സു​ൽ​ത്താ​ൻ ബ​ത്തേ​രി​യി​ൽ ഡ്രൈ​വി​ങ് ടെ​സ്റ്റ് താ​ളം​തെ​റ്റു​ന്നു

സു​ൽ​ത്താ​ൻ ബ​ത്തേ​രി: ആ​വ​ശ്യ​ത്തി​ന് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​ർ ഇ​ല്ലാ​ത്ത​തി​നാ​ൽ സു​ൽ​ത്താ​ൻ ബ​ത്തേ​രി​യി​ൽ ഡ്രൈ​വി​ങ് ടെ​സ്റ്റ് താ​ളം തെ​റ്റു​ന്ന​താ​യി പ​രാ​തി.

ഡ്രൈ​വി​ങ് സ്കൂ​ൾ ന​ട​ത്തി​പ്പു​കാ​രാ​ണ് ഇ​ത് സം​ബ​ന്ധി​ച്ച് ആ​ക്ഷേ​പ​വു​മാ​യി രം​ഗ​ത്തെ​ത്തി​യി​ട്ടു​ള്ള​ത്. സാ​ഹ​ച​ര്യം മു​ത​ലാ​ക്കി ഇ​ത​ര സം​സ്ഥാ​ന​ത്തേ​ക്ക് ഡ്രൈ​വി​ങ് ടെ​സ്റ്റി​ന് ആ​ളു​ക​ളെ കൊ​ണ്ടു​പോ​കു​ന്ന ഏ​ജ​ന്റു​മാ​ർ ഇ​വി​ടെ സ​ജീ​വ​മാ​യി​ട്ടു​ണ്ട്. സു​ൽ​ത്താ​ൻ ബ​ത്തേ​രി സ​ബ് ആ​ർ.​ടി ഓ​ഫി​സി​ൽ ര​ണ്ട് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രാ​ണ് വേ​ണ്ട​ത്. എ​ന്നാ​ൽ, നി​ല​വി​ൽ ഒ​രാ​ൾ മാ​ത്ര​മേ​യു​ള്ളൂ.

ആ​ഴ്ച​യി​ൽ ര​ണ്ടു ദി​വ​സ​മാ​ണ് ഇ​വി​ടെ ഡ്രൈ​വി​ങ് ടെ​സ്റ്റ് ന​ട​ന്നു​കൊ​ണ്ടി​രി​ക്കു​ന്ന​ത്. ഒ​രു ദി​വ​സം 110ഓ​ളം പേ​രെ​യാ​ണ് പ​രി​ഗ​ണി​ച്ചി​രു​ന്ന​ത്. ഇ​ൻ​സ്പെ​ക്ട​ർ ഒ​രാ​ൾ മാ​ത്ര​മാ​യ​തോ​ടെ ഇ​പ്പോ​ൾ 50 പേ​രെ മാ​ത്ര​മേ പ​രി​ഗ​ണി​ക്കു​ന്നു​ള്ളൂ.

ഡ്രൈ​വി​ങ് സ്കൂ​ളു​ക​ൾ​ക്ക് കീ​ഴി​ൽ പ​രി​ശീ​ല​നം നേ​ടി ടെ​സ്റ്റി​ന് എ​ത്തു​ന്ന നൂ​റു​ക​ണ​ക്കി​ള് ആ​ളു​ക​ൾ നി​രാ​ശ​രാ​വു​ക​യാ​ണ്. ക​ർ​ണാ​ട​ക, ത​മി​ഴ്നാ​ട് സം​സ്ഥാ​ന​ങ്ങ​ളി​ലേ​ക്ക് ഡ്രൈ​വി​ങ് ലൈ​സ​ൻ​സി​നാ​യി പോ​കു​ന്ന​വ​രു​ടെ എ​ണ്ണം ഈ ​സാ​ഹ​ച​ര്യ​ത്തി​ൽ കൂ​ടി​യി​രി​ക്കു​ക​യാ​ണ്. ക​ഴി​ഞ്ഞ നാ​ലു മാ​സ​ത്തി​നി​ട​യി​ൽ 5000ത്തി​ലേ​റെ പേ​ർ ഇ​തേ രീ​തി​യി​ൽ ഡ്രൈ​വി​ങ് ലൈ​സ​ൻ​സ് ക​ര​സ്ഥ​മാ​ക്കി​യി​ട്ടു​ണ്ടെ​ന്നാ​ണ് ചി​ല ഡ്രൈ​വി​ങ് സ്കൂ​ൾ ഉ​ട​മ​ക​ൾ പ​റ​യു​ന്ന​ത്. ജി​ല്ല​യി​ലെ ക​ൽ​പ​റ്റ, മാ​ന​ന്ത​വാ​ടി ആ​ർ.​ടി ഓ​ഫി​സു​ക​ളി​ൽ ഡ്രൈ​വി​ങ് ടെ​സ്റ്റ് നാ​ല് ദി​വ​സം ന​ട​ക്കു​ന്നു​ണ്ട്.