പാ​പ്ല​ശ്ശേ​രി, വ​ട്ട​ത്താ​നി ഭാ​ഗ​ത്ത് കാ​ട്ടാ​ന​യും ക​ടു​വ​യും; നോ​ക്കു​കു​ത്തി​യാ​യി ക​രി​ങ്ക​ൽ മ​തി​ൽ

സു​ൽ​ത്താ​ൻ ബ​ത്തേ​രി: ചെ​ത​ല​യം കാ​ട്ടി​ൽ നി​ന്നു​ള്ള കാ​ട്ടാ​ന​ക​ൾ പാ​പ്ല​ശ്ശേ​രി, വ​ട്ട​ത്താ​നി ഭാ​ഗ​ങ്ങ​ളി​ൽ ജ​ന​ത്തി​ന്റെ ഉ​റ​ക്കം കെ​ടു​ത്തു​ന്നു. ക​രി​ങ്ക​ൽ മ​തി​ൽ മ​റി​ക​ട​ന്നാ​ണ് കാ​ട്ടാ​ന​ക​ൾ ജ​ന​വാ​സ കേ​ന്ദ്ര​ത്തി​ൽ എ​ത്തു​ന്ന​ത്. പ​രാ​തി പ​റ​ഞ്ഞു മ​ടു​ത്ത ജ​നം സ​മ​രം ന​ട​ത്താ​നു​ള്ള ഒ​രു​ക്ക​ത്തി​ലാ​ണ്. ഏ​റ്റ​വും ഒ​ടു​വി​ലാ​യി തി​ങ്ക​ളാ​ഴ്ച രാ​ത്രി പ്ര​ദേ​ശ​ത്ത് ക​ടു​വ​യു​ടെ സാ​ന്നി​ധ്യ​വു​മു​ണ്ടാ​യി.

പൂ​താ​ടി പ​ഞ്ചാ​യ​ത്തി​ലെ മ​രി​യ​നാ​ട്, ഗാ​ന്ധി​ന​ഗ​ർ, പാ​പ്ല​ശ്ശേ​രി വാ​ർ​ഡു​ക​ളി​ലാ​ണ് കാ​ട്ടാ​ന​ക​ൾ എ​ത്തു​ന്ന​ത്. വ​ട്ട​ത്താ​നി, ക​വ​ല​മ​റ്റം, അ​ഴി​ക്കോ​ട​ൻ ന​ഗ​ർ, മ​രി​യ​നാ​ട്, ചേ​ല​ക്കൊ​ല്ലി, തൂ​ത്തി​ലേ​രി എ​ന്നി​വി​ട​ങ്ങ​ളി​ലൊ​ക്കെ ക​ഴി​ഞ്ഞ ഒ​രു മാ​സ​ത്തോ​ള​മാ​യി ഒ​രു ദി​വ​സം പോ​ലും ഇ​ട​ത​ട​വി​ല്ലാ​ത്ത രീ​തി​യി​ലാ​ണ് കാ​ട്ടാ​ന എ​ത്തു​ന്ന​ത്. കൃ​ഷി​യി​ട​ങ്ങ​ളി​ൽ ഇ​റ​ങ്ങു​ന്ന കാ​ട്ടാ​ന​ക​ൾ തെ​ങ്ങ്, ക​വു​ങ്ങ്, വാ​ഴ എ​ന്നി​വ​യൊ​ക്കെ ന​ശി​പ്പി​ച്ചി​ട്ടു​ണ്ട്. കാ​ട്ടാ​ന​യെ പേ​ടി​ച്ച് പു​റ​ത്തി​റ​ങ്ങാ​ൻ ക​ഴി​യാ​ത്ത അ​വ​സ്ഥ​യാ​ണെ​ന്ന് നാ​ട്ടു​കാ​ർ പ​റ​യു​ന്നു.

ക​ഴി​ഞ്ഞ ദി​വ​സം ഐ.​സി. ബാ​ല​കൃ​ഷ്ണ​ൻ എം.​എ​ൽ.​എ സ്ഥ​ലം സ​ന്ദ​ർ​ശി​ച്ചി​രു​ന്നു. തു​ട​ർ​ന്ന്, ക​രി​ങ്ക​ൽ മ​തി​ലി​നോ​ട് ചേ​ർ​ന്നു​ള്ള മ​ൺ​കൂ​ന നീ​ക്കം ചെ​യ്യാ​നു​ള്ള ന​ട​പ​ടി​ക​ൾ തു​ട​ങ്ങി. മ​ൺ​കൂ​ന​യി​ൽ ച​വി​ട്ടി​യാ​ണ് ആ​ന, മ​തി​ൽ മാ​റി ക​ട​ന്നി​രു​ന്ന​ത്. ചേ​ല​ക്കൊ​ല്ലി ഭാ​ഗ​ത്താ​ണ് മ​തി​ലി​നോ​ട് ചേ​ർ​ന്ന് കൂ​ടു​ത​ൽ മ​ൺ​കൂ​ന​ക​ളു​ള്ള​ത്. തി​ങ്ക​ളാ​ഴ്ച രാ​ത്രി വ​ട്ട​ത്താ​നി​യി​ൽ എ​ത്തി​യ ക​ടു​വ വ​ള​ർ​ത്തു​പ​ന്നി​യെ കൊ​ന്നു. മാ​നി​ന്‍റെ ജ​ഡ​വും ക​ണ്ടെ​ത്താ​ൻ ക​ഴി​ഞ്ഞി​ട്ടു​ണ്ട്. വ​നം വ​കു​പ്പ് തി​ര​ച്ചി​ൽ ന​ട​ത്തി​യെ​ങ്കി​ലും ക​ടു​വ​യെ ക​ണ്ടെ​ത്താ​നാ​യി​ല്ല. ചൊ​വ്വാ​ഴ്ച രാ​ത്രി വ​നം വ​കു​പ്പ് പ്ര​ദേ​ശ​ത്ത് നി​രീ​ക്ഷ​ണം ഏ​ർ​പ്പെ​ടു​ത്തി​യി​ട്ടു​ണ്ട്.