷി യോ​ഗം വി​ളി​ച്ചു​ചേ​ർ​ത്തി​രു​ന്നു.