ശീ​തീ​ക​ര​ണ യൂ​നി​റ്റ്, ലാ​ബ്, മി​ൽ...​ ശ​രി​യാ​കാ​നു​ണ്ട് പ​ല​തും

സു​ൽ​ത്താ​ൻ ബ​ത്തേ​രി: ക​ർ​ഷ​ക​രു​ടെ ഉ​ന്ന​മ​നം ല​ക്ഷ്യ​മാ​ക്കി സ​ർ​ക്കാ​ർ കോ​ടി​ക​ൾ ചെ​ല​വ​ഴി​ക്കു​മ്പോ​ൾ അ​തൊ​ക്കെ ക​ർ​ഷ​ക​ന് കൃ​ത്യ​മാ​യി എ​ത്തു​ന്നു​ണ്ടെ​ന്ന് ഉ​റ​പ്പു​വ​രു​ത്തേ​ണ്ട​തു​ണ്ട്. ബ​ത്തേ​രി അ​മ്മാ​യി​പ്പാ​ല​ത്തെ ഗ്രാ​മീ​ണ കാ​ർ​ഷി​ക മൊ​ത്ത വി​പ​ണ​ന കേ​ന്ദ്ര​ത്തി​ന്റെ കാ​ര്യ​ത്തി​ൽ അ​ത് പൂ​ർ​ണ​മ​ല്ലെ​ന്ന് പ​റ​യേ​ണ്ടി​വ​രും. ശീ​തീ​ക​ര​ണ യൂ​നി​റ്റ്, ആ​ധു​നി​ക സം​വി​ധാ​ന​ങ്ങ​ളു​ള്ള മി​ൽ, അ​ഗ്മാ​ർ​ക്ക് ലാ​ബ് എ​ന്നി​വ​യൊ​ക്കെ ചി​ല ഉ​ദാ​ഹ​ര​ണ​ങ്ങ​ളാ​ണ്.

പ​ഴം, പ​ച്ച​ക്ക​റി​ക​ൾ കേ​ടു​കൂ​ടാ​തെ സൂ​ക്ഷി​ക്കാ​നു​ള്ള നാ​ല് ശീ​തീ​ക​ര​ണ യൂ​നി​റ്റു​ക​ളാ​ണ് ഇ​വി​ടെ​യു​ള്ള​ത്. ഓ​രോ​ന്നി​ലും നാ​ല് ട​ൺ വീ​തം വ​സ്തു​ക്ക​ൾ വെ​ക്കാ​മെ​ന്നാ​ണ് സ്ഥാ​പ​ന അ​ധി​കൃ​ത​ർ പ​റ​യു​ന്ന​ത്. വ​ലി​യ തു​ക മു​ട​ക്കി ഇ​ത് സ്ഥാ​പി​ച്ച​ത​ല്ലാ​തെ ഉ​ദ്ദേ​ശി​ച്ച ല​ക്ഷ്യം സാ​ധി​ച്ചി​ല്ല. ഇ​വി​ടെ പ​ച്ച​ക്ക​റി​ക​ൾ സൂ​ക്ഷി​ച്ചാ​ൽ പി​ന്നീ​ട് പു​റ​ത്തെ​ടു​ത്ത് വി​ൽ​പ​ന​ക്ക് പ്ര​ദ​ർ​ശി​പ്പി​ക്കു​മ്പോ​ൾ നി​ശ്ചി​ത ത​ണു​പ്പി​ൽ സൂ​ക്ഷി​ക്ക​ണം.

അ​ല്ലാ​ത്ത​പ​ക്ഷം പെ​ട്ടെ​ന്ന് കേ​ടാ​കും. അ​ത്ത​രം സം​വി​ധാ​ന​ങ്ങ​ളു​ള്ള ക​ച്ച​വ​ട​ക്കാ​ർ​ക്കു മാ​ത്ര​മേ ഇ​വി​ട​ത്തെ ശീ​തീ​ക​ര​ണ യൂ​നി​റ്റ് ഉ​പ​യോ​ഗി​ക്കാ​നാ​കൂ. നോ​ൺ വെ​ജി​റ്റ​ബ്ൾ ഉ​ൽ​പ​ന്ന​ങ്ങ​ൾ സൂ​ക്ഷി​ക്കാ​നു​ള്ള അ​ന്വേ​ഷ​ണ​ങ്ങ​ൾ ക​ച്ച​വ​ട​ക്കാ​രി​ൽ​നി​ന്ന് ഉ​ണ്ടാ​കാ​റു​ണ്ട്. പ​ഴം, പ​ച്ച​ക്ക​റി സ്ഥാ​പ​ന​മാ​യ​തി​നാ​ൽ ഇ​റ​ച്ചി, മീ​ൻ എ​ന്നി​വ സ്വീ​ക​രി​ക്കാ​നു​മാ​കി​ല്ല.

