വാ​കേ​രി​യി​ൽ വീ​ണ്ടും ക​ടു​വ ആ​ക്ര​മ​ണം

പ​ന്നി​ഫാ​മി​ലെ അ​ഞ്ചു പ​ന്നി​ക​ളെ കൊ​ന്നു

സു​ൽ​ത്താ​ൻബ​ത്തേ​രി: വാ​കേ​രി മൂ​ട​ക്കൊ​ല്ലി​യി​ലെ പ​ന്നി​ഫാ​മി​ൽ വീ​ണ്ടും ക​ടു​വയെ​ത്തി. ഞാ​യ​റാ​ഴ്ച വെ​ളു​പ്പി​ന് അ​ഞ്ചു പ​ന്നി​ക​ളെ​യാ​ണ് കൊ​ന്ന​ത്. ഇ​തോ​ടെ ക​ടു​വ കൊ​ന്ന പ​ന്നി​ക​ളു​ടെ എ​ണ്ണം 25 ആ​യി.

ക​ടു​വ​യെ പി​ടി​ക്കാ​ൻ പ​ന്നി​ഫാ​മി​ന​ടു​ത്ത് കൂ​ടു​വെ​ച്ച് വ​നം​വ​കു​പ്പ് കാ​ത്തി​രി​ക്കു​മ്പോ​ഴാ​ണ് ക​ടു​വ വീ​ണ്ടും എ​ത്തി​യ​ത്. ഓ​രോ ത​വ​ണ​യും ആ​ക്ര​മി​ക്ക​പ്പെ​ടു​ന്ന പ​ന്നി​ക​ളു​ടെ എ​ണ്ണം ക​ണ​ക്കു​കൂ​ട്ടു​മ്പോ​ൾ എ​ത്തു​ന്ന ക​ടു​വ​ക​ളും ഒ​ന്നി​ൽ കൂ​ടു​ത​ൽ ഉ​ണ്ടെ​ന്നാ​ണ് വ്യ​ക്ത​മാ​കു​ന്ന​ത്. അ​മ്മ​യും കു​ഞ്ഞു​ങ്ങ​ളും അ​ട​ങ്ങു​ന്ന ക​ടു​വ​ക്കൂ​ട്ട​മാ​ണ് മൂ​ട​ക്കൊ​ല്ലി​യി​ൽ എ​ത്തു​ന്ന​തെ​ന്നാ​ണ് നാ​ട്ടു​കാ​രും പ​റ​യു​ന്ന​ത്. ക​ടു​വ​യും കു​ഞ്ഞു​ങ്ങ​ളു​മാ​ണെ​ന്ന് സ്ഥി​രീ​ക​രി​ക്കു​ന്ന ചി​ല സി.​സി.​ടി.​വി ദൃ​ശ്യ​ങ്ങ​ൾ ല​ഭി​ച്ച​താ​യി വാ​ർ​ഡ് മെം​ബ​ർ രു​ഗ്മി​ണി സു​ബ്ര​ഹ്മ​ണ്യ​ൻ പ​റ​ഞ്ഞു.

മൂ​ട​ക്കൊ​ല്ലി​യി​ൽ ശ്രീ​ജി​ത്തി​ന്റെ​യും ശ്രീ​നി​ഷി​ന്റെ​യും ഉ​ട​മ​സ്ഥ​ത​യി​ലു​ള്ള​താ​ണ് പ​ന്നി​ഫാം. ഇ​ക്ക​ഴി​ഞ്ഞ ആ​റി​ന് ക​ടു​വ 20 പ​ന്നി​ക​ളെ​യാ​ണ് കൊ​ന്ന​ത്.

പ്ര​തി​ഷേ​ധ​വു​മാ​യി നാ​ട്ടു​കാ​ർ

ഞാ​യ​റാ​ഴ്ച വെ​ളു​പ്പി​നും ക​ടു​വ എ​ത്തി​യ​തോ​ടെ നാ​ട്ടു​കാ​രു​ടെ ക്ഷ​മ ന​ശി​ച്ചു. സ്ഥ​ല​ത്തെ​ത്തി​യ വ​നം​വ​കു​പ്പ് ഉ​ദ്യോ​ഗ​സ്ഥ​രു​മാ​യി ഏ​റെ നേ​രം വാ​ഗ്വാ​ദം ന​ട​ന്നു. ക​ടു​വ കൊ​ന്ന പ​ന്നി​ക​ൾ​ക്ക് അ​ർ​ഹ​മാ​യ ന​ഷ്ട​പ​രി​ഹാ​രം കൊ​ടു​ക്ക​ണ​മെ​ന്നാ​യി​രു​ന്നു നാ​ട്ടു​കാ​രു​ടെ ആ​വ​ശ്യം.

