ഉടമ അറിയാതെ വീടുകളും ഫ്ലാറ്റുകളും വാടകക്ക് നൽകി തട്ടിപ്പ്; പ്രതി പിടിയിൽ

സു​ൽ​ത്താ​ൻ ബ​ത്തേ​രി: ടൗ​ണി​ലും പ​രി​സ​ര​ങ്ങ​ളി​ലു​മാ​യി വാ​ട​ക​ക്ക് വീ​ടു​ക​ളും ഫ്ലാ​റ്റു​ക​ളു​മെ​ടു​ത്ത് ലീ​സി​ന് ന​ൽ​കി ആ​ളു​ക​ളി​ൽ​നി​ന്ന് പ​ണം ത​ട്ടി​യ ബീ​നാ​ച്ചി സ്വ​ദേ​ശി മ​ൻ​സൂ​ർ എ​ന്ന ബാ​വ​യെ സു​ൽ​ത്താ​ൻ ബ​ത്തേ​രി പൊ​ലീ​സ് ഇ​ൻ​സ്പെ​ക്ട​ർ എം.​എ. സ​ന്തോ​ഷി​ന്റെ നേ​തൃ​ത്വ​ത്തി​ൽ ക​ർ​ണാ​ട​ക​യി​ൽ​നി​ന്ന് പി​ടി​കൂ​ടി. ത​ന്റേ​ത​ല്ലാ​ത്ത വീ​ടു​ക​ൾ കാ​ണി​ച്ച് 11 മാ​സ​ത്തെ കാ​ലാ​വ​ധി​യി​ൽ ആ​ളു​ക​ളി​ൽ​നി​ന്ന് അ​മ്പ​തി​നാ​യി​രം മു​ത​ൽ അ​ഞ്ച​ര ല​ക്ഷം രൂ​പ വ​രെ വാ​ങ്ങി​യാ​യി​രു​ന്നു ത​ട്ടി​പ്പ്.

ടൗ​ണി​ന്റെ പ​ല ഭാ​ഗ​ത്താ​യി വീ​ടു​ക​ൾ വാ​ട​ക​ക്കെ​ടു​ക്കു​ക​യോ ക​ണ്ടു​വെ​ക്കു​ക​യോ ആ​ണ് ആ​ദ്യം മ​ൻ​സൂ​ർ ചെ​യ്യു​ക. തു​ട​ർ​ന്ന്
വാ​ട​ക​ക്ക് വീ​ട് അ​ന്വേ​ഷി​ക്കു​ന്ന​വ​രെ ക​ണ്ടെ​ത്തി വ​ല​യി​ലാ​ക്കും. വീ​ട് എ​ഗ്രി​മെ​ന്റ് ഒ​പ്പി​ട്ട് ലീ​സി​ന് കൈ​മാ​റു​കയു​മാ​ണ് ചെ​യ്തി​രു​ന്ന​ത്.

പി​ന്നീ​ട് താ​മ​സ​ക്കാ​രു​ടെ അ​ടു​ക്ക​ൽ യാ​ഥാ​ർ​ഥ കെ​ട്ടി​ട ഉ​ട​മ വാ​ട​ക ചോ​ദി​ച്ചെ​ത്തു​ക​യും വീ​ട്ടി​ൽ​നി​ന്ന് ഇ​റ​ങ്ങ​ണ​മെ​ന്ന് പ​റ​യു​മ്പോ​ഴു​മാ​ണ് പ​ല​രും ത​ട്ടി​പ്പി​ന്നി​ര​യാ​യ​താ​യി അ​റി​യു​ന്ന​ത്. കൃ​ത്യ​മാ​യി വാ​ട​ക മ​ൻ​സൂ​റി​ന് ന​ൽ​കി​യി​ട്ടും തു​ക യ​ഥാ​ർ​ഥ കെ​ട്ടി​ട ഉ​ട​മക്ക് ന​ൽ​കാ​താ​യ​തോ​ടെ​യാ​ണ് സം​ഭ​വം പു​റ​ത്താ​യ​ത്. നി​ല​വി​ൽ ബാ​ങ്ക് മു​ഖേ​നെ​യും മ​റ്റും പ​ണം ന​ൽ​കി​യ സു​ൽ​ത്താ​ൻ ബ​ത്തേ​രി സ്വ​ദേ​ശി​ക​ളാ​യ റി​ഹാ​ന ബാ​നു, ആ​ലി, ആ​ന്റ​ണി എ​ന്നി​വ​രു​ടെ പ​രാ​തി​യി​ലാ​ണ് പൊ​ലീ​സ് കേ​സെ​ടു​ത്ത്.

ചി​കി​ത്സ ആ​വ​ശ്യ​ങ്ങ​ൾ​ക്കാ​യി ടൗ​ണി​നോ​ട് ചേ​ർ​ന്ന് വീ​ടു​ക​ൾ തി​ര​യു​ന്ന​വ​ർ, വാ​ട​ക​ക്ക് വീ​ടു​ക​ൾ അ​ന്വേ​ഷി​ക്കു​ന്ന​വ​ർ എ​ന്നി​വ​രെ ക​ണ്ടെ​ത്തി​യാ​ണ് മ​ൻ​സൂ​ർ ത​ട്ടി​പ്പ് ന​ട​ത്തി​യി​രു​ന്ന​ത്. ത​ട്ടി​പ്പ് പു​റ​ത്താ​യ​തോ​ടെ ഇ​യാ​ളു​ടെ വ​ല​യി​ൽ​വീ​ണ കൂ​ടു​ത​ൽ​പേ​ർ രം​ഗ​ത്തെ​ത്തി​യി​ട്ടു​ണ്ട്. പ്ര​തി​യെ കോ​ട​തി​യി​ൽ ഹാ​ജ​രാ​ക്കി.