എ​ൻ.​എം. വി​ജ​യ​ന്റെ ആ​ത്മ​ഹ​ത്യ; കോ​ൺ​ഗ്ര​സ് പ്ര​തി​രോ​ധ​ത്തി​ൽ

സു​ൽ​ത്താ​ൻ ബ​ത്തേ​രി: ഡി.​സി.​സി ട്ര​ഷ​റ​ർ എ​ൻ.​എം. വി​ജ​യ​ന്റെ​യും മ​ക​ന്റെ​യും ആ​ത്മ​ഹ​ത്യ​യെ​ത്തു​ട​ർ​ന്നു​ണ്ടാ​കു​ന്ന വി​വാ​ദ​ങ്ങ​ൾ ജി​ല്ല​യി​ലെ കോ​ൺ​ഗ്ര​സി​നെ പ്ര​തി​രോ​ധ​ത്തി​ലാ​ക്കു​ന്നു. സു​ൽ​ത്താ​ൻ ബ​ത്തേ​രി അ​ർ​ബ​ൻ ബാ​ങ്കി​ൽ ജോ​ലി​ക്കാ​യി കോ​ൺ​ഗ്ര​സ് നേ​താ​ക്ക​ൾ​ക്ക് കോ​ഴ കൊ​ടു​ത്ത​താ​യി ആ​രോ​പി​ച്ച് കൂ​ടു​ത​ൽ പേ​ർ രം​ഗ​ത്ത് വ​ന്നി​രി​ക്കു​ക​യാ​ണ്. ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ​ക്കെ​തി​രെ സി.​പി.​എം ശ​ക്ത​മാ​യാ​ണ് രം​ഗ​ത്തു​ള്ള​ത്. ആ​ത്മ​ഹ​ത്യ​ക്ക് കാ​ര​ണ​മാ​യി സാ​മ്പ​ത്തി​ക പ്ര​ശ്ന​ങ്ങ​ളു​ണ്ടെ​ന്ന് ത​ന്നെ​യാ​ണ് ക​ഴി​ഞ്ഞ ഏ​താ​നും ദി​വ​സ​ങ്ങ​ളി​ലെ സം​ഭ​വ​ങ്ങ​ൾ തെ​ളി​യി​ക്കു​ന്ന​ത്.

സു​ൽ​ത്താ​ൻ ബ​ത്തേ​രി അ​ർ​ബ​ൻ ബാ​ങ്കി​ൽ ജോ​ലി​ക്കാ​യി 22 ല​ക്ഷം രൂ​പ കോ​ൺ​ഗ്ര​സ് നേ​താ​ക്ക​ൾ​ക്ക് കോ​ഴ കൊ​ടു​ത്ത​താ​യി പ​റ​ഞ്ഞ് താ​ളൂ​ർ അ​പ്പോ​ഴ​ത്ത് പ​ത്രോ​സ് രം​ഗ​ത്തുവ​ന്ന​ത് ക​ഴി​ഞ്ഞ​ദി​വ​സ​മാ​ണ്. ഇ​ത് സം​ബ​ന്ധി​ച്ച് പ​ത്രോ​സ് ജി​ല്ല പൊ​ലീ​സ് മേ​ധാ​വി​ക്ക് പ​രാ​തി കൊ​ടു​ത്തി​ട്ടു​ണ്ട്. നെ​ന്മേയി​ലെ കോ​ൺ​ഗ്ര​സ് നേ​താ​ക്ക​ളാ​ണ് 22 ല​ക്ഷം രൂ​പ 2014ൽ ​വാ​ങ്ങി​യെ​ടു​ത്ത​ത്. 2020 ആ​യി​ട്ടും ജോ​ലി ല​ഭി​ച്ചി​ല്ല. പി​ന്നീ​ട് എ​ൻ.​എം. വി​ജ​യ​ന്റെ സാ​ന്നി​ധ്യ​ത്തി​ൽ ന​ട​ന്ന ച​ർ​ച്ച​യി​ൽ മൂ​ന്നു​ല​ക്ഷം രൂ​പ തി​രി​കെ ല​ഭി​ച്ച​താ​യി പ​ത്രോ​സ് പ​റ​യു​ന്നു. കോ​ളി​യാ​ടി താ​മ​ര​ച്ചാ​ലി​ൽ ഐ​സ​ക്കും പ​രാ​തി​യു​മാ​യി മാ​ധ്യ​മ​ങ്ങ​ൾ​ക്ക് മു​ന്നി​ൽ എ​ത്തി​യി​രു​ന്നു.