പൂ​ക്കോ​ട് വെ​റ്റ​റി​ന​റി കോ​ള​ജി​ൽ​നി​ന്ന് പ​ക​രം പ​ന്നി​ക​ളെ എ​ത്തി​ക്ക​ണ​മെ​ന്ന ആ​വ​ശ്യ​വും നാ​ട്ടു​കാ​രി​ൽ ചി​ല​ർ ഉ​ന്ന​യി​ച്ചു. ന​ഷ്ട​പ്പെ​ട്ട പ​ന്നി​ക​ൾ​ക്ക് എ​ത്ര ന​ഷ്ട​പ​രി​ഹാ​രം കൊ​ടു​ക്കു​മെ​ന്ന കാ​ര്യ​ത്തി​ൽ ഇ​തു​വ​രെ വ​നം​വ​കു​പ്പ് വ്യ​ക്ത​മാ​യ ഉ​ത്ത​രം പ​റ​ഞ്ഞി​ട്ടി​ല്ല. തു​ട​ർ​ച്ച​യാ​യു​ള്ള ക​ടു​വ​സാ​ന്നി​ധ്യ​വും വ​നം​വ​കു​പ്പി​ന്റെ നി​സ്സ​ഹാ​യാ​വ​സ്ഥ​യും ക​ണ​ക്കി​ലെ​ടു​ത്ത് ആ​ക്ഷ​ൻ ക​മ്മി​റ്റി രൂ​പ​വ​ത്ക​രി​ച്ച് സ​മ​രം ന​ട​ത്താ​നു​ള്ള ഒ​രു​ക്ക​ത്തി​ലാ​ണ് നാ​ട്ടു​കാ​ർ. ഏ​താ​നും ദി​വ​സം മു​മ്പ് നാ​ട്ടു​കാ​ർ മോ​ശ​മാ​യി പെ​രു​മാ​റി​യെ​ന്നാ​രോ​പി​ച്ച് വ​നം​വ​കു​പ്പ് പൊ​ലീ​സി​ൽ പ​രാ​തി കൊ​ടു​ത്തി​രു​ന്നു. അ​ത്ത​രം ഒ​രു സാ​ഹ​ച​ര്യം ഇ​നി​യും ഉ​ണ്ടാ​വു​മോ എ​ന്ന​തും ഇ​വ​രെ ആ​ശ​ങ്ക​യി​ലാ​ക്കു​ന്നു​ണ്ട്.

ര​ണ്ടു കൂ​ടു​കൂ​ടി സ്ഥാ​പി​ച്ചു

മൂ​ട​ക്കൊ​ല്ലി പ​ന്നി​ഫാ​മി​ന് സ​മീ​പം ര​ണ്ടു കൂ​ടു​കൂ​ടി ഞാ​യ​റാ​ഴ്ച വ​നം​വ​കു​പ്പ് സ്ഥാ​പി​ച്ചു. ഇ​തോ​ടെ പ​ന്നി​ഫാ​മി​ന് സ​മീ​പ​ത്തു മാ​ത്ര​മാ​യി മൂ​ന്നു കൂ​ടു​ക​ളാ​ണു​ള്ള​ത്. എ​ല്ലാ സ​മ​യ​വും മൂ​ട​ക്കൊ​ല്ലി പ്ര​ദേ​ശ​ത്ത് വ​നം വ​കു​പ്പി​ന്റെ സാ​ന്നി​ധ്യ​വു​മു​ണ്ട്. മൂ​ട​ക്കൊ​ല്ലി, കൂ​ട​ല്ലൂ​ർ പ്ര​ദേ​ശ​ങ്ങ​ളി​ൽ പ​ക​ൽ സ​മ​യ​ത്തു​പോ​ലും ഒ​റ്റ​ക്കു പു​റ​ത്തി​റ​ങ്ങാ​ൻ പ​റ്റാ​ത്ത അ​വ​സ്ഥ​യി​ലാ​ണ് നാ​ട്ടു​കാ​ർ. കാ​ടു​പി​ടി​ച്ചു​കി​ട​ക്കു​ന്ന സ്വ​കാ​ര്യ കൃ​ഷി​യി​ട​ങ്ങ​ൾ, കാ​പ്പി​ത്തോ​ട്ടം, കൂ​ടു​ത​ൽ അ​ക​ലെ അ​ല്ലാ​തെ റി​സ​ർ​വ് വ​ന​ത്തി​ന്റെ സാ​ന്നി​ധ്യം എ​ന്നി​വ​യൊ​ക്കെ​യാ​ണ് ക​ടു​വ​സാ​ന്നി​ധ്യം കൂ​ടു​ത​ലാ​കാ​ൻ കാ​ര​ണം.