ശീ​തീ​ക​ര​ണ യൂ​നി​റ്റി​ലെ മു​റി​ക​ൾ 2016 മു​ത​ൽ വോ​ട്ടി​ങ് യ​ന്ത്ര​ങ്ങ​ൾ​ക്കാ​യി വി​ട്ടു​കൊ​ടു​ത്തി​രി​ക്കു​ക​യാ​ണ്. ആ​റു മു​റി​ക​ളി​ലാ​യാ​ണ് ജി​ല്ല​യി​ലെ എ​ല്ലാ​യി​ട​ത്തു​നി​ന്നു​മു​ള്ള വോ​ട്ടി​ങ് യ​ന്ത്ര​ങ്ങ​ൾ സൂ​ക്ഷി​ച്ചി​ട്ടു​ള്ള​തെ​ന്ന് സ്ഥാ​പ​ന മേ​ധാ​വി പ​റ​ഞ്ഞു. യ​ന്ത്ര​ങ്ങ​ൾ ഇ​നി അ​ടു​ത്ത തെ​ര​ഞ്ഞെ​ടു​പ്പ് വേ​ള​യി​ലാ​കും പു​റ​ത്തെ​ടു​ക്കു​ക. വെ​റു​തെ കി​ട​ക്കു​ന്ന കെ​ട്ടി​ടം വോ​ട്ടി​ങ് യ​ന്ത്ര​ത്തി​ന്റെ സൂ​ക്ഷി​പ്പി​ന് ഉ​ത്ത​മ​മെ​ന്ന് ജി​ല്ല ഭ​ര​ണ​കൂ​ടം തി​രി​ച്ച​റി​യു​ക​യാ​യി​രു​ന്നു.

പൊ​ലീ​സു​കാ​ർ ഈ ​കെ​ട്ടി​ട​ങ്ങ​ൾ​ക്ക് സ​ദാ​സ​മ​യ​വും കാ​വ​ലു​മു​ണ്ട്. ഒ​രു കോ​ടി​യി​ലേ​റെ മു​ട​ക്കി​യാ​ണ് അ​ഗ്രോ റൈ​സ് മി​ൽ സ്ഥാ​പി​ച്ച​ത്. വ​ലി​യ കെ​ട്ടി​ട​മാ​ണ് മി​ല്ലി​നാ​യി പ​ണി​ത​ത്. മ​റ്റു യ​ന്ത്ര​സ​ജ്ജീ​ക​ര​ണ​ങ്ങ​ളും ഒ​രു​ക്കി. ജി​ല്ല​യി​ലെ വി​വി​ധ ഭാ​ഗ​ങ്ങ​ളി​ൽ​നി​ന്ന് എ​ത്തു​ന്ന സു​ഗ​ന്ധ​വി​ള നെ​ല്ലി​ന​ങ്ങ​ൾ കു​ത്തി അ​രി​യാ​ക്കു​ക​യാ​യി​രു​ന്നു ല​ക്ഷ്യം. ക​ർ​ഷ​ക​രി​ൽ​നി​ന്ന് ആ​വ​ശ്യ​ത്തി​ന് നെ​ല്ല് ല​ഭി​ക്കാ​ത്ത​താ​ണ് അ​ഗ്രോ റൈ​സ് മി​ൽ പ്ര​വ​ർ​ത്ത​ന​മി​ല്ലാ​തെ കി​ട​ക്കാ​ൻ കാ​ര​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. മി​ല്ല് സ്ഥാ​പി​ക്കാ​നു​ള്ള പ​ണം ചെ​ല​വ​ഴി​ക്കാ​ൻ മാ​ത്ര​മാ​ണ് ബ​ന്ധ​പ്പെ​ട്ട​വ​ർ​ക്ക് താ​ൽ​പ​ര്യ​മു​ണ്ടാ​യി​രു​ന്ന​ത്. മി​ല്ല് സ​ജീ​വ​മാ​ക്കാ​ൻ ജി​ല്ല​യി​ലെ നെ​ൽ​പ്പാ​ട​ങ്ങ​ളി​ൽ വി​ത്തി​റ​ക്കു​ന്ന ക​ർ​ഷ​ക​ർ താ​ൽ​പ​ര്യ​മെ​ടു​ക്കേ​ണ്ട സ്ഥി​തി​യാ​ണ്.

