തെരുവു​നായ്​ വന്ധ്യംകരണം: 20 ലക്ഷം കെട്ടിക്കിടക്കുന്നെന്ന്​ കലക്​ടർ; അങ്ങനെയൊരു പണമില്ലെന്ന്​ കുടുംബശ്രീ

ക​ൽ​പ​റ്റ: എ.​ബി.​സി പ​ദ്ധ​തി​യി​ൽ 20 ല​ക്ഷം രൂ​പ ചെ​ല​വ​ഴി​ക്കാ​തെ കെ​ട്ടി​ക്കി​ട​ക്കു​ന്നു​വെ​ന്ന​തു സം​ബ​ന്ധി​ച്ച്​ കു​ടും​ബ​ശ്രീ ജി​ല്ല കോ​ഓ​ഡി​നേ​റ്റ​റോ​ട്​ ജി​ല്ല ക​ല​ക്​​ട​ർ വി​ശ​ദീ​ക​ര​ണം തേ​ടി. അ​തേ​സ​മ​യം, ഇ​ങ്ങ​നെ​യൊ​രു തു​ക ത​ങ്ങ​ളു​ടെ കൈ​വ​ശ​മി​ല്ലെ​ന്നാ​ണ്​ കു​ടും​ബ​ശ്രീ അ​ധി​കൃ​ത​രു​ടെ പ്ര​തി​ക​ര​ണം. 2017-18 മു​ത​ൽ ജി​ല്ല​യി​ലെ ഗ്രാ​മ​പ​ഞ്ചാ​യ​ത്തു​ക​ൾ തെ​രു​വു​​നാ​യ്​ വ​ന്ധ്യം​ക​ര​ണ പ​ദ്ധ​തി​ക്കാ​യി (എ.​ബി.​സി) 41,02,500 രൂ​പ കു​ടും​ബ​ശ്രീ​ക്ക്​ കൈ​മാ​റി​യ​തി​ൽ 20,99,746 രൂ​പ മാ​ത്ര​മാ​ണ് ചെ​ല​വ​ഴി​ച്ച​തെ​ന്നും ബാ​ക്കി തു​ക കു​ടും​ബ​ശ്രീ അ​ക്കൗ​ണ്ടി​ൽ കെ​ട്ടി​ക്കി​ട​ക്കു​ക​യാ​ണെ​ന്നു​മാ​ണ്​ ക​ല​ക്​​ട​ർ​ക്കു​വേ​ണ്ടി ഡെ​പ്യൂ​ട്ടി ക​ല​ക്​​ട​ർ കു​ടും​ബ​ശ്രീ​ക്ക്​ ന​ൽ​കി​യ ക​ത്തി​ൽ വ്യ​ക്ത​മാ​ക്കു​ന്ന​ത്.

നി​ല​വി​ൽ കു​ടും​ബ​ശ്രീ മു​ഖേ​ന ന​ട​പ്പാ​ക്കു​ന്ന എ.​ബി.​സി പ​ദ്ധ​തി എ​ല്ലാ പ​ഞ്ചാ​യ​ത്തു​ക​ളി​ലും പ്രാ​വ​ർ​ത്തി​ക​മാ​ക്കി​യാ​ൽ ജി​ല്ല​യി​ലെ തെ​രു​വ് നാ​യ്ക്ക​ളു​ടെ എ​ണ്ണം നി​​യ​ന്ത്രി​ക്കാ​ൻ ക​ഴി​യും. പ​ദ്ധ​തി ജി​ല്ല​യി​ലെ ഏ​തെ​ല്ലാം പ​ഞ്ചാ​യ​ത്തു​ക​ളി​ൽ ന​ട​പ്പാ​ക്കി​യി​ട്ടു​ണ്ട്, ന​ട​പ്പാ​ക്കു​ന്ന​തി​ൽ കു​ടും​ബ​ശ്രീ​ക്ക്​ ബു​ദ്ധി​മു​ട്ടു​ക​ൾ ഉ​ണ്ടോ എ​ന്ന​ത്​ സം​ബ​ന്ധി​ച്ചും വി​ശ​ദ​മാ​യ റി​പ്പോ​ർ​ട്ട് ന​ൽ​ക​ണ​മെ​ന്നും ക​ത്തി​ൽ നി​ർ​ദേ​ശി​ക്കു​ന്നു. അ​തേ​സ​മ​യം, ക​ഴി​ഞ്ഞ​വ​ർ​ഷം ഏ​ഴു​ല​ക്ഷ​ത്തോ​ളം രൂ​പ​യും ഈ ​വ​ർ​ഷം അ​ഞ്ച​ര ല​ക്ഷ​വു​മാ​ണ്​ ​പ​ഞ്ചാ​യ​ത്തു​ക​ൾ കു​ടും​ബ​ശ്രീ​ക്ക്​ ന​ൽ​കി​യ​തെ​ന്നും 20 ല​ക്ഷം രൂ​പ അ​ക്കൗ​ണ്ടി​ൽ ബാ​ക്കി​യു​ണ്ടെ​ന്ന​ത്​ ശ​രി​യ​ല്ലെ​ന്നും​ ജി​ല്ല കോ​ഓ​ഡി​നേ​റ്റ​ർ പി. സാ​ജി​ത 'മാ​ധ്യ​മ'​ത്തോ​ട്​ വ്യ​ക്​​ത​മാ​ക്കി. ക​ഴി​ഞ്ഞ​ത​വ​ണ ല​ഭി​ച്ച തു​ക​യു​പ​യോ​ഗി​ച്ച്​ 540 നാ​യ്​​ക്ക​ളെ​യും ഈ​വ​ർ​ഷം 262 എ​ണ്ണ​ത്തി​നെ​യും വ​ന്ധ്യം​ക​രി​ച്ചു. എ.​ബി.​സി പ​ദ്ധ​തി ഏ​റ്റെ​ടു​ക്കാ​ൻ കു​ടും​ബ​ശ്രീ സ​ന്ന​ദ്ധ​മാ​ണെ​ങ്കി​ലും ​പൊ​തു​താ​ൽ​പ​ര്യ ഹ​ര​ജി​യി​ൽ കോ​ട​തി​യു​ടെ സ്​​റ്റേ​യു​ള്ള​തി​നാ​ൽ നി​ർ​ത്തി​വെ​ച്ച​താ​ണ്. പ​ഞ്ചാ​യ​ത്തു​ക​ൾ ന​ൽ​കി​യ പ​ണം കു​ടും​ബ​ശ്രീ പൂ​ർ​ണ​മാ​യി ചെ​ല​വ​ഴി​ച്ചി​ട്ടു​ണ്ടെ​ന്നും അ​വ​ർ പ​റ​ഞ്ഞു.