എ​ന്തു ചെ​യ്യു​മെ​ന്ന് വ്യ​ക്ത​ത​യി​ല്ലാ​തെ വ​നം​വ​കു​പ്പ്

സു​ൽ​ത്താ​ൻ ബ​ത്തേ​രി: മൂ​ട​ക്കൊ​ല്ലി, കൂ​ട​ല്ലൂ​ർ മേ​ഖ​ല​ക​ളി​ൽ ക​ടു​വ​സാ​ന്നി​ധ്യം പ​തി​വാ​കു​മ്പോ​ൾ എ​ന്ത് പ​രി​ഹാ​ര​മു​ണ്ടാ​ക്കു​മെ​ന്ന് വ്യ​ക്ത​ത​യി​ല്ലാ​തെ വ​നം​വ​കു​പ്പ്. ക​ടു​വ​ക്കാ​യി കൂ​ടു​വെ​ച്ച് കാ​ത്തി​രി​ക്കു​ക മാ​ത്ര​മാ​ണ് അ​വ​ർ ചെ​യ്യു​ന്ന​ത്. മ​യ​ക്കു​വെ​ടി​വെ​ച്ച് പെ​ട്ടെ​ന്ന് പി​ടി​കൂ​ടു​ക അ​സാ​ധ്യ​മാ​ണെ​ന്നാ​ണ് ന​ര​ഭോ​ജി ക​ടു​വ​യു​ടെ കാ​ര്യ​ത്തി​ൽ തെ​ളി​ഞ്ഞ​ത്.

അ​തി​നാ​ൽ ന​ര​ഭോ​ജി ക​ടു​വ കൂ​ട്ടി​ലാ​യ​തി​നു​ശേ​ഷം വീ​ണ്ടും ക​ടു​വ​സാ​ന്നി​ധ്യം ഉ​ണ്ടാ​യ​പ്പോ​ൾ മ​യ​ക്കു​വെ​ടി​വെ​ച്ച് പെ​ട്ടെ​ന്ന് പി​ടി​കൂ​ടാ​നു​ള്ള ശ്ര​മം വ​നം​വ​കു​പ്പ് ന​ട​ത്തി​യി​ട്ടി​ല്ല. നാ​ട്ടു​കാ​രും അ​ക്കാ​ര്യം ഉ​ന്ന​യി​ക്കാ​ൻ വ​ലി​യ താ​ൽ​പ​ര്യം കാ​ണി​ച്ചി​ല്ല. പ്ര​ദേ​ശ​ത്തി​ന്റെ ഒ​രു ഭാ​ഗം മു​ഴു​വ​ൻ റി​സ​ർ​വ് വ​ന​മാ​യ​തി​നാ​ൽ ക​ടു​വ​ക​ൾ എ​ത്താ​നു​ള്ള സാ​ധ്യ​ത​ക​ൾ ഏ​റെ​യാ​ണ്. വ​ന​ത്തി​ൽ​നി​ന്ന് ക​ടു​വ പു​റ​ത്തി​റ​ങ്ങാ​തി​രി​ക്കാ​നു​ള്ള സ​ജ്ജീ​ക​ര​ണ​ങ്ങ​ൾ ഉ​ണ്ടെ​ങ്കി​ൽ മാ​ത്ര​മേ മൂ​ട​ക്കൊ​ല്ലി മേ​ഖ​ല​യി​ലെ ക​ടു​വ സാ​ന്നി​ധ്യം ഒ​ഴി​വാ​കൂ. പാ​പ്ല​ശ്ശേ​രി മു​ത​ൽ വാ​കേ​രി ടൗ​ണി​ന് അ​ടു​ത്തു​വ​രെ മാ​ത്രം വ​ന​യോ​രം എ​ട്ടു കി​ലോ​മീ​റ്റ​റി​ല​ധി​കം വ​രും.

ക​ടു​വ​യെ തി​രി​ച്ച​റി​ഞ്ഞ​താ​യി വ​നം​വ​കു​പ്പ്

ക​ൽ​പ​റ്റ: സൗ​ത്ത് വ​യ​നാ​ട് ഫോ​റ​സ്റ്റ് ഡി​വി​ഷ​നി​ലെ ചെ​ത​ല​യം റേ​ഞ്ചി​ന് കീ​ഴി​ലെ ഇ​രു​ളം ഫോ​റ​സ്റ്റ് സ്റ്റേ​ഷ​ന്‍ പ​രി​ധി​യി​ലെ മൂ​ട​ക്കൊ​ല്ലി ഭാ​ഗ​ത്തെ പ​ന്നി​ഫാ​മി​ലെ പ​ന്നി​ക​ളെ ആ​ക്ര​മി​ച്ച ക​ടു​വ​യെ തി​രി​ച്ച​റി​ഞ്ഞ​താ​യി വ​നം​വ​കു​പ്പ്.

