സുപ്രീംകോടതി വിധിയും മനോജിന് വെളിച്ചമേകിയില്ല

മാ​ന​ന്ത​വാ​ടി: സു​പ്രീംകോ​ട​തി വി​ധി​യു​ണ്ടാ​യി​ട്ടും ജ​യി​ലി​ന് പു​റ​ത്തി​റ​ങ്ങാ​ൻ ക​ഴി​യാ​തെ യു​വാ​വ്. തൊ​ണ്ട​ർ​നാ​ട് തേ​റ്റ​മ​ല ചെ​മ്പ​നി​യി​ൽ എ​ൺ​പ​തു​കാ​രി​യാ​യ മാ​താ​വ് ഏ​ലി​യാ​മ്മ​യും മകന്റെ മോ​ച​ന​ത്തി​നാ​യു​ള്ള കാ​ത്തി​രി​പ്പി​ലാ​ണ്. വ​യ​നാ​ട്ടി​ൽ ന​ട​ന്ന കൊ​ല​പാ​ത​ക കേ​സി​ൽ 2003ലാ​ണ് മ​നോ​ജ് ജീവ​പ​ര്യ​ന്തം ത​ട​വു​കാ​ര​നാ​യി ക​ണ്ണൂ​ർ സെ​ൻ​ട്ര​ൽ ജ​യി​ലി​ലാ​യ​ത്.

ജീ​വ​പ​ര്യ​ന്തം ത​ട​വു​കാ​ർ 14 വ​ർ​ഷം ശി​ക്ഷ അ​നു​ഭ​വി​ച്ചു ക​ഴി​ഞ്ഞാ​ൽ ജ​യി​ൽ അ​ഡ്വൈ​സ​റി ബോ​ർ​ഡി​ന്റെ ശി​പാ​ർ​ശ​യി​ൽ ജ​യി​ൽ മോ​ചി​ത​രാ​ക്കാ​ൻ നി​യ​മ​മു​ണ്ട്. ഇ​തി​ന്റെ അ​ടി​സ്ഥാ​ന​ത്തി​ൽ മ​നോ​ജി​ന്റെ മാ​താ​വ് മു​ഖ്യ​മ​ന്ത്രി​യ​ട​ക്ക​മു​ള്ള​വ​ർ​ക്ക് നി​വേ​ദ​നം ന​ൽ​കി​യെ​ങ്കി​ലും ന​ട​പ​ടി​യി​ല്ലാ​തായതോ​ടെ സു​പ്രീം കോ​ട​തി​യെ സ​മീ​പി​ക്കു​ക​യാ​യി​രു​ന്നു.

ജ​സ്റ്റി​സു​മാ​രാ​യ എം.​ആ​ർ. ഷാ, ​സി.​ടി. ര​വി​കു​മാ​ർ എ​ന്നി​വ​ര​ട​ങ്ങി​യ ബെ​ഞ്ച് മ​നോ​ജി​നെ നാ​ല് ആ​ഴ്ച​ക്കു​ള്ളി​ൽ ജ​യി​ൽ മോ​ചി​ത​നാ​ക്ക​ണ​മെ​ന്ന് ഫെ​ബ്രു​വ​രി ഏ​ഴി​ന് വി​ധി പു​റ​പ്പെ​ടു​വി​ച്ചി​രു​ന്നു. ഉ​ത്ത​ര​വി​ന്റെ പ​ക​ർ​പ്പ് ഡി.​ജി.​പി, സം​സ്ഥാ​ന സ​ർ​ക്കാ​ർ, ജ​യി​ൽ അ​ഡ്വൈ​സ​റി ബോ​ർ​ഡ് എ​ന്നി​വ​ർ​ക്ക് ന​ൽ​കു​ക​യും ചെ​യ്തി​രു​ന്നു. 20 വ​ർ​ഷം ശി​ക്ഷ പൂ​ർ​ത്തി​യാ​ക്കി​യ മ​നോ​ജ് ഇ​പ്പോ​ൾ ചീ​മേ​നി തു​റ​ന്ന ജ​യി​ലി​ലാ​ണു​ള്ള​ത്. സു​പ്രീംകോ​ട​തി നി​ശ്ച​യി​ച്ച കാ​ലാ​വ​ധി ക​ഴി​ഞ്ഞി​ട്ടും മ​ക​നെ മോ​ചി​ത​നാ​ക്കാ​ൻ ജ​യി​ൽ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്ന് ഏ​ലി​യാ​മ്മ പ​റ​ഞ്ഞു.