അമരക്കുനിയിലെ കടുവയെ തിരുവനന്തപുരം മൃഗശാലയിലേക്ക് മാറ്റി

സു​ൽ​ത്താ​ൻ ബ​ത്തേ​രി: പു​ൽ​പ​ള്ളി അ​മ​ര​ക്കു​നി​യി​ൽ നി​ന്നും വ​നം വ​കു​പ്പ് പി​ടി​കൂ​ടി​യ എ​ട്ടു വ​യ​സ്സുള്ള പെ​ൺ ക​ടു​വ​യെ തി​രു​വ​ന​ന്ത​പു​രം മൃ​ഗ​ശാ​ല​യി​ലേ​ക്ക് മാ​റ്റി. ഞാ​യ​റാ​ഴ്ച വൈ​കീ​ട്ട് ആ​റു മ​ണി​യോ​ടെ​യാ​ണ് ക​ടു​വ​യെ കു​പ്പാ​ടി വ​ന്യ​മൃ​ഗ പ​രി​പാ​ല​ന കേ​ന്ദ്ര​ത്തി​ൽനി​ന്നും മൃ​ഗ​ശാ​ല​യി​ലേ​ക്ക് കൊ​ണ്ടു​പോ​യ​ത്. മൃ​ഗ​ശാ​ല​യി​ൽനി​ന്നും ക​ടു​വ​ക്ക് കൂ​ടു​ത​ൽ ചി​കി​ത്സ കൊ​ടു​ക്കു​മെ​ന്ന് വ​നം അ​ധി​കൃ​ത​ർ പ​റ​ഞ്ഞു.

ക​ടു​വ​യെ മൃ​ഗ​ശാ​ല​യി​ലേ​ക്ക് മാ​റ്റാ​നു​ള്ള ഉ​ത്ത​ര​വ് ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ പു​റ​പ്പെ​ടു​വി​ച്ച​ത് ക​ഴി​ഞ്ഞ ദി​വ​സ​മാ​ണ്. വ​നം വ​കു​പ്പി​ന്റെ പ്ര​ത്യേ​ക ആം​ബു​ല​ൻ​സ് ലോ​റി​യി​ലാ​ണ് ക​ടു​വ​യെ കൊ​ണ്ടു​പോ​യ​ത്. അ​രീ​ക്കോ​ട്, പെ​രി​ന്ത​ൽ​മ​ണ്ണ, തൃ​ശൂ​ർ, എം.​സി റോ​ഡ് എ​ന്നി​വി​ട​ങ്ങ​ളി​ൽ ക​ടു​വ​യെ വ​ഹി​ച്ചു​ള്ള ലോ​റി​ക്ക് പ്ര​ത്യേ​കം സ്റ്റോ​പ്പു​ക​ൾ അ​നു​വ​ദി​ച്ചു. ക​ടു​വ​യെ പ​രി​പാ​ലി​ക്കു​ന്ന ന​ഴ്സു​മാ​ർ ഈ ​സ്റ്റോ​പ്പു​ക​ളി​ൽവെ​ച്ച് ആ​രോ​ഗ്യ​സ്ഥി​തി വി​ല​യി​രു​ത്തി. ഡോ. ​അ​ജേ​ഷ് മോ​ഹ​ൻ​ദാ​സ്, റേ​ഞ്ച് ഓ​ഫി​സ​ർ രാ​ജീ​വ് കു​മാ​ർ തു​ട​ങ്ങി​യ​വ​ർ ലോ​റി​യെ അ​നു​ഗ​മി​ച്ചു. തി​ങ്ക​ളാ​ഴ്ച വെ​ളു​പ്പി​ന് ക​ടു​വ തി​രു​വ​ന​ന്ത​പു​രം മൃ​ഗ​ശാ​ല​യി​ലെ​ത്തും.