പ്ര​ദേ​ശ​ത്തു സ്ഥാ​പി​ച്ച കാ​മ​റ​യി​ല്‍ ക​ടു​വ​യു​ടെ ചി​ത്രം ല​ഭി​ക്കു​ക​യും പ്ര​സ്തു​ത ക​ടു​വ WWL 39 എ​ന്ന പെ​ണ്‍ക​ടു​വ​യാ​ണെ​ന്ന് തി​രി​ച്ച​റി​യു​ക​യും ചെ​യ്ത​താ​യി വ​നം​വ​കു​പ്പ് അ​റി​യി​ച്ചു.ഞാ​യ​റാ​ഴ്ച പു​ല​ര്‍ച്ച ഈ ​ക​ടു​വ പ്ര​ദേ​ശ​ത്തു വീ​ണ്ടും എ​ത്തു​ക​യും പ​ന്നി​ക​ളെ പി​ടി​കൂ​ടി ഭ​ക്ഷി​ക്കു​ക​യും ചെ​യ്തി​ട്ടു​ണ്ട്.

ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി​യു​ടെ മാ​ര്‍ഗ​നി​ര്‍ദേ​ശ​ങ്ങ​ള്‍ പൂ​ര്‍ണ​മാ​യി പാ​ലി​ച്ചു​കൊ​ണ്ട് ത​ന്നെ ക​ടു​വ​യെ പി​ടി​കൂ​ടു​ന്ന​തി​ന് കൂ​ടു സ്ഥാ​പി​ച്ച​താ​യും ഈ ​ഭാ​ഗ​ത്തു നി​ര​ന്ത​രം നി​രീ​ക്ഷ​ണം ന​ട​ത്തി​വ​രു​ക​യാ​ണെ​ന്നും വ​നം​വ​കു​പ്പ് അ​റി​യി​ച്ചു.

ജ​നു​വ​രി ആ​റി​ന് ഇ​തേ ക​ടു​വ പ​ന്നി​ഫാം ആ​ക്ര​മി​ച്ച് പ​ന്നി​ക​ളെ കൊ​ല​പ്പെ​ടു​ത്തി​യി​രു​ന്നു. ഈ ​സം​ഭ​വ​ത്തെത്തു​ട​ര്‍ന്ന് വ​ന​പാ​ല​ക​ര്‍ ഉ​ട​ൻ സ്ഥ​ല​ത്തെ​ത്തി പരിശോധന നടത്തി. തു​ട​ർ​ന്ന് ക​മ്മി​റ്റി രൂ​പ​വ​ത്ക​രി​ച്ച് ക​ടു​വ​യെ തി​രി​ച്ച​റി​യു​ന്ന​തി​ന് കാ​മ​റ ട്രാ​പ്പു​ക​ള്‍ സ്ഥാ​പി​ച്ചതാ​യും വ​നം​വ​കു​പ്പ് അ​റി​യി​ച്ചു.

കൊ​ള​ഗ​പ്പാ​റ​യി​ലും ക​ടു​വ പോ​ത്തി​നെ കൊ​ന്നു

സു​ൽ​ത്താ​ൻബ​ത്തേ​രി: കൊ​ള​ഗ​പ്പാ​റ ചൂ​രി​മ​ല​യി​ൽ വീ​ണ്ടും ക​ടു​വ​യു​ടെ ആ​ക്ര​മ​ണം. വീ​ടി​ന​ടു​ത്ത് മേ​യാ​ൻ വി​ട്ട പോ​ത്തി​നെ കൊ​ന്നു. ചൂ​രി​മ​ല ചെ​രി​യം​പു​റ​ത്ത് പ​റ​മ്പി​ൽ ഷേ​ർ​ളി കൃ​ഷ്ണ‌​ന്റെ പോ​ത്തി​നെ​യാ​ണ് ക​ടു​വ കൊ​ന്ന​ത്. പോ​ത്തി​നെ ശ​നി​യാ​ഴ്ച മു​ത​ൽ കാ​ണാ​താ​യി​രു​ന്നു.

അ​ന്വേ​ഷ​ണ​ത്തി​നൊ​ടു​വി​ൽ ഞാ​യ​റാ​ഴ്ച വൈ​കീ​ട്ടാ​ണ് പോ​ത്തി​ന്റെ ജ​ഡം ക​ണ്ടെ​ത്തി​യ​ത്. രോ​ഷാ​കു​ല​രാ​യ നാ​ട്ടു​കാ​ർ പോ​ത്തി​ന്റെ ജ​ഡ​വു​മാ​യി ബീ​നാ​ച്ചി-​പ​ന​മ​രം റോ​ഡി​ലെ ന​മ്പീ​ശ​ൻ ക​വ​ല​യി​ൽ രാ​ത്രി വൈ​കി​യും പ്ര​തി​ഷേ​ധി​ച്ചു. വ​ന​പാ​ല​ക​രും പൊ​ലീ​സും സ്ഥ​ല​ത്തെ​ത്തി.