നെ​ല്ല് സം​ഭ​ര​ണം: ക​ർ​ണാ​ട​ക നെ​ല്ലും ക​യ​റ്റി​പ്പോ​കാ​ൻ സാ​ധ്യ​ത

സു​ൽ​ത്താ​ൻ ബ​ത്തേ​രി: നെ​ൽ​ക​ർ​ഷ​ക​രെ സ​ഹാ​യി​ക്കാ​ൻ സ​പ്ലൈ​കോ ന​ട​ത്തു​ന്ന നെ​ല്ല് സം​ഭ​ര​ണ​ത്തി​ൽ ക​ർ​ണാ​ട​ക​യി​ൽ​നി​ന്നു​ള്ള നെ​ല്ലും ക​യ​റ്റി​പ്പോ​കാ​ൻ സാ​ധ്യ​ത​യെ​ന്ന് ആ​ക്ഷേ​പം. ജി​ല്ല​യി​ലെ നെ​ൽ​ക​ർ​ഷ​ക​ർ​ക്ക് സ​പ്ലൈ​കോ​യു​ടെ സം​ഭ​ര​ണം വ​ലി​യ ആ​ശ്വാ​സ​മാ​കു​ന്നു​ണ്ടെ​ങ്കി​ലും സം​ഭ​ര​ണ​ത്തി​ലെ പാ​ക​പ്പി​ഴ സം​ബ​ന്ധി​ച്ച് പ​ല​യി​ട​ത്തു​നി​ന്നും ആ​ക്ഷേ​പം ഉ​യ​രു​ന്നു​ണ്ട്. ക​ർ​ണാ​ട​ക​യി​ൽ നി​ന്നും എ​ത്തി​ക്കു​ന്ന നെ​ല്ല് സ​പ്ലൈ​കോ​ക്ക്​ മ​റി​ച്ചു​വി​ൽ​ക്കു​ന്ന സം​ഘം ക​ഴി​ഞ്ഞ വ​ർ​ഷം ജി​ല്ല​യി​ൽ സ​ജീ​വ​മാ​യി​രു​ന്നു. ഇ​ത്ത​വ​ണ​യും അ​വ​ർ രം​ഗ​ത്തു​ണ്ടെ​ന്നാ​ണ് ചി​ല​യി​ട​ങ്ങ​ളി​ൽ നി​ന്ന്​ ല​ഭി​ക്കു​ന്ന സൂ​ച​ന​ക​ൾ.

