മുറപോലെ മേളകൾ; പ്രതിഭകൾ കാണാമറയത്ത്

'എ​ന്റെ വി​ദ്യാ​ല​യ​ത്തി​ലെ അ​ഞ്ച് കു​ട്ടി​ക​ൾ​ക്ക് കു​റ​ച്ചു ദി​വ​സം സി​ന്ത​റ്റി​ക് ട്രാ​ക്ക് ഉ​പ​യോ​ഗി​ക്കു​ന്ന​തി​നു​ള്ള സം​വി​ധാ​നം ഒ​രു​ക്കാ​ൻ പ​റ്റു​മോ.. ഞാ​ൻ ചാ​മ്പ്യ​ന്മാ​രെ ത​രാം' ആ​ന​പ്പാ​റ സ്കൂ​ളി​ലെ പി.​ടി അ​ധ്യാ​പ​ക​ന് ജി​ല്ല പ​ഞ്ചാ​യ​ത്തി​നോ​ടു​ള്ള ഏ​ക ആ​വ​ശ്യ​മാ​യി​രു​ന്നു. ആ​ന​പ്പാ​റ​യി​ൽ നി​ന്നും മു​ണ്ടേ​രി​യി​ലെ സി​ന്ത​റ്റി​ക് ട്രാ​ക്കി​ലേ​ക്ക് കു​ട്ടി​ക​ളെ പ​രി​ശീ​ല​ന​ത്തി​ന് ആ​രു കൊ​ണ്ടു​വ​രും എ​ന്ന് ചോ​ദി​ച്ച​പ്പോ​ൾ ഞാ​ൻ എ​ന്റെ കാ​റി​ൽ കൊ​ണ്ടു​വ​രു​മെ​ന്ന് അ​ധ്യാ​പ​ക​ന്റെ മ​റു​പ​ടി.

ജി​ല്ല കാ​യി​ക മേ​ള​ക്ക് മു​മ്പ് ഈ ​അ​ഞ്ചു കു​ട്ടി​ക​ളെ​യും കൊ​ണ്ട് സി​ന്ത​റ്റി​ക് ട്രാ​ക്കി​ൽ എ​ത്തി സ്വ​ന്തം ചെ​ല​വി​ൽ ആ ​അ​ധ്യാ​പ​ക​ൻ പ​രി​ശീ​ല​നം കൊ​ടു​ത്തു. ജി​ല്ല​ത​ല മ​ത്സ​ര​ത്തി​ൽ അ​തി​ന്റെ ഫ​ല​വും ഉ​ണ്ടാ​യി. ആ​ദ്യ​മാ​യി ജി​ല്ല​യി​ൽ ആ​ന​പ്പാ​റ സ്കൂ​ൾ മൂ​ന്നാം സ്ഥാ​നം നേ​ടി.

വ്യ​ക്തി​ഗ​ത ചാ​മ്പ്യ​ൻ​ഷി​പ്പും സ്വ​ന്ത​മാ​ക്കി. സ്വ​ന്തം പോ​ക്ക​റ്റി​ൽ നി​ന്നും എ​ണ്ണ പൈ​സ​യെ​ടു​ത്തു കു​ട്ടി​ക​ളെ കൊ​ണ്ടു​വ​ന്ന് പ​രി​ശീ​ലി​പ്പി​ക്കാ​ൻ ആ ​അ​ധ്യാ​പ​ക​ൻ കാ​ണി​ച്ച ആ​ത്മാ​ർ​ഥ​ത​യാ​ണ് വി​ദ്യാ​ല​യ​ത്തി​ന്റെ അ​ഭി​മാ​നം കൂ​ടി ഉ​യ​ർ​ത്തി​യ​ത്. മു​ൻ​വ​ർ​ഷ​ങ്ങ​ളി​ൽ കാ​ക്ക​വ​യ​ലും മീ​ന​ങ്ങാ​ടി​യും ഈ ​ആ​ത്മാ​ർ​ഥ​ത കാ​ണി​ച്ച​തി​ന്റെ ഫ​ലം സ്കൂ​ളി​നും ജി​ല്ല​ക്കും ല​ഭി​ച്ചി​രു​ന്നു.

