പേ​ര് നി​ർ​മി​തി​യാ​ണെ​ങ്കി​ലും നി​ർ​മാ​ണം ന​ട​ക്കു​ന്നി​ല്ല സ​ർ

വെ​ള്ള​മു​ണ്ട: വെ​ള്ള​മു​ണ്ട പ​ഞ്ചാ​യ​ത്തി​ലെ വാ​ളാ​രം​കു​ന്ന് ആ​ദി​വാ​സി​ക​ളു​ടെ പു​ന​ര​ധി​വാ​സ​ പ​ദ്ധ​തി​യി​ൽ വീ​ടു​ക​ളു​ടെ നി​ർ​മാ​ണം സ​ർ​ക്കാ​ർ സ്ഥാ​പ​ന​മാ​യ നി​ർ​മി​തി കേ​ന്ദ്ര​ത്തി​നാ​യി​രു​ന്നു. 2018ലും 2019​ലും ഇ​വി​ടെ ഉ​രു​ൾ​പൊ​ട്ടി​യ​തി​നെ തു​ട​ർ​ന്നാ​ണ് പു​ന​ര​ധി​വാ​സ പ​ദ്ധ​തി വ​രു​ന്ന​ത്. എ​ന്നാ​ൽ, വ​ർ​ഷ​മി​ത്ര​യാ​യി​ട്ടും നി​ർ​മി​തി കേ​ന്ദ്രം ഏ​റ്റെ​ടു​ത്ത വീ​ടു​ക​ളു​ടെ നി​ർ​മാ​ണം ഇ​ഴ​യു​ക​യാ​ണ്. 2022ൽ ​എ​ഗ്രി​മെ​ന്റ് വെ​ച്ച 26 വീ​ടു​ക​ളി​ൽ കേ​വ​ലം ആ​റോ ഏ​ഴോ വീ​ടു​ക​ളു​ടെ നി​ർ​മാ​ണ​മാ​ണ് ഭാ​ഗി​ക​മാ​യെ​ങ്കി​ലും പൂ​ർ​ത്തി​യാ​യ​ത്.

നാ​രോ​ക്ക​ട​വി​ൽ ഏ​റ്റെ​ടു​ത്ത ആ​ദ്യ​ത്തെ ഭൂ​മി​യി​ലാ​ണ് നി​ർ​മാ​ണ പ്ര​വൃ​ത്തി തു​ട​ങ്ങി​യ​ത്. ര​ണ്ടു​വ​ർ​ഷം മു​മ്പാ​ണ് നി​ർ​മി​തി​കേ​ന്ദ്ര​യെ ക​രാ​ർ ഏ​ൽ​പി​ച്ച​തെ​ന്ന് ആ​ദി​വാ​സി​ക​ൾ പ​റ​യു​ന്നു. വെ​ള്ള​മു​ണ്ട, പ​ടി​ഞ്ഞാ​റ​ത്ത​റ പ​ഞ്ചാ​യ​ത്തു​ക​ൾ​ക്ക് അ​തി​രു വ​ര​ക്കു​ന്ന ഭൂ​മി​യി​ൽ 19 വീ​ടു​ക​ളാ​ണ് നി​ർ​മി​ക്കാ​ൻ ധാ​ര​ണ​യാ​യ​ത്. എ​ന്നാ​ൽ, വ​ർ​ഷ​ങ്ങ​ൾ​ക്കി​പ്പു​റം ആ​റ് വീ​ടു​ക​ൾ മാ​ത്ര​മാ​ണ് ഇ​വി​ടെ ഭാ​ഗി​ക​മാ​യി പൂ​ർ​ത്തി​യാ​യി​രി​ക്കു​ന്ന​ത്. ബാ​ക്കി ത​റ​യി​ലൊ​തു​ങ്ങി. ചി​ല​തി​ന്റെ നി​ർ​മാ​ണം പോ​ലും തു​ട​ങ്ങി​യി​ല്ല.

ഉ​രു​ൾ​പൊ​ട്ട​ൽ ഭീ​ഷ​ണി ഒ​ഴി​യാ​തെ വാ​ളാ​രം​കു​ന്ന്

ഉ​രു​ൾ​പൊ​ട്ട​ലും മ​ണ്ണി​ടി​ച്ചി​ൽ ഭീ​ഷ​ണി​യും നി​ല​നി​ൽ​ക്കു​ന്ന പ്ര​ദേ​ശ​മാ​ണ് വാ​ളാ​രം​കു​ന്ന്. ഇ​ത് പ്ര​ദേ​ശ​ത്തെ കു​ടും​ബ​ങ്ങ​ളു​ടെ ആ​ധി​യേ​റ്റു​ക​യാ​ണ്. ക​ഴി​ഞ്ഞ ര​ണ്ട് വ​ർ​ഷ​വും വ​ൻ മ​ണ്ണി​ടി​ച്ചി​ലും ഉ​രു​ൾ​പൊ​ട്ട​ലും സം​ഭ​വി​ച്ച പ്ര​ദേ​ശ​ത്തുനി​ന്ന് ആ​ദി​വാ​സി കു​ടും​ബ​ങ്ങ​ളെ ദു​രി​താ​ശ്വാ​സ ക്യാ​മ്പു​ക​ളി​ലേ​ക്ക് മാ​റ്റി​യി​രു​ന്നു. മ​ഴ​ക്ക് ശ​മ​ന​മു​ണ്ടാ​യ ഉ​ട​നെ ജി​ല്ല ഭ​ര​ണ​കൂ​ടം ഇ​ട​പെ​ട്ട് പ്ര​ദേ​ശ​ത്തെ മു​ഴു​വ​ൻ ആ​ദി​വാ​സി​ക​ളെ​യും മാ​റ്റി​പ്പാ​ർ​പ്പി​ക്കാ​ൻ തീ​രു​മാ​നി​ച്ചി​രു​ന്നു. തു​ട​ക്ക​ത്തി​ൽ സ്ഥ​ല​മെ​ടു​പ്പു ന​ട​പ​ടി​ക​ളും വീ​ട് നി​ർ​മാ​ണ​വും ദ്രു​ത​ഗ​തി​യി​ൽ ന​ട​ന്നി​രു​ന്നെ​ങ്കി​ലും പി​ന്നീ​ട് നി​ല​ച്ചു.

ബാ​ണാ​സു​ര മ​ല​യ​ടി​വാ​ര​ത്തി​ലെ കോ​ള​നി​യാ​ണി​ത്. പ്ര​ദേ​ശ​ത്തെ ക​രി​ങ്ക​ൽ ക്വാ​റി​യി​ലും, കോ​ള​നി വീ​ടു​ക​ളോ​ട് ചേ​ർ​ന്നും നി​ര​വ​ധി സ