തേ​ൻ, നെ​യ്യ്, ബ​ട്ട​ർ‌, മു​ള​ക്, മ​ല്ലി, ഗ​രം​മ​സാ​ല, വെ​ജി​റ്റ​ബി​ൾ ഓ​യി​ൽ, ആ​ട്ട, മൈ​ദ, സ്പൈ​സ​സ് ഉ​ൽ​പ​ന്ന​ങ്ങ​ൾ എ​ന്നി​വ​യ്ക്ക് അ​ഗ്മാ​ർ​ക്ക് വേ​ണം. ഉ​ൽ​പ​ന്ന​ങ്ങ​ൾ പ​രി​ശോ​ധി​ച്ച് അ​ഗ്മാ​ർ​ക്ക് നി​ശ്ച​യി​ക്കാ​നു​ള്ള ലാ​ബ് ഇ​വി​ടെ​യു​ണ്ട്. ലാ​ബി​ന് ദേ​ശീ​യ അം​ഗീ​കാ​ര​മു​ള്ള​താ​യും പ​റ​യു​ന്നു. എ​ന്നാ​ൽ, വി​ദ​ഗ്ധ ടെ​ക്നീ​ഷ്യ​ൻ​മാ​രി​ല്ല. അ​തി​നാ​ൽ ലാ​ബി​നാ​യി ചെ​ല​വാ​ക്കി​യ വ​ൻ​തു​ക പാ​ഴാ​വു​ക​യാ​ണ്. ലാ​ബി​നാ​യി ആ​ധു​നി​ക ഉ​പ​ക​ര​ണ​ങ്ങ​ൾ ഇ​റ​ക്കി​യി​രു​ന്നു.

ക​ർ​ഷ​ക​രെ ഉ​ദ്ദേ​ശി​ച്ചു​ള്ള ഡോ​ർ​മെ​റ്റ​റി സൗ​ക​ര്യ​വും ഇ​വി​ടെ​യു​ണ്ട്. 40 കി​ട​ക്ക​ക​ളാ​ണു​ള്ള​ത്. വ​യ​നാ​ട് സ​ന്ദ​ർ​ശി​ക്കാ​നെ​ത്തു​ന്ന ക​ർ​ഷ​ക​ർ​ക്കും ക​ർ​ഷ​ക കൂ​ട്ടാ​യ്മ​ക​ൾ​ക്കും രാ​ത്രി ത​ങ്ങാ​നു​ള്ള ഉ​ദ്ദേ​ശ്യ​ത്തി​ലാ​ണ് ഇ​ത് ഒ​രു​ക്കി​യ​ത്. ജി​ല്ല​ക്ക് പു​റ​ത്തു​നി​ന്ന് എ​ത്തു​ന്ന ക​ർ​ഷ​ക​ർ​ക്കാ​ണ് കൂ​ടു​ത​ൽ പ​രി​ഗ​ണ​ന.150 രൂ​പ കൊ​ടു​ത്താ​ൽ ഒ​രു ദി​വ​സം താ​മ​സി​ക്കാം. ഇ​ക്കാ​ര്യം ഒ​ട്ടു​മി​ക്ക​വ​ർ​ക്കും അ​റി​യി​ല്ല. അ​ടു​ത്തി​ടെ സി​നി​മ ചി​ത്രീ​ക​ര​ണ​ക്കാ​ർ ഏ​താ​നും മു​റി​ക​ൾ വാ​ട​ക​യ്ക്കെ​ടു​ത്തി​രു​ന്നു. കേ​ട്ട​റി​ഞ്ഞ് എ​ത്തി​യ അ​വ​ർ ചു​രു​ങ്ങി​യ ചെ​ല​വി​ൽ താ​മ​സ​സ്ഥ​ലം ക​ണ്ടെ​ത്തു​ക​യാ​യി​രു​ന്നു.

ന​ഗ​ര​ത്തി​ൽ നി​ന്നും അ​ൽ​പ്പം മാ​റി​യു​ള്ള പ്ര​ദേ​ശ​മാ​യ​തി​നാ​ൽ ബ​ഹ​ള​മി​ല്ലാ​ത്ത അ​ന്ത​രീ​ക്ഷ​മാ​ണ്. സ്ഥി​ര​മാ​യി ആ​ളു​ക​ൾ എ​ത്തി​യാ​ലേ ഡോ​ർ​മെ​റ്റ​റി സ​ജീ​വ​മാ​ക്കാ​ൻ പ​റ്റൂ. കെ​ട്ടി​ട​ങ്ങ​ൾ​ക്ക് സ​മീ​പ​മു​ള്ള നാ​ലേ​ക്ക​ർ സ്ഥ​ല​മാ​ണ് സ്വ​കാ​ര്യ വ്യ​ക്തി​ക​ൾ​ക്ക് കൃ​ഷി​ക്കാ​യി പാ​ട്ട​ത്തി​ന് കൊ​ടു​ത്ത​ത്. വാ​ഴ ഉ​ൾ​പ്പെ​ടെ കൃ​ഷി​ക​ൾ ഇ​വി​ടെ​യു​ണ്ട്. വാ​ഴ​ത്തോ​ട്ട​ത്തി​ന് സ​മീ​പ​മാ​ണ് മീ​ൻ​കു​ളം. ന​ഗ​ര​ത്തി​ന​ടു​ത്ത പ്ര​ദേ​ശ​മാ​ണെ​ങ്കി​ലും ഗ്രാ​മാ​ന്ത​രീ​ക്ഷ​മാ​ണ് കൃ​ഷി​യി​ട​ത്തി​ൽ കാ​ണാ​നാ​വു​ക.