ജി​ല്ല കാ​യി​ക​മേ​ള​യി​ൽ ചാ​മ്പ്യ​ന്മാ​രാ​യ കാ​ട്ടി​ക്കു​ളം ഗി​രീ​ഷ് മാ​ഷി​ന്റെ സ്പോ​ർ​ട്സ് അ​ക്കാ​ദ​മി​യു​ടെ വി​ജ​യ​മാ​ണ്. വാ​ളേ​രി​യി​ലെ മൂ​ന്നു കു​ട്ടി​ക​ളു​ടെ മി​ന്നു​ന്ന വി​ജ​യ​വും എ​സ്.​എ​സ്.കെ ​അ​ധ്യാ​പ​ക​ന്റെ ആ​ത്മാ​ർ​ഥ​ത​യു​ടെ ഫ​ല​മാ​യി​രു​ന്നു. പെ​ൺ​കു​ട്ടി​ക​ൾ മാ​ത്രം വ​ന്നു മ​ത്സ​രി​ച്ചി​ട്ടാ​ണ് ക​ൽ​പ​റ്റ ജി.​എം.​ആ​ർ.​എ​സ് ര​ണ്ടാം​സ്ഥാ​ന​ത്ത് എ​ത്തി​യ​ത്.

ആ​ത്മാ​ർ​ഥ​ത​യു​ള്ള അ​ധ്യാ​പ​ക​രു​ള്ള വി​ദ്യാ​ല​യ​ങ്ങ​ളി​ലെ​ല്ലാം വി​ജ​യ​വും ഉ​ണ്ടാ​യി​ട്ടു​ണ്ട്. എ​ന്നാ​ൽ, മ​റു​വ​ശ​ത്ത് ഒ​ന്നി​നും താ​ൽപ​ര്യ​മി​ല്ലാ​ത്ത ചി​ല​രെ​ങ്കി​ലും ജി​ല്ല​യു​ടെ കാ​യി​ക​മോ​ഹ​ത്തി​ന് വി​ല​ങ്ങു​ത​ടി​യാ​യി നി​ൽ​ക്കു​ന്നു​മു​ണ്ട്. ജി​ല്ല കാ​യി​ക​മേ​ള​യി​ൽ ജ​യി​ച്ചു വ​രു​ന്ന കു​ട്ടി​ക​ൾ​ക്ക് മൂ​ന്നു ദി​വ​സ​ത്തെ പ​രി​ശീ​ല​നം ജി​ല്ല പ​ഞ്ചാ​യ​ത്ത് തു​ട​ങ്ങി​യ സ​മ​യ​ത്ത് ഒ​രു അ​ധ്യാ​പി​ക​യു​ടെ പ​രാ​തി നാ​ല് കു​ട്ടി​ക​ളെ ക​ൽ​പ​റ്റ​യി​ൽ എ​ത്തി​ക്കാ​ൻ വ​ണ്ടി​ക്കൂ​ലി ഇ​ല്ലെ​ന്നാ​യി​രു​ന്നു.

എ​സ്.​എ​സ്.​കെ​യി​ലെ അ​ധ്യാ​പ​ക​രു​ടെ പി​ൻ​ബ​ല​ത്തി​ലാ​ണ് ജി​ല്ല കാ​യി​ക​മേ​ള​യി​ലെ വി​ജ​യ​ങ്ങ​ൾ ക​ട​ന്നു​പോ​യ​ത്. ല​ക്ഷ​ങ്ങ​ൾ ചെ​ല​വ​ഴി​ച്ച് സ്കൂ​ൾ വി​ദ്യാ​ർ​ഥി​ക​ൾ​ക്ക് കാ​യി​ക പ​രി​ശീ​ല​ന​വും കാ​യി​ക​മേ​ള​യും ന​ട​ത്തി വ​ർ​ഷാ​വ​ർ​ഷം പ്ര​തി​ഭ​ക​ളെ വ​യ​നാ​ട്ടി​ൽ വി​ജ​യി​പ്പിച്ചെ​ടു​ക്കു​മ്പോ​ഴും സ്കൂ​ൾ വി​ദ്യാ​ഭ്യാ​സ​ത്തി​ന് ശേ​ഷം ഈ ​പ്ര​തി​ഭ​ക​ൾ എ​വി​ടെ എ​ത്തി​ച്ചേ​രു​ന്നു​വെ​ന്ന് ജി​ല്ല ഭ​ര​ണ​കൂ​ട​വും സ​ർ​ക്കാ​റും അ​ന്വേ​ഷി​ക്കു​ന്നി​ല്ലെ​ന്ന് ആ​ക്ഷേ​പം ഉ​യ​രാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി.

