ദേ​ശീ​യ​പാ​ത​യി​ൽ അ​പ​ക​ടം വ​ർ​ധി​ക്കു​ന്നു: അ​മി​ത​വേ​ഗ​ത്തിന് നി​യ​ന്ത്ര​ണം വേ​ണം

സു​ൽ​ത്താ​ൻ ബ​ത്തേ​രി: ദേ​ശീ​യ​പാ​ത 766ൽ ​കൈ​നാ​ട്ടി മു​ത​ൽ സു​ൽ​ത്താ​ൻ ബ​ത്തേ​രി വ​രെ​യു​ള്ള ഭാ​ഗ​ത്ത് അ​പ​ക​ട​ങ്ങ​ൾ പെ​രു​കു​മ്പോ​ൾ വാ​ഹ​ന​ങ്ങ​ളു​ടെ വേ​ഗം നി​യ​ന്ത്രി​ക്കാ​ൻ ന​ട​പ​ടി വേ​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ചൊ​വ്വാ​ഴ്ച വെ​ളു​പ്പി​ന് പാ​തി​രി​പ്പാ​ല​ത്ത് കു​റ്റ്യാ​ടി സ്വ​ദേ​ശി​യാ​യ യു​വാ​വ് മ​രി​ക്കാ​ൻ ഇ​ട​യാ​യ അ​പ​ക​ട​മാ​ണ് ഏ​റ്റ​വും ഒ​ടു​വി​ൽ. അ​മി​ത​വേ​ഗ​വും അ​ശ്ര​ദ്ധ​യു​മാ​ണ് അ​പ​ക​ട​ത്തി​ന് ഇ​ട​യാ​ക്കി​യ​ത്.

പാ​തി​രി​പ്പാ​ല​ത്ത് അ​പ​ക​ട​ങ്ങ​ളി​ൽ​പെ​ട്ട് നി​ര​വ​ധി​പേ​ർ മ​രി​ച്ചി​ട്ടു​ണ്ട്. അ​മി​ത വേ​ഗ​ം, ല​ഹ​രി ഉ​പ​യോ​ഗി​ച്ച​തി​നു​ശേ​ഷ​മു​ള്ള അ​ശ്ര​ദ്ധ​മാ​യ ഡ്രൈ​വി​ങ് എ​ന്നി​വ​യൊ​ക്കെ​യാ​ണ് കാ​ര​ണ​മാ​കു​ന്ന​ത്. ചൊ​വ്വാ​ഴ്ച അ​പ​ക​ടം വ​രു​ത്തി​യ ലോ​റി​യു​ടെ ഡ്രൈ​വ​ർ മ​ദ്യ​പി​ച്ചി​രു​ന്ന​താ​യി ആ​രോ​പ​ണ​മു​ണ്ട്. പ​രി​സ​ര​വാ​സി​ക​ൾ ഇ​ക്കാ​ര്യം സ്ഥി​രീ​ക​രി​ക്കു​ന്നു.

ഇ​രു​വ​ശ​ങ്ങ​ളി​ൽ നി​ന്നു​ള്ള ഇ​റ​ക്ക​വും വ​ള​വു​ക​ളു​മാ​ണ് പാ​തി​രി​പ്പാ​ല​ത്തെ അ​പ​ക​ട​മേ​ഖ​ല​യാ​ക്കു​ന്ന​ത്. മു​മ്പ്, ഇ​റ​ക്ക​ത്തി​ൽ വേ​ഗ​ം നി​യ​ന്ത്രി​ക്കാ​നു​ള്ള സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നെ​ങ്കി​ലും ഇ​പ്പോ​ൾ അ​തെ​ല്ലാം എ​ടു​ത്തു​മാ​റ്റി. കൈ​നാ​ട്ടി​ക്കു​ശേ​ഷ​മുള്ള അ​മൃ​ത വ​ള​വ് അ​പ​ക​ട​ങ്ങ​ൾ​ക്കു പേ​രു​കേ​ട്ട​താ​ണ്. മു​ട്ടി​ൽ ഡ​ബ്ല്യു.​എം.​ഒ കോ​ള​ജി​നും കാ​ക്ക​വ​യ​ലി​നും ഇ​ട​യി​ലു​ള്ള ഭാ​ഗ​മാ​ണ് മ​റ്റൊ​രു അ​പ​ക​ട കേ​ന്ദ്രം. ഇ​തി​നി​ട​യി​ലു​ള്ള വാ​ര്യാ​ട് ഭാ​ഗ​ത്തും അ​പ​ക​ട​ങ്ങ​ൾ പ​തി​വാ​ണ്. ഇ​വി​ടെ വ​ള​വു​ക​ളി​ല്ലാ​ത്ത റോ​ഡാ​യ​തി​നാ​ൽ അ​പ​ക​ട​ങ്ങ​ൾ കു​റ​യേ​ണ്ട​താ​ണ്. എ​ന്നി​ട്ടും അ​മി​ത​വേ​ഗം കാ​ര​ണം അ​പ​ക​ടം വ​ർ​ധി​ക്കു​ന്നു. മീ​ന​ങ്ങാ​ടി​ക്ക​ടു​ത്ത് കു​ട്ടി​രാ​യ​ൻ​പാ​ലം, മി​ൽ​മ ചി​ല്ലി​ൻ പ്ലാ​ന്റ് പ്ര​ദേ​ശ​ങ്ങ​ളും സ്ഥി​രം അ​പ​ക​ട മേ​ഖ​ല​യാ​ണ്.

