കീ​റാ​മു​ട്ടി​യാ​യി നെ​ന്മേ​നി​യി​ലെ മാ​ലി​ന്യ പ്ര​ശ്നം

സു​ൽ​ത്താ​ൻ ബ​ത്തേ​രി: നി​ക്ഷേ​പി​ക്കാ​ൻ സൗ​ക​ര്യ​പ്ര​ദ​മാ​യ സ്ഥ​ല​മി​ല്ലാ​ത്ത​തി​നാ​ൽ കീ​റാ​മു​ട്ടി​യാ​യി നെ​ന്മേ​നി പ​ഞ്ചാ​യ​ത്തി​ലെ മാ​ലി​ന്യ പ്ര​ശ്നം. പ​രി​ഹാ​ര​മു​ണ്ടാ​ക്കാ​ൻ അ​ധി​കൃ​ത​ർ കി​ണ​ഞ്ഞ് ശ്ര​മി​ക്കു​ന്നു​ണ്ടെ​ങ്കി​ലും എ​ന്ന് സാ​ധി​ക്കു​മെ​ന്ന കാ​ര്യ​ത്തി​ൽ ഒ​രു നി​ശ്ച​യ​വു​മി​ല്ല. പ​ഞ്ചാ​യ​ത്തി​ലെ വി​വി​ധ ഭാ​ഗ​ങ്ങ​ളി​ൽ​നി​ന്ന് ശേ​ഖ​രി​ക്കു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ൾ ചു​ള്ളി​യോ​ട് ച​ന്ത​ക്ക് സ​മീ​പ​മാ​ണ് സൂ​ക്ഷി​ക്കു​ന്ന​ത്.

ഇ​വി​ടെ ഒ​രു കെ​ട്ടി​ട​ത്തി​ൽ മാ​ലി​ന്യം ശേ​ഖ​രി​ച്ചു​വെ​ച്ച് ത​രം​തി​രി​ച്ച് അ​യ​ക്കു​ക​യാ​ണ് പ​തി​വ്. ക്ലീ​ൻ കേ​ര​ള മാ​ലി​ന്യം യ​ഥാ​സ​മ​യം കൊ​ണ്ടു​പോ​കാ​ത്ത​ത് ഇ​വി​ടെ മാ​ലി​ന്യ​ങ്ങ​ൾ നി​റ​യാ​ൻ കാ​ര​ണ​മാ​കു​ന്നു​ണ്ട്. ര​ണ്ടു​മാ​സം മു​മ്പ് ഇ​ങ്ങ​നെ​യു​ള്ള മാ​ലി​ന്യ​ത്തി​ന് തീ ​പി​ടി​ക്കു​ക​യും ചു​ള്ളി​യോ​ട് സ്വ​ദേ​ശി ഭാ​സ്ക​ര​ൻ വെ​ന്തു​മ​രി​ക്കു​ക​യും ചെ​യ്തി​രു​ന്നു. തു​ട​ർ​ന്നാ​ണ് മാ​ലി​ന്യ​പ്ര​ശ്നം വ​ലി​യ ച​ർ​ച്ച​യാ​യ​ത്.

ര​ണ്ടു​മാ​സം മു​മ്പ് ക​ത്തി​പ്പോ​യ കെ​ട്ടി​ട​ത്തി​ന് സ​മീ​പ​മു​ള്ള ഒ​രു കെ​ട്ടി​ട​ത്തി​ലാ​ണ് ഇ​പ്പോ​ൾ പ്ലാ​സ്റ്റി​ക് മാ​ലി​ന്യ​ങ്ങ​ൾ സൂ​ക്ഷി​ക്കു​ന്ന​ത്. പ​ഴ​യ പോ​ലെ കൂ​ടു​ത​ൽ മാ​ലി​ന്യ​ങ്ങ​ൾ എ​ത്തി​യാ​ൽ പ്ര​ശ്ന​മു​ണ്ടാ​കു​മെ​ന്നു​റ​പ്പാ​ണ്. അ​തി​ന് പ​രി​ഹാ​ര​മെ​ന്നോ​ണം മൂ​ന്നു വാ​ർ​ഡു​ക​ളി​ലെ മാ​ലി​ന്യ​മാ​ണ് ഒ​രു സ​മ​യം ഈ ​കെ​ട്ടി​ട​ത്തി​ൽ എ​ത്തി​ക്കു​ന്ന​ത്.

അ​ത് ത​രം​തി​രി​ച്ച് ക​യ​റ്റി പോ​യ​ശേ​ഷം മ​റ്റ് മൂ​ന്നു വാ​ർ​ഡു​ക​ളി​ലെ മാ​ലി​ന്യം എ​ത്തി​ക്കും. ഈ​യൊ​രു അ​വ​സ്ഥ​യി​ൽ എ​ല്ലാ വാ​ർ​ഡു​ക​ളി​ൽ നി​ന്നും ഒ​രേ​സ​മ​യം മാ​ലി​ന്യം നീ​ക്കം ചെ​യ്യാ​നാ​വി​ല്ല. സ്വാ​ഭാ​വി​ക​മാ​യും പാ​ഴ് വ​സ്തു​ക്ക​ൾ വാ​ർ​ഡു​ക​ളി​ൽ കെ​ട്ടി​ക്കി​ട​ക്കു​ന്ന സാ​ഹ​ച​ര്യ​മാ​ണു​ള്ള​ത്.

ര​ണ്ടു​മാ​സം മു​മ്പ് തീ​പി​ടു​ത്തം ഉ​ണ്ടാ​യ​പ്പോ​ൾ ചു​ള്ളി​യോ​ട് ഭാ​ഗ​ത്തെ പ്ര​ദേ​ശ​വാ​സി​ക​ൾ പ്ര​തി​ഷേ​ധി​ച്ചി​രു​ന്നു. ടൗ​ണി​ലെ കെ​ട്ടി​ട​ങ്ങ​ളി​ൽ മാ​ലി​ന്യം നി​ക്ഷേ​പി​ക്ക​രു​തെ​ന്ന് ആ​വ​ശ്യ​പ്പെ​ട്ട് നാ​ട്ടു​കാ​ർ രം​ഗ​ത്ത് വ​ന്നു. പ​ഞ്ചാ​യ​ത്ത് ഭ​രി​ക്കു​ന്ന യു.​ഡി.​എ​ഫ് മു​ന്ന​ണി​യി​ലെ മു​സ് ലിം ​ലീ​ഗും പ്ര​ദേ​ശ​വാ​സി​ക​ളു​ടെ പ്ര​തി​ഷേ​ധ​ത്തി​നൊ​പ്പം നി​ന്നു. ഇ​തോ​ടെ പ്ര​ശ്നം വി​വാ​ദ​മാ​വു​ക​യാ​യി​രു​ന്നു.

ആ​ദി​വാ​സി കോ​ള​നി, വ​നി​ത ഐ.​ടി.​ഐ., ഹോ​മി​യോ ആ​ശു​പ​ത്രി, മീ​ൻ മാ​ർ​ക്ക​റ്റ്, ബ​സ് സ്റ്റാ​ൻ​ഡ് തു​ട​ങ്ങി​യ​വ​യൊ​ക്കെ മാ​ലി​ന്യം സൂ​ക്ഷി​ക്കു​ന്ന കെ​ട്ടി​ട​ത്തി​ന് അ​ടു​ത്തു​ണ്ട്. അ​തി​നാ​ൽ ഇ​നി​യൊ​രു തീ​പി​ടി​ത്ത സാ​ധ്യ​ത ഒ​ഴി​വാ​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ട്ടു.