പ​രി​മി​തി​ക​ളെ ഊ​ർ​ജ​മാ​ക്കി ഇ​ല്ലാ​യ്മ​ക​ളു​ടെ​യും പ​രാ​ധീ​ന​ത​ക​ളു​ടെ​യും ക​ളി​ക്ക​ള​ത്തി​ൽ പ​രി​ശീ​ല​നം നേ​ടി സ​ർ​ക്കാ​ർ സ്കൂ​ളു​ക​ളു​ടെ അ​ഭി​മാ​നം ഉ​യ​ർ​ത്തു​ന്ന വ​യ​നാ​ട്ടി​ലെ പി​ന്നാ​ക്ക ദ​ലി​ത് ആ​ദി​വാ​സി വി​ഭാ​ഗ​ത്തി​ലെ പ്ര​തി​ഭ​ക​ളു​ടെ ഭാ​വി ഇ​രു​ള​ട​യു​മ്പോ​ഴും സ​ർ​ക്കാ​ർ കേ​ന്ദ്ര​ങ്ങ​ൾ ആ​ല​സ്യ​ത്തി​ലാ​ണ്.

ജി​ല്ല​യി​ലെ സ​ർ​ക്കാ​ർ വി​ദ്യാ​ല​യ​ങ്ങ​ളി​ലെ പി​ന്നാ​ക്ക വി​ഭാ​ഗ​ങ്ങ​ളി​ലെ വി​ദ്യാ​ർ​ഥി​ക​ൾ ത​ന്നെ​യാ​ണ് ഇ​പ്പോ​ഴും വ​യ​നാ​ടി​ന്റെ അ​ഭി​മാ​ന പ്ര​തി​ഭ​ക​ൾ ആ​കു​ന്ന​ത്. പ​ക്ഷേ തു​ട​ർ​ന്നു​ള്ള ഇ​വ​രു​ടെ ജീ​വി​തം തി​ക​ച്ചും കാ​യി​ക മേ​ഖ​ല​ക്ക് പു​റ​ത്താ​ണ്.

തെ​ക്ക​ൻ ജി​ല്ല​ക​ളി​ലും മ​ല​ബാ​റി​ലെ മ​റ്റു ജി​ല്ല​ക​ളി​ലുമൊക്കെയുള്ള പ്ര​തി​ഭ​ക​ൾ സ്പോ​ർ​ട്സ് ക്വോ​ട്ട​യി​ലൂ​ടെ സ​ർ​ക്കാ​ർ സ​ർ​വി​സു​ക​ളി​ൽ ഇ​ടം പി​ടി​ക്കു​മ്പോ​ൾ വ​യ​നാ​ടി​ന്റെ മ​ക്ക​ൾ​ക്ക് ഓ​രോ കാ​യി​ക​മേ​ള​യി​ലും പ്ര​തി​ഭ​പ​ട്ടം ക​ര​സ്ഥ​മാ​ക്കി വീ​ട്ടി​ലി​രി​ക്കാ​നാ​ണ് യോ​ഗം.

സ്പോ​ർ​ട്സ് ക്വോ​ട്ട​യി​ലൂ​ടെ വ​യ​നാ​ട്ടി​ലെ എ​ത്ര കാ​യി​ക പ്ര​തി​ഭ​ക​ൾ ഉ​ന്ന​ത സ​ർ​ക്കാ​ർ സ​ർ​വി​സു​ക​ളി​ൽ എ​ത്തി​പ്പെ​ടു​ന്നു എ​ന്ന് അ​ന്വേ​ഷി​ച്ചാ​ൽ ഞെ​ട്ടു​ന്ന വ​സ്തു​ത​ക​ൾ ക​ണ്ടെ​ത്താ​നാ​കും. കാ​യി​ക​മേ​ള​ക​ളി​ൽ മി​ക​ച്ച പ്ര​ക​ട​നം കാ​ഴ്ച​വെ​ക്കു​ന്ന പ്ര​തി​ഭ​ക​ളെ വാ​നോ​ളം ഉ​യ​ർ​ത്തു​ന്ന മാ​ധ്യ​മ​ങ്ങ​ളും അ​ഭി​ന​ന്ദ​ന​ത്തി​ന് പൂ​ച്ചെ​ണ്ടു​ക​ളു​മാ​യി വ​രു​ന്ന രാ​ഷ്ട്രീ​യ നേ​താ​ക്ക​ളും പി​ന്നീ​ട് അ​വ​രെ കു​റി​ച്ച് വേ​വ​ലാ​തി​പ്പെ​ടാ​റി​ല്ലെ​ന്ന​താ​ണ് വാ​സ്ത​വം.