17 ല​ക്ഷം രൂ​പ​യാ​ണ് ഐ​സ​ക്ക് കൊ​ടു​ത്ത​ത്. മീ​ന​ങ്ങാ​ടി സ്വ​ദേ​ശി പീ​റ്റ​ർ മാ​സ്റ്റ​ർ എ​ന്ന​യാ​ൾ മു​മ്പ് കോ​ൺ​ഗ്ര​സ് നേ​താ​ക്ക​ൾ​ക്ക് കോ​ഴ കൊ​ടു​ത്ത​താ​യി പ​റ​ഞ്ഞ് രം​ഗ​ത്ത് വ​ന്നി​രു​ന്നു. ഇ​തു സം​ബ​ന്ധി​ച്ച് ത​യാ​റാ​ക്കി​യ ക​രാ​റി​ൽ എം.​എ​ൽ.​എ​യു​ടെ പേ​ര് സൂ​ചി​പ്പി​ച്ചി​രു​ന്നു. എ​ന്നാ​ൽ, ത​ന്റെ പേ​ര് വ്യാ​ജ​മാ​യി എ​ഴു​തി​ച്ചേ​ർ​ത്ത​തെ​ന്നാ​യി​രു​ന്നു ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ​യു​ടെ വി​ശ​ദീ​ക​ര​ണം. ഇ​ക്കാ​ര്യ​മു​ന്ന​യി​ച്ച് എം.​എ​ൽ.​എ ചൊ​വ്വാ​ഴ്ച ജി​ല്ല പൊ​ലീ​സ് മേ​ധാ​വി​ക്ക് പ​രാ​തി കൊ​ടു​ത്തി​രു​ന്നു.

സു​ൽ​ത്താ​ൻ ബ​ത്തേ​രി അ​ർ​ബ​ൻ ബാ​ങ്കി​ൽ ചെ​യ​ർ​മാ​നാ​യി​രു​ന്ന ഡോ. ​സ​ണ്ണി ജോ​ർ​ജ്, ഐ.​സി. ബാ​ല​കൃ​ഷ്ണ​ൻ ഉ​ൾ​പ്പെ​ടെ​യു​ള്ള നേ​താ​ക്ക​ൾ​ക്കെ​തി​രെ ആ​രോ​പ​ണ​വു​മാ​യി രം​ഗ​ത്തുവ​ന്ന​ത് കോ​ൺ​ഗ്ര​സി​ന് ഇ​പ്പോ​ൾ വ​ലി​യ ക്ഷീ​ണ​മാ​യി​രി​ക്കു​ക​യാ​ണ്. 2021ൽ ​അ​ർ​ബ​ൻ ബാ​ങ്കി​ൽ ആ​റ് ത​സ്തി​ക​ക​ൾ ഒ​ഴി​വു​ണ്ടാ​യി​രു​ന്ന​താ​യി സ​ണ്ണി ജോ​ർ​ജ് വ്യ​ക്ത​മാ​ക്കു​ന്നു​ണ്ട്. എ​ന്നാ​ൽ, 17 പേ​രു​ടെ ലി​സ്റ്റ് ത​ന്ന​തി​നു​ശേ​ഷം നി​യ​മ​നം ന​ട​ത്താ​ൻ അ​ന്ന് ഡി.​സി.​സി പ്ര​സി​ഡ​ന്റാ​യി​രു​ന്ന ഐ.​സി. ബാ​ല​കൃ​ഷ്ണ​ൻ ഉ​ൾ​പ്പെ​ടെ​യു​ള്ള നേ​താ​ക്ക​ൾ ആ​വ​ശ്യ​പ്പെ​ട്ടു. കോ​ൺ​ഗ്ര​സ് ഭ​രി​ക്കു​ന്ന ബാ​ങ്കി​ൽ കോ​ൺ​ഗ്ര​സു​കാ​ർ​ക്ക് നി​യ​മ​നം ല​ഭി​ക്ക​ട്ടെ എ​ന്ന​താ​യി​രു​ന്നു നേ​താ​ക്ക​ളു​ടെ നി​ല​പാ​ട്. ലി​സ്റ്റ് പ​രി​ശോ​ധി​ച്ച​പ്പോ​ൾ റാ​ങ്കി​ൽ വ​ള​രെ പി​ന്നാ​ക്ക​മു​ള്ള​വ​രും ലി​സ്റ്റി​ൽ പെ​ടാ​ത്ത​വ​രും ഉ​ൾ​പ്പെ​ട്ട​താ​യി ക​ണ്ടെ​ത്തി. ലി​സ്റ്റ് പ്ര​കാ​രം നി​യ​മ​നം ന​ട​ത്താ​ൻ പ്ര​യാ​സ​മാ​ണെ​ന്ന് താ​ൻ വ്യ​ക്ത​മാ​ക്കി. തു​ട​ർ​ന്ന് കോ​ൺ​ഗ്ര​സ് നേ​താ​ക്ക​ൾ ത​ന്നോ​ട് പ​രു​ഷ​മാ​യി സം​സാ​രി​ക്കു​ന്ന സാ​ഹ​ച​ര്യ​മു​ണ്ടാ​യി. ലി​സ്റ്റ് പ്ര​കാ​രം നി​യ​മ​ന​ത്തി​ന് വ​ഴ​ങ്ങാ​ത്ത​തു​കൊ​ണ്ടാ​ണ് ത​ന്നെ കോ​ൺ​ഗ്ര​സ് പാ​ർ​ട്ടി​യി​ൽനി​ന്ന് സ​സ്പെ​ൻ​ഡ് ചെ​യ്ത​തെ​ന്നും ഡോ. ​സ​ണ്ണി ജോ​ർ​ജ് 'മാ​ധ്യ​മ'​ത്തോ​ട് പ​റ​ഞ്ഞു.

