തെരുവ് വിളക്കുകൾ കത്തുന്നില്ല; തിരിഞ്ഞു നോക്കാതെ അധികൃതർ; തളിപ്പുഴ മുതൽ ലക്കിടി ചുരം വ​രെ തെരുവ് വിളക്കുകൾ കണ്ണടച്ചു

വൈ​ത്തി​രി: ദേ​ശീ​യ​പാ​ത​യി​ൽ ത​ളി​പ്പു​ഴ മു​ത​ൽ ല​ക്കി​ടി ചു​രം വ​രെ തെ​രു​വു വി​ള​ക്കു​ക​ൾ ക​ത്താ​ത്ത​തു മൂ​ലം സ​ന്ധ്യ​യാ​യാ​ൽ ഈ ​ഭാ​ഗ​ത്തുകൂ​ടി വി​ദ്യാ​ർ​ഥി​ക​ള​ട​ക്ക​മു​ള്ള​വ​ർ സ​ഞ്ച​രി​ക്കു​ന്ന​ത് ഇ​രു​ട്ടി​ലൂ​ടെ. പൂ​ക്കോ​ട് വെ​റ്റ​റി​ന​റി യൂ​നി​വേ​ഴ്സി​റ്റി​യി​ലെ കു​ട്ടി​ക​ൾ നി​ത്യോ​പ​യോ​ഗ സാ​ധ​ന​ങ്ങ​ളും മ​റ്റും വാ​ങ്ങു​ന്ന​തി​നു ആ​ശ്ര​യി​ക്കു​ന്ന​ത് ത​ളി​പ്പു​ഴ അ​ങ്ങാ​ടി​യെ​യാ​ണ്. ഭ​ക്ഷ​ണ​ത്തി​നും മ​റ്റും ല​ക്കി​ടി​യെ​യും. ത​ളി​പ്പു​ഴ പാ​ലം മു​ത​ൽ അ​റ​മ​ല പാ​ലം വ​രെ ക​ട​ക​ളോ സ്ഥാ​പ​ന​ങ്ങ​ളോ ഇ​ല്ലാ​ത്ത​തി​നാ​ൽ തി​ക​ച്ചും ഇ​രു​ട്ടാ​ണ്.

ത​ളി​പ്പു​ഴ പാ​ല​ത്തി​നും യൂ​നി​വേ​ഴ്സി​റ്റി ക​വാ​ട​ത്തി​നു​മി​ട​യി​ലു​ള്ള സ്ഥ​ലം വ​ന്യമൃ​ഗ​ശ​ല്യ​മു​ള്ള ഇ​ടം കൂ​ടി​യാ​ണ്. യൂ​നി​വേ​ഴ്‌​സി​റ്റി​ക്ക് പു​റ​മെ ന​വോ​ദ​യ സ്‌​കൂ​ൾ, എം.​ആ​ർ.​എ​സ്, പൂ​ക്കോ​ട് ഭാ​ഗ​ത്തു​ള്ള ആ​ദി​വാ​സി കോ​ള​നി​ക​ൾ എ​ന്നി​വി​ട​ങ്ങ​ളി​ലു​ള്ള​വ​രും സ​ഞ്ച​രി​ക്കു​ന്ന പാ​ത​കൂ​ടി​യാ​ണി​ത്. വെ​ളി​ച്ച​മി​ല്ലാ​തെ പെ​ൺ​കു​ട്ടി​ക​ള​ട​ക്കം നി​ര​വ​ധി പേ​ർ രാ​ത്രി സ​ഞ്ച​രി​ക്കു​ന്ന ഈ ​പാ​ത​യാ​യോ​രം ഏ​തു​വി​ധേ​ന​യു​മു​ള്ള അ​പ​ക​ടം പ​തി​യി​രി​ക്കു​ന്ന ഇ​ട​മാ​ണ്.

തെ​രു​വു വി​ളി​ക്കു​ക​ൾ സ്ഥാ​പി​ക്കു​ന്ന​തി​നാ​വ​ശ്യ​മാ​യ ഫ​ണ്ടി​ല്ലെ​ന്നാ​ണ് പ​ഞ്ചാ​യ​ത്ത​ധി​കൃ​ത​ർ പ​റ​യു​ന്ന​ത്. യൂ​നി​വേ​ഴ്സി​റ്റി ക​വാ​ടം മു​ത​ൽ കാമ്പസി​ൽ തെ​രു​വു​വി​ള​ക്കു​ക​ൾ ക​ത്തു​ന്നു​ണ്ട്. ല​ക്കി​ടി​യി​ൽ പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ളി​ലെ സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ ഇ​രു​ട്ടി​ലൂ​ടെ​യാ​ണ് ല​ക്കി​ടി വ്യൂ ​പോ​യന്റി​ലേ​ക്കു പോ​കു​ന്ന​ത്. ല​ക്കി​ടി സ്വാ​ഗ​ത ക​വാ​ട​ത്തി​നും വ്യൂ ​പോ​യ​ന്റി​നും ഇ​ട​ക്കു​ള്ള ഭാ​ഗം ഇ​രു​ട്ട് നി​റ​ഞ്ഞ​തും വീ​തി കു​റ​ഞ്ഞ​തു​മാ​ണ്. വ്യൂ ​പോ​യ​ന്റി​ൽ സോ​ളാ​ർ ലൈ​റ്റു​ക​ൾ സ്ഥാ​പി​ച്ചി​ട്ടു​ണ്ട്. അ​ടി​യ​ന്ത​ര​മാ​യി ഈ ​ഭാ​ഗ​ത്ത് തെ​രു​വു​വി​ള​ക്കു​ക​ൾ സ്ഥാ​പി​ക്ക​ണ​മെ​ന്ന ആ​വ​ശ്യം പ​ക്ഷേ അ​ധി​കൃ​ത​ർ ഗൗ​നി​ക്കു​ന്നി​ല്ല.