ഓൺലൈൻ വ്യാപാര തട്ടിപ്പ്; 75 ലക്ഷം തട്ടിയ കേസിൽ ഒരാൾ പിടിയിൽ

സു​ൽ​ത്താ​ൻ ബ​ത്തേ​രി: ഓ​ൺ​ലൈ​ൻ വ്യാ​പാ​ര​ത്തി​ലൂടെ ലാ​ഭ​മു​ണ്ടാ​ക്കാ​മെ​ന്ന് വി​ശ്വ​സി​പ്പി​ച്ച് 75 ല​ക്ഷം ത​ട്ടി​യ കേ​സി​ൽ ഒ​രാ​ളെ ബം​ഗളൂരു വി​മാ​ന​ത്താ​വ​ള​ത്തി​ൽനി​ന്ന് ക​സ്റ്റ​ഡി​യി​ലെ​ടു​ത്തു.കോ​ഴി​ക്കോ​ട്, പെ​രു​മ​ണ്ണ, തെ​ന്നാ​ര പോ​ട്ട വീ​ട്ടി​ൽ, സി.​കെ. നി​ജാ​സി (25) നെ​യാ​ണ് ബ​ത്തേ​രി പൊ​ലീ​സ് ശ​നി​യാ​ഴ്ച ക​സ്റ്റ​ഡി​യി​ലെ​ടു​ത്ത​ത്. കേ​സി​ലു​ള്‍പ്പെ​ട്ട് വി​ദേ​ശ​ത്തേ​ക്ക് മു​ങ്ങി​യ ഇ​യാ​ള്‍ക്കെ​തി​രെ പൊ​ലീ​സ് ലു​ക്ക് ഔ​ട്ട് സ​ർ​ക്കു​ല​ർ പു​റ​പ്പെ​ടു​വി​ച്ചി​രു​ന്നു. അ​ബൂദ​ബി​യി​ൽനി​ന്ന് തി​രി​ച്ച് നാ​ട്ടി​ലേ​ക്ക് വ​രും വ​ഴി​യാ​ണ് നി​ജാ​സ് പി​ടി​യി​ലാ​യ​ത്. കേ​സി​ൽ ഒ​രാ​ൾ കൂ​ടി പി​ടി​യി​ലാ​കാ​നു​ണ്ട്.

2022 ഏ​പ്രി​ൽ മു​ത​ൽ ഡി​സം​ബ​ർ വ​രെ​യു​ള്ള കാ​ല​യ​ള​വി​ലാ​ണ് ചീ​രാ​ൽ സ്വ​ദേ​ശി​യാ​യ യു​വാ​വി​ൽനി​ന്നും സു​ഹൃ​ത്തു​ക്ക​ളി​ൽനി​ന്നും ഓ​ൺ​ലൈ​ൻ ട്രേ​ഡ് ചെ​യ്ത് 5 ശ​ത​മാ​നം മു​ത​ൽ 10 ശ​ത​മാ​നം വ​രെ ലാ​ഭ​മു​ണ്ടാ​ക്കി ന​ൽ​കാ​മെ​ന്ന് പ​റ​ഞ്ഞ് ഗൂ​ഗി​ൾ പേ ​വ​ഴി​യും അ​ക്കൗ​ണ്ട് വ​ഴി​യും ക്യാ​ഷാ​യും 7500000 രൂ​പ​യോ​ളം പ്ര​തി​ക​ൾ വാ​ങ്ങി​യെ​ടു​ത്ത​ത്. ലാ​ഭ​മോ പ​ണ​മോ തി​രി​കെ ന​ൽ​കാ​ത്ത​തി​നാ​ൽ ചീ​രാ​ൽ സ്വ​ദേ​ശി 2024 ന​വം​ബ​റി​ലാ​ണ് സ്റ്റേ​ഷ​നി​ൽ പ​രാ​തി ന​ൽ​കു​ന്ന​ത്. കേ​സ് ര​ജി​സ്റ്റ​ർ ചെ​യ്ത​ത​റി​ഞ്ഞ് ര​ണ്ട് പ്ര​തി​ക​ളും ഒ​ളി​വി​ൽ പോ​വു​ക​യാ​യി​രു​ന്നു. എ​സ്.​ഐ പി.​എ​ൻ. മു​ര​ളീ​ധ​ര​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് ഇ​യാ​ളെ ക​സ്റ്റ​ഡി​യി​ലെ​ടു​ത്ത​ത്. പ്ര​തി​യെ റി​മാ​ൻ​ഡ് ചെ​യ്‌​തു.