ചേ​കാ​ടി​യി​ല്‍ കാ​ട്ടാ​ന​ശ​ല്യം രൂ​ക്ഷ​മാ​കു​ന്നു; വാ​ഹ​ന​ങ്ങ​ൾ അ​പ​ക​ട​ത്തി​ല്‍പെ​ടു​ന്നു

പു​ല്‍പ​ള്ളി: ചേ​കാ​ടി​യി​ല്‍ കാ​ട്ടാ​ന​ശ​ല്യംമൂലം വാഹന യാ​ത്രി​ക​ര്‍ അപകടത്തിൽപ്പെടുന്നത് പതിവാകുന്നു. പാ​ക്കം, ചേ​കാ​ടി, ഉ​ദ​യ​ക്ക​ര-​ചേ​കാ​ടി റൂ​ട്ടി​ലാ​ണ് കാ​ട്ടാ​ന​ശ​ല്യം രൂ​ക്ഷ​മാ​യ​ത്. കു​റു​വ ദ്വീ​പ് അ​ട​ച്ച​തോ​ടെ ഈ ​പ്ര​ദേ​ശം ആ​ന​യു​ടെ താ​വ​ള​മാ​യി​ട്ടു​ണ്ട്. കാ​ട്ടാ​ന​ക​ളു​ടെ സാ​ന്നി​ധ്യം യാ​ത്ര​ക്കാ​ര്‍ക്കും ഭീ​ഷ​ണി​യാ​കു​ന്നു​ണ്ട്. അ​പ്ര​തീ​ക്ഷി​ത​മാ​യി വ​ന​ത്തി​ല്‍നി​ന്നു റോ​ഡി​ലേ​ക്കി​റ​ങ്ങി​വ​രു​ന്ന ആ​ന​ക​ളെ ക​ണ്ട് ബൈ​ക്ക് യാ​ത്രി​ക​ര്‍ നി​യ​ന്ത്ര​ണം​വി​ട്ട് അ​പ​ക​ട​ത്തി​ല്‍പെ​ടു​ന്ന​തും നി​ത്യ​സം​ഭ​വ​മാ​യി​ട്ടു​ണ്ട്. ചെ​റി​യ​മ​ല, കോ​ട്ട​വ​യ​ല്‍, പ​ന്നി​ക്ക​ല്‍, വെ​ളു​കൊ​ല്ലി, കു​ണ്ടു​വാ​ടി, പൊ​ള​ന്ന എ​ന്നി​വി​ട​ങ്ങ​ളി​ൽ പ​ക​ല്‍ സ​മ​യ​ങ്ങ​ളി​ലും ആ​ന​ക​ള്‍ ഇ​റ​ങ്ങു​ന്നു​ണ്ട്.

വെ​ളു​കൊ​ല്ലി​യി​ല്‍നി​ന്നു ക​ഴി​ഞ്ഞ​ദി​വ​സം പ​ന​മ​രം പൊ​ലീ​സ്‌ സ്റ്റേ​ഷ​നി​ലേ​ക്ക് ബൈ​ക്കി​ല്‍ യാ​ത്ര​ചെ​യ്ത പൊ​ലീ​സു​കാ​ര​ന്‍ അ​പ​ക​ട​ത്തി​ല്‍പെ​ട്ടി​രു​ന്നു. ചേ​കാ​ടി​യി​ല്‍നി​ന്നു വേ​ലി​യ​മ്പ​ത്തേ​ക്കു വ​രുക​യാ​യി​രു​ന്ന സ്കൂ​ള്‍ ബ​സി​നെ ആ​ന​ക്കൂ​ട്ടം ഏ​റെ​നേ​രം ത​ട​ഞ്ഞു​വ​ച്ചി​രു​ന്നു. ചേ​കാ​ടി​യി​ല്‍നി​ന്നു പു​ല്‍പ​ള്ളി സ്റ്റേ​ഷ​നി​ലേ​ക്ക് വ​രി​ക​യാ​യി​രു​ന്ന വ​നി​ത പൊ​ലീ​സു​കാ​രി​യും കു​റി​ച്ചി​പ്പ​റ്റ​യി​ല്‍ ആ​ന​യു​ടെ മു​ന്നി​ല്‍പെ​ട്ടു. ഇ​വ​ർ വാ​ഹ​നം വ​ഴി​യി​ല്‍ മ​റി​ച്ചി​ട്ട് പാ​ല​ത്തി​ന​ടി​യി​ല്‍ ക​യ​റി ര​ക്ഷ​പ്പെ​ടു​ക​യാ​യി​രു​ന്നു.

ക​ര്‍ണാ​ട​ക​യി​ല്‍ ജോ​ലി​ക്കും കൃ​ഷി​ക്കു​മാ​യി പോ​കു​ന്ന ഒ​ട്ടേ​റെ പേ​ർ ചേ​കാ​ടി​ബാ​വ​ലി വ​ഴി​യാ​ണ് യാ​ത്ര ചെ​യ്യു​ന്ന​ത്. രാ​വി​ലെ ആ​റി​ന് ബാ​വ​ലി ഗേ​റ്റ് തു​റ​ക്കു​മ്പോ​ഴും വൈ​കീ​ട്ട് ആ​റി​ന് അ​ട​ക്കു​മ്പോ​ഴു​മാ​ണ് യാ​ത്ര​ക്കാ​ര്‍ കൂ​ടു​ത​ലു​ള്ള​ത്. വ​ന​ത്തി​ല്‍ അ​ടി​ക്കാ​ടു​ക​ള്‍ വ​ള​ര്‍ന്ന​തോ​ടെ സ​മീ​പ​ത്ത് ആ​ന നി​ന്നാ​ലും കാ​ണാ​ത്ത അ​വ​സ്ഥ​യു​ണ്ട്. നാ​ടു​കാ​ണാ​നെ​ത്തു​ന്ന അ​പ​രി​ചി​ത​രും പ​ല​പ്പോ​ഴും റോ​ഡി​ൽ ആ​ന​യെ ക​ണ്ട് തി​രി​ച്ചോ​ടു​ന്നു. ആ​ന​ക​ളെ കാ​ണു​മ്പോ​ൾ ഫോ​ട്ടോ​യെ​ടു​ക്കാ​നും മ​റ്റും യാ​ത്ര​ക്കാ​ര്‍ വാ​ഹ​നം നി​ര്‍ത്തു​ന്ന​തും പ്ര​ശ്‌​ന​മാ​കു​ന്നു​ണ്ട്.