സൂ​ചി​പ്പാ​റ​യി​ൽ സ​ഞ്ചാ​രി​ക​ളു​ടെ തി​ര​ക്ക് വ​ര്‍ധി​ക്കു​ന്നു

ചൂ​ര​ല്‍മ​ല: ഇ​ട​വേ​ള​ക്കു ശേ​ഷം തു​റ​ന്ന സൂ​ചി​പ്പാ​റ​യി​ൽ സ​ഞ്ചാ​രി​ക​ളു​ടെ തി​ര​ക്ക് വ​ര്‍ധി​ക്കു​ന്നു. സൂ​ചി​പ്പാ​റ വെ​ള്ള​ച്ചാ​ട്ട​ത്തി​ന്റെ ഭം​ഗി അ​സ്വ​ദി​ക്കാ​ന്‍ നി​ര​വ​ധി സ​ഞ്ചാ​രി​ക​ളാ​ണ് ഇ​പ്പോ​ഴെത്തു​ന്ന​ത്. ക​ഴി​ഞ്ഞ ഒ​മ്പ​തു മാ​സ​ത്തോ​ള​മാ​യി അ​ട​ച്ചി​ട്ടി​രു​ന്ന സൂ​ചി​പ്പാ​റ വി​നോ​ദ​സ​ഞ്ചാ​ര കേ​ന്ദ്രം ക​ഴി​ഞ്ഞ ഒ​ന്നി​നാ​ണ് വീ​ണ്ടും തു​റ​ന്ന് പ്ര​വ​ര്‍ത്ത​ന​മാ​രം​ഭി​ച്ച​ത്.

സൂ​ചി​പ്പാ​റ വ​ന​സം​ര​ക്ഷ​ണ സ​മി​തി​യു​ടെ കീ​ഴി​ലാ​ണ് ടൂ​റി​സം കേ​ന്ദ്ര​ത്തി​ന്റെ പ്ര​വ​ര്‍ത്ത​നം. 44 തൊ​ഴി​ലാ​ളി​ക​ളാ​ണ് ഇ​വി​ടെ​യു​ള്ള​ത്. ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലാ​യി ആ​യി​ര​ത്തി​ല​ധി​കം സ​ഞ്ചാ​രി​ക​ളാ​ണ് സൂ​ചി​പ്പാ​റ​യി​ലെ​ത്തി​യ​ത്. സ​ഞ്ചാ​രി​ക​ള്‍ കൂ​ട്ട​മാ​യെ​ത്തു​ന്ന​ത് കാ​ര​ണം രാ​വി​ലെ​യോ​ടെ ത​ന്നെ ടി​ക്ക​റ്റു​ക​ളും വി​റ്റു​തീ​രു​ന്നു​ണ്ട്.

സ​ഞ്ചാ​രി​ക​ളെ​ത്താ​ന്‍ തു​ട​ങ്ങി​യ​തോ​ടെ കേ​ന്ദ്ര​ത്തി​ന് സ​മീ​പ​ത്തെ ഹോം​സ്റ്റേ​ക​ളും റി​സോ​ര്‍ട്ടു​ക​ളും വ്യാ​പാ​ര സ്ഥാ​പ​ന​ങ്ങ​ളും ഹോ​ട്ട​ലു​ക​ളു​മെ​ല്ലാം സ​ജീ​വ​മാ​യി തു​ട​ങ്ങി​യി​ട്ടു​ണ്ട്. മു​ണ്ട​ക്കൈ, ചൂ​ര​ല്‍മ​ല ദു​ര​ന്ത​ത്തി​ല്‍ ഒ​ഴു​കി​യെ​ത്തി​യ മ​ണ്ണും ചളി​യും പാ​റ​ക​ളു​മെ​ല്ലാം സൂ​ചി​പ്പാ​റ​യി​ലൂ​ടെ​യു​ള്ള പു​ഴ​യി​ലൂ​ടെ​യാ​ണ് ഒ​ഴു​കി​യ​ത്. എ​ന്നാ​ല്‍, ടൂ​റി​സം കേ​ന്ദ്ര​ത്തി​നു കാ​ര്യ​മാ​യ കേ​ടു​പാ​ടു​ക​ള്‍ സം​ഭ​വി​ച്ചി​രു​ന്നി​ല്ല. കൈ​വ​രി​യും പ​ടി​ക​ളും ന​ട​പ്പാ​ത​ക​ളും ന​വീ​ക​രി​ച്ച​തി​നു ശേ​ഷ​മാ​ണ് കേ​ന്ദ്രം വി​നോ​ദ​സ​ഞ്ചാ​രി​ക​ള്‍ക്കാ​യി വീ​ണ്ടും തു​റ​ന്നു കൊ​ടു​ത്ത​ത്.

കു​റു​വ വ​ന​സം​ര​ക്ഷ​ണ സ​മി​തി ജി​വ​ന​ക്കാ​ര​ന്‍ പു​ല്‍പ​ള്ളി പാ​ക്കം വെ​ള്ള​ച്ചാ​ലി​ല്‍ പോ​ള്‍ കാ​ട്ടാ​ന​യു​ടെ ആ​ക്ര​മ​ണ​ത്തി​ല്‍ കൊ​ല്ല​പ്പെ​ട്ട​തി​നെ​ത്തു​ട​ര്‍ന്ന് ക​ഴി​ഞ്ഞ ഫെ​ബ്രു​വ​രി 19നാ​ണ് സൂ​ചി​പ്പാ​റ അ​ട​ക്ക​മു​ള്ള ജി​ല്ല​യി​ലെ വ​നം​വ​കു​പ്പി​ന് കീ​ഴി​ലെ എ​ട്ടു ഇ​ക്കോ ടൂ​റി​സം കേ​ന്ദ്ര​ങ്ങ​ള്‍ താ​ല്‍ക്കാ​ലി​ക​മാ​യി അ​ട​ച്ച​ത്.

പി​ന്നീ​ട്, ഇ​ക്കോ ടൂ​റി​സം കേ​ന്ദ്ര​ങ്ങ​ള്‍ തു​റ​ക്കു​ന്ന​ത് കോ​ട​തി നി​ര്‍ദേ​ശ​പ്ര​കാ​രം മാ​ത്ര​മാ​ക​ണ​മെ​ന്ന് ഹൈ​കോ​ട​തി ഉ​ത്ത​ര​വി​റ​ക്കു​ക​യും ചെ​യ്തു. പി​ന്നീ​ട് ഹൈ​കോ​ട​തി അ​നു​മ​തി​യു​ടെ അ​ടി​സ്ഥാ​ന​ത്തി​ല്‍ ക​ഴി​ഞ്ഞ 15 മു​ത​ലാ​ണ് ഇ​ക്കോ ടൂ​റി​സം കേ​ന്ദ്ര​ങ്ങ​ള്‍ തു​റ​ന്നു തു​ട​ങ്ങി​യ​ത്.