ഏ​റെ കൊ​ട്ടി​ഘോ​ഷി​ച്ചു ന​ട​ത്തു​ന്ന കാ​യി​ക​മേ​ള​ക​ൾ ഒ​ഴി​ച്ചാ​ൽ അ​തി​ൽ ക​ണ്ടെ​ത്തു​ന്ന പ്ര​തി​ഭ​ക​ളെ എ​ങ്ങ​നെ നാ​ടി​നു മു​ത​ൽ​ക്കൂ​ട്ടാ​ക്കാം എ​ന്ന് ആ​ലോ​ചി​ക്കാ​നോ തു​ട​ർ​ന​ട​പ​ടി​ക​ൾ സ്വീ​ക​രി​ക്കാ​നോ ഭ​ര​ണ​കൂ​ട​മോ സ്പോ​ർ​ട്സ് കൗ​ൺ​സി​ലോ വേ​ണ്ട​ത്ര ശു​ഷ്കാ​ന്തി കാ​ണി​ക്കാ​റി​ല്ലെ​ന്ന യാ​ഥാ​ർ​ഥ്യം മ​റ​ച്ചു​വെ​ക്കാ​നാ​വി​ല്ല.

അ​വ​ഗ​ണ​ന​യു​ടെ പ​ര്യാ​യ​മാ​യ വ​യ​നാ​ട്ടി​ലെ ചെ​റു​കി​ട ക​ർ​ഷ​ക​രു​ടെ​യും നി​ർ​ധ​ന തോ​ട്ടം തൊ​ഴി​ലാ​ളി​ക​ളു​ടെ​യും ആ​ദി​വാ​സി​ക​ളു​ടെ​യും കു​ടും​ബ​ങ്ങ​ളി​ലെ മി​ടു​ക്ക​രാ​യ പ്ര​തി​ഭ​ക​ൾ മ​തി​യാ​യ പ​രി​ശീ​ല​ന​മോ പ​രി​ഗ​ണ​ന​യോ ഇ​ല്ലാ​തെ അ​വ​ഗ​ണി​ക്ക​പ്പെ​ടു​ന്ന അ​വ​സ്ഥ​ക്ക് മാ​റ്റം ഉ​ണ്ടാ​യേ പ​റ്റൂ.

അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത ശാ​പ​മാ​യി തു​ട​രു​ന്ന വ​യ​നാ​ട്ടി​ലെ വി​ദ്യാ​ല​യ​ങ്ങ​ളു​ടെ കാ​യി​ക സൗ​ക​ര്യ​വും അ​ധ്യാ​പ​ക​രു​ടെ മ​നോ​ഭാ​വ​വും മാ​റ​ണം. ആ​ദി​വാ​സി കോ​ള​നി​ക​ളി​ലെ ധാ​രാ​ളം കു​ട്ടി​ക​ൾ സ്കൂ​ൾ കാ​യി​ക മേ​ഖ​ല​ക​ളി​ൽ മി​ക​ച്ച പ്ര​ക​ട​നം കാ​ഴ്ച​വെ​ച്ച് മു​ന്നേ​റു​ന്ന​ത് ഈ ​അ​ടു​ത്ത​കാ​ല​ത്താ​യി വ​ർ​ധി​ച്ച​ത് എ​ടു​ത്തു പ​റ​യ​ത്ത​ക്ക കാ​ര്യ​മാ​ണ്.

സ​ർ​ക്കാ​റി​ന് കീ​ഴി​ലു​ള്ള ട്രൈ​ബ​ൽ റ​സി​ഡ​ൻ​ഷ്യ​ൽ വി​ദ്യാ​ല​യ​ങ്ങ​ളി​ലെ മെ​ഡ​ലു​ക​ൾ വാ​രി​ക്കൂ​ട്ടി​യ പ്ര​തി​ഭ​ക​ൾ ഇ​ന്നും ന​മ്മു​ടെ സ​മൂ​ഹ​ത്തി​ൽ അ​വ​ഗ​ണി​ക്ക​പ്പെ​ട്ട് ക​ഴി​യു​ന്നു​ണ്ട്. ക​ഴി​ഞ്ഞ​ദി​വ​സം സ​മാ​പി​ച്ച ജി​ല്ല സ്കൂ​ൾ കാ​യി​ക​മേ​ള​യി​ലും അ​ന​വ​ധി പ്ര​തി​ഭ​ക​ൾ വ​യ​നാ​ട്ടി​ൽ ഉ​ണ്ടാ​യി. ഇ​വ​രെ​ങ്കി​ലും സ​ർ​ക്കാ​ർ കേ​ന്ദ്ര​ങ്ങ​ളു​ടെ അ​വ​ഗ​ണ​ന​യു​ടെ പ​ര്യാ​യ​ങ്ങ​ൾ ആ​വാ​തി​രി​ക്കാ​ൻ വേ​ണ്ട ന​ട​പ​ടി എ​ടു​ക്കു​കത​ന്നെ വേ​ണം.

(അ​വ​സാ​നി​ച്ചു)