ഒ​രു കി​ലോ നെ​ല്ലി​ന് 28 രൂ​പ​യോ​ളം കൊ​ടു​ത്താ​ണ് സ​പ്ലൈ​കോ സം​ഭ​രി​ക്കു​ന്ന​ത്. ഒ​രേ​ക്ക​ർ വ​യ​ലു​ള്ള​വ​ർ​ക്ക് 20 ക്വി​ൻ​റ​ൽ വ​രെ കൊ​ടു​ക്കാം. ട​ൺ ക​ണ​ക്കി​ന് നെ​ല്ലാ​ണ് ജി​ല്ല​യി​ൽ​നി​ന്ന്​ ക​യ​റ്റി​പ്പോ​കു​ന്ന​ത്. പൊ​തു മാ​ർ​ക്ക​റ്റി​ൽ നെ​ല്ലി​ന് കി​ലോ​ക്ക് 20 രൂ​പ​യി​ൽ താ​ഴെ​യാ​ണ്​ വി​ല. അ​തി​നാ​ൽ, സ​പ്ലൈ​കോ​ക്ക് വി​ൽ​ക്കു​മ്പോ​ൾ ക​ർ​ഷ​ക​ന് മോ​ശ​മ​ല്ലാ​ത്ത വി​ല ല​ഭി​ക്കു​ന്നു​ണ്ട്. ക​ർ​ണാ​ട​ക​യി​ൽ 12-14 രൂ​പ​യേ നെ​ല്ലി​നു​ള്ളു. ഇ​ത് ട​ൺ ക​ണ​ക്കി​ന് വാ​ങ്ങി ജി​ല്ല​യി​ലെ​ത്തി​ച്ച് ചി​ല ര​ഹ​സ്യ കേ​ന്ദ്ര​ങ്ങ​ളി​ൽ സൂ​ക്ഷി​ച്ചാ​ണ് വി​ൽ​ക്കു​ന്ന​ത്. നെ​ല്ല് വി​ൽ​ക്കാ​ൻ ക​ർ​ഷ​ക​ന് നി​കു​തി ശീ​ട്ട് ആ​വ​ശ്യ​മാ​ണ്. കൃ​ഷി​യി​ല്ലാ​ത്ത നെ​ൽ​വ​യ​ലിെൻറ​യും മ​റ്റും നി​കു​തി ശീ​ട്ട് വെ​ച്ചാ​ണ് ക​ർ​ണാ​ട​ക നെ​ല്ല് വി​ൽ​ക്കു​ന്ന​ത്. പ​ന​മ​ര​ത്ത് മു​ൻ വ​ർ​ഷ​ങ്ങ​ളി​ൽ ഈ ​രീ​തി​യി​ലു​ള്ള 'ഇ​ട​പാ​ട്' ന​ട​ന്നി​ട്ടു​ള്ള​താ​യി ക​ർ​ഷ​ക​ർ പ​റ​യു​ന്നു.

നി​കു​തി ശീ​ട്ട് ഹാ​ജ​രാ​ക്കു​ന്ന ആ​ൾ യ​ഥാ​ർ​ഥ​ത്തി​ൽ നെ​ൽ​കൃ​ഷി ചെ​യ്തി​ട്ടു​ണ്ടോ എ​ന്ന് സ​പ്ലൈ​കോ ഉ​റ​പ്പു​വ​രു​ത്തി​യാ​ൽ ക​ർ​ണാ​ട​ക നെ​ല്ല് വി​ൽ​ക്കാ​നാ​വി​ല്ല. ഇ​ത്ത​ര​ത്തി​ലു​ള്ള ഉ​റ​പ്പു​വ​രു​ത്ത​ൽ കാ​ര്യ​മാ​യി ന​ട​ക്കു​ന്നി​ല്ലെ​ന്നാ​ണ് വി​വ​രം. സ​പ്ലൈ​കോ പ​റ​യു​ന്ന കേ​ന്ദ്ര​ങ്ങ​ളി​ൽ നെ​ല്ല് ചാ​ക്കു​ക​ളി​ലാ​ക്കി എ​ത്തി​ക്കു​ക​യാ​ണ് ക​ർ​ഷ​ക​ർ ചെ​യ്യു​ന്ന​ത്. ക​ർ​ണാ​ട​ക നെ​ല്ല് ഇ​വി​ട​ത്തെ നെ​ല്ലു​മാ​യി കൂ​ട്ടി​ക്ക​ല​ർ​ത്തി​യാ​ൽ പ​രി​ശോ​ധ​ന​യി​ലൂ​ടെ ക​ണ്ടെ​ത്താ​നാ​വി​ല്ലെ​ന്ന് കൃ​ഷി വ​കു​പ്പി​ലെ ഒ​രു ഉ​ദ്യോ​ഗ​സ്ഥ​ൻ പ​റ​ഞ്ഞു. നെ​ല്ല് സം​ശ​യ​ക​ര​മാ​യ രീ​തി​യി​ൽ സം​ഭ​രി​ച്ചു​വെ​ച്ച ചി​ല കേ​ന്ദ്ര​ങ്ങ​ളി​ൽ ജി​ല്ല കൃ​ഷി അ​ധി​കൃ​ത​ർ തി​ങ്ക​ളാ​ഴ്ച പ​രി​ശോ​ധ​ന ന​ട​ത്തി.