നാ​ഥ​നി​ല്ലാ കൈ​വേ​ലി ആ​ർ​ക്കും മു​റി​ക്കാം!

വെ​ള്ള​മു​ണ്ട: അ​ര​ക്കോ​ടി​യി​ല​ധി​കം ചെ​ല​വ​ഴി​ച്ച് നി​ർ​മി​ച്ച റോ​ഡ​രി​കി​ലെ കൈ​വേ​ലി സ്വ​കാ​ര്യ​വ്യ​ക്തി​ക​ൾ മു​റി​ച്ചുമാ​റ്റു​ന്ന​ത് പ​തി​വാ​യി​ട്ടും ന​ട​പ​ടിയി​ല്ലെ​ന്ന് പ​രാ​തി.

വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്ത് ആ​സ്ഥാ​ന​മാ​യ എ​ട്ടേ നാ​ൽ ടൗ​ണി​ലെ കൈ​വേ​ലി​ക​ളാ​ണ് വ്യാ​പ​ക​മാ​യി മു​റി​ച്ചു മാ​റ്റു​ന്ന​ത്. ചി​ല വ്യ​ക്തി​ക​ളു​ടെ​യും ക​ട​ക​ളു​ടേ​യും സൗ​ക​ര്യ​ത്തി​ന​നു​സ​രി​ച്ച് രാ​ത്രി​യു​ടെ മ​റ​വി​ലാ​ണ് കൈ​വേ​ലി​ക​ൾ മു​റി​ച്ച് ക​ട​ത്തു​ന്ന​ത്. ക​ഴി​ഞ്ഞ ദി​വ​സം രാ​ത്രി​യി​ൽ ടൗ​ണി​ന് ന​ടു​വി​ൽ നി​ര​വി​ൽ​പു​ഴ- മാ​ന​ന്ത​വാ​ടി റോ​ഡ​രി​കി​ലെ കൈ​വേ​ലി പ​ഞ്ചാ​യ​ത്തി​ന്റെ സി.​സി.​ടി.​വി​ക്ക് ചു​വ​ട്ടി​ൽ നി​ന്നും ഒ​രു ഭാ​ഗം മു​റി​ച്ചു​മാ​റ്റി​യ​താ​ണ് ഒ​ടു​വി​ല​ത്തേ​ത്. അ​ധി​കൃ​ത​രി​ൽ ചി​ല​രു​ടെ​യും ചി​ല ജ​ന​പ്ര​തി​നി​ധി​ക​ളു​ടെ​യും മൗ​നാ​നു​വാ​ദ​ത്തി​ലാ​ണ് ല​ക്ഷ​ങ്ങ​ൾ മു​ട​ക്കി നി​ർ​മി​ച്ച പൊ​തു​മു​ത​ൽ ന​ശി​പ്പി​ക്കു​ന്ന​തെ​ന്ന് പ​രാ​തി​യു​ണ്ട്.

കൈ​വേ​ലി​ക​ൾ മു​റി​ച്ച​തി​നെ​ക്കു​റി​ച്ച് അ​ന്വേ​ഷ​ണം ആ​ശ്യ​പ്പെ​ട്ട് നാ​ട്ടു​കാ​രി​ൽ ചി​ല​ർ പ​ഞ്ചാ​യ​ത്തി​ന് പ​രാ​തി​ന​ൽ​കി​യി​ട്ടു​ണ്ട്. കാ​ൽ​ന​ട​യാ​ത്ര​ക്കാ​ർ​ക്ക് ഏ​റെ ഉ​പ​കാ​ര​പ്ര​ദ​മാ​യി​രു​ന്ന ന​ട​പ്പാ​ത​യും കൈ​വേ​ലി​ക​ളും കൈ​യേ​റു​ന്ന​തും ന​ശി​പ്പി​ക്കു​ന്ന​തും പ​തി​വാ​യി​ട്ടും സാമൂ​ഹിക വി​രു​ദ്ധ​ർ​ക്ക് ഒ​ത്താ​ശ ചെ​യ്യു​ക​യാ​ണ് അ​ധി​കൃ​ത​രെ​ന്നും ആ​ക്ഷേ​പ​മു​ണ്ട്. പ​ഞ്ചാ​യ​ത്ത് ഓ​ഫി​സി​ന്റെ മു​ൻ​വ​ശ​ത്തോ​ടു​ചേ​ർ​ന്ന് സ്വ​കാ​ര്യ​വ്യ​ക്തി കെ​ട്ടി​ട നി​ർ​മാ​ണ​ത്തി​നാ​യി രാ​ത്രി​യു​ടെ മ​റ​വി​ൽ വേ​ലി മു​റി​ച്ചു​മാ​റ്റി​യ​ത് മാ​സ​ങ്ങ​ൾ​ക്കു​മു​മ്പാ​ണ്. ഇ​ത് വ​ലി​യ വി​വാ​ദ​ത്തി​നി​ട​യാ​ക്കി​യി​രു​ന്നു. അ​തി​നു​മു​മ്പും നി​ര​വ​ധി ത​വ​ണ കൈ​വേ​ലി മു​റി​ച്ചി​രു​ന്നു.

വി​ദ്യാ​ർ​ഥി​ക​ളു​ടെ​യും കാ​ൽ​ന​ട​യാ​ത്ര കാ​രു​ടെ​യും സു​ര​ക്ഷി​ത​ത്വം മു​ൻ​നി​ർ​ത്തി എം.​ഐ. ഷാ​ന​വാ​സ് എം.​പി​യു​ടെ ഫ​ണ്ടി​ൽ നി​ന്നും 2014 ൽ ​നി​ർ​മി​ച്ച ഇ​രു​മ്പു​കൈ​വേ​ലി​യാ​ണ് ന​ശി​പ്പി​ക്കു​ന്ന​ത്. മാ​ന​ന്ത​വാ​ടി റോ​ഡി​ൽ​നി​ന്ന് പ്ര​വേ​ശി​ക്കു​ന്ന വ​ഴി​യി​ലെ ഒ​രു ഭാ​ഗ​ത്തെ കൈ​വേ​ലി പൂ​ർ​ണ​മാ​യും മു​റി​ച്ചു​മാ​റ്റി​യി​ട്ടു​ണ്ട്.