കാ​ട്ടാ​ന​യു​ടെ വി​ള​യാ​ട്ടം; ക​ല്ലൂ​ർ ചു​ണ്ട​പ്പാ​ടി മേ​ഖ​ല​യി​ലെ ക​ർ​ഷ​ക​ർ ആ​ശ​ങ്ക​യി​ൽ

സു​ൽ​ത്താ​ൻ ബ​ത്തേ​രി: ക​ല്ലൂ​ര്‍ ചു​ണ്ട​പ്പാ​ടി​യി​ല്‍ കാ​ട്ടാ​ന​യു​ടെ ശ​ല്യ​ത്തി​ൽ പൊ​റു​തു​മു​ട്ടി ക​ർ​ഷ​ക​ർ. നി​ര​വ​ധി ക​ർ​ഷ​ക​രു​ടെ വി​ള​ക​ളാ​ണ് വ്യാ​പ​ക​മാ​യി കാ​ട്ടാ​ന ന​ശി​പ്പി​ക്കു​ന്ന​ത്. വ​ന​ത്താ​ല്‍ ചു​റ്റ​പ്പെ​ട്ട ക​ല്ലൂ​ര്‍, ചു​ണ്ട​പ്പാ​ടി, മാ​റോ​ട് മേ​ഖ​ല​യി​ൽ കാ​ട്ടാ​ന ശ​ല്യം രൂ​ക്ഷ​മാ​ണ്. കൃ​ഷി​യെ മാ​ത്രം ആ​ശ്ര​യി​ച്ച് ക​ഴി​യു​ന്ന​വ​രാ​ണ് പ്ര​ദേ​ശ​വാ​സി​ക​ളി​ൽ ഭൂ​രി​ഭാ​ഗ​വും.

വ​നാ​തി​ര്‍ത്തി​ക​ളി​ല്‍ ഫെ​ന്‍സി​ങ്ങും വാ​ച്ച​ര്‍മാ​രും എ​ല്ലാം ഉ​ണ്ടെ​ങ്കി​ലും വ​ന്യ​മൃ​ഗ ശ​ല്യ​ത്തി​ന് യാ​തൊ​രു കു​റ​വു​മി​ല്ല. പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ കാ​ര്യ​ക്ഷ​മ​മ​ല്ലെ​ന്നാ​ണ് ക​ർ​ഷ​ക​രു​ടെ പ​രാ​തി. കാ​ട്ടാ​ന ശ​ല്യം കാ​ര​ണം നി​ര​വ​ധി ക​ർ​ഷ​ക​രാ​ണ് ഇ​വി​ടെ കൃ​ഷി ഉ​പേ​ക്ഷി​ച്ച​ത്. കാ​ട്ടാ​ന​ക്കു​പു​റ​മേ മ​റ്റു മൃ​ഗ​ങ്ങ​ളും കൃ​ഷി​യി​ട​ത്തി​ൽ ഇ​റ​ങ്ങു​ന്ന​ത് പ​തി​വാ​ണ്. പ്ര​ദേ​ശ​ത്ത് ക​ടു​വ ഭീ​ഷ​ണി​യും നി​ല​നി​ല്‍ക്കു​ന്നു​ണ്ട്. ക​ഴി​ഞ്ഞ ദി​വ​സം ഫെ​ന്‍സി​ങ് ത​ക​ര്‍ത്ത് വ​യ​ലി​ലി​റ​ങ്ങി​യ കാ​ട്ടാ​ന ചു​ണ്ട​പ്പാ​ടി ര​ഘു​നാ​ഥി​ന്റെ നെ​ല്‍കൃ​ഷി​യു​ടെ ഭൂ​രി​ഭാ​ഗ​വും ന​ശി​പ്പി​ച്ചു.

കാ​ര്‍ഷി​ക വാ​യ്പ​യെ​ടു​ത്തും വ്യ​ക്തി​ക​ളി​ൽനി​ന്ന് കൈ ​വാ​യ്പ വാ​ങ്ങി​യു​മാ​ണ് ര​ഘു​നാ​ഥ് കൃ​ഷി​യി​റ​ക്കി​യി​രു​ന്ന​ത്. കാ​ട്ടാ​ന കൃ​ഷി ന​ശി​പ്പി​ച്ച​തോ​ടെ ക​ട​ക്കെ​ണി​യി​ല്‍ കു​ടു​ങ്ങി​യി​രി​ക്കു​ക​യാ​ണ് ഈ ​ക​ര്‍ഷ​ക​ന്‍. ര​ഘു​നാ​ഥി​ന് പു​റ​മേ പ​ല​രു​ടെ​യും കാ​ര്‍ഷി​ക വി​ള​ക​ള്‍ ന​ശി​പ്പി​ച്ചി​ട്ടു​ണ്ട്. പ​ല​ത​വ​ണ വ​ന​പാ​ല​ക​രോ​ട് പ​രാ​തി പ​റ​ഞ്ഞി​ട്ടും ന​ട​പ​ടി​യൊ​ന്നു​മി​ല്ല​ന്നാ​ണ് ക​ര്‍ഷ​ക​ര്‍ ആ​രോ​പി​ക്കു​ന്ന​ത്. ന​ഷ്ട​പ​രി​ഹാ​ര​ത്തി​ന് അ​പേ​ക്ഷ ന​ല്‍കി​യാ​ല്‍ തു​ക അ​നു​വ​ദി​ക്കു​ന്നി​ല്ലെ​ന്നു ഇ​വ​ർ പ​റ​യു​ന്നു.