താ​ളൂ​ർ സ്വ​ദേ​ശി​യു​ടെ ആ​രോ​പ​ണ​വു​മാ​യി ബ​ന്ധ​പ്പെ​ട്ട് താ​ൻ നി​ര​പ​രാ​തി​യാ​ണെ​ന്ന് നെ​ന്മേ​നി​യി​ലെ കോ​ൺ​ഗ്ര​സ് മു​ൻ മ​ണ്ഡ​ലം പ്ര​സി​ഡ​ന്റ് സി.​ടി. ച​ന്ദ്ര​ൻ പ്ര​തി​ക​രി​ച്ചു. ജോ​ലി കൊ​ടു​ക്കാ​മെ​ന്ന് പ​റ​ഞ്ഞ് ഏ​താ​നും നേ​താ​ക്ക​ൾ പ​ണം വാ​ങ്ങി​യ​താ​യി ശ്ര​ദ്ധ​യി​ൽ​പ്പെ​ട്ടു. തു​ട​ർ​ന്ന് ഒ​ത്തു​തീ​ർ​പ്പി​നാ​യി എ​ഗ്രി​മെ​ന്റ് ഉ​ണ്ടാ​ക്കാ​ൻ മ​ണ്ഡ​ലം പ്ര​സി​ഡ​ന്റ് എ​ന്ന നി​ല​യി​ൽ താ​ൻ അ​വ​രു​മാ​യി ബ​ന്ധ​പ്പെ​ട്ടു. എ​ഗ്രി​മെ​ന്റി​ൽ സാ​ക്ഷി​യാ​യി ഒ​പ്പി​ടു​ക​യും ചെ​യ്തു. താ​ൻ പ​ണം വാ​ങ്ങി​യ ആ​രോ​പ​ണം ക​ള​വാ​ണെ​ന്നും സി.​ടി. ച​ന്ദ്ര​ൻ വ്യ​ക്ത​മാ​ക്കി.

അ​തേ​സ​മ​യം, എ​ൻ.​എം. വി​ജ​യ​ന്റെ മ​ര​ണ​വു​മാ​യി ബ​ന്ധ​പ്പെ​ട്ടി​ട്ടു​ള്ള വി​വാ​ദ​ങ്ങ​ൾ ഉ​ൾ​പ്പെ​ടെ​യു​ള്ള​വ ബ​ത്തേ​രി ഡി​വൈ.​എ​സ്.​പി കെ. ​അ​ബ്ദു​ൽ ഷെ​രീ​ഫി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘം അ​ന്വേ​ഷി​ച്ചു​വ​രി​ക​യാ​ണ്. എ​ൻ.​എം. വി​ജ​യ​ന് വി​വി​ധ ബാ​ങ്കു​ക​ളി​ലാ​യി പ​ത്തി​ലേ​റെ അ​ക്കൗ​ണ്ടു​ക​ൾ ഉ​ള്ള​താ​യി വി​വ​രം പു​റ​ത്തു​വ​ന്നി​ട്ടു​ണ്ട്.