മീ​ന​ങ്ങാ​ടി​ക്കു​ശേ​ഷം കൃ​ഷ്ണ​ഗി​രി വ​ള​വി​ൽ പൊ​ലീ​സ് പ​രി​ശോ​ധ​ന​യു​ള്ള ദി​വ​സ​ങ്ങ​ളി​ൽ വാ​ഹ​ന​ങ്ങ​ൾ പ​തു​ക്കെ​യാ​ണ് പോ​കാ​റു​ള്ള​ത്. കൊ​ള​ഗ​പ്പാ​റ ക​വ​ല​ക്ക് ശേ​ഷം ബീ​നാ​ച്ചി വ​രെ​യു​ള്ള ഭാ​ഗ​ത്ത് ചെ​റി​യ ക​യ​റ്റ​മാ​ണ്. മീ​ന​ങ്ങാ​ടി ഭാ​ഗ​ത്തേ​ക്ക് പോ​കു​ന്ന വാ​ഹ​ന​ങ്ങ​ൾ ഇ​റ​ക്ക​മി​റ​ങ്ങു​ന്ന​ത് അ​മി​ത​വേ​ഗ​ത്തിലാ​കു​മ്പോ​ൾ അ​പ​ക​ടം പ​തി​യി​രി​ക്കു​ന്നു. മീ​ന​ങ്ങാ​ടി പൊ​ലീ​സ് സ്റ്റേ​ഷ​നു മു​ന്നി​ലും ബ​സ് സ്റ്റാ​ൻ​ഡി​ലും അ​ടു​ത്തി​ടെ അ​പ​ക​ട​ത്തി​ൽ​പ്പെ​ട്ട വാ​ഹ​ന​ങ്ങ​ളു​ടെ വ​ലി​യനി​ര കൂ​ട്ടി​യി​ട്ടി​രി​ക്കു​ന്ന​ത് കാ​ണാം.

വാ​ഹ​ന​ങ്ങ​ൾ​ക്ക് വേ​ഗനി​യ​ന്ത്ര​ണ​മു​ള്ള ബ​ത്തേ​രി ന​ഗ​ര​ത്തി​ലും അ​ടു​ത്തി​ടെ​യാ​യി അ​പ​ക​ട​ങ്ങ​ൾ വ​ർ​ധി​ക്കു​ക​യാ​ണ്. ഇ​ട​തു​വ​ശ​ത്തു​കൂ​ടെ അ​മി​ത​വേ​ഗ​ത്തി​ൽ ഇ​രു​ച​ക്ര വാ​ഹ​ന​ങ്ങ​ളു​ടെ ഓ​വ​ർ ടേ​ക്കി​ങ് അ​പ​ക​ടങ്ങ​ൾ​ക്കി​ട​യാ​ക്കു​ന്നു​ണ്ട്. ഇ​ക്കാ​ര്യ​ത്തി​ൽ ക​ർ​ശ​ന ന​ട​പ​ടി​യെ​ടു​ക്കാ​ൻ പൊ​ലീ​സ് മ​ടി​ക്കു​ക​യാ​ണെ​ന്ന് ആ​ക്ഷേ​പ​മു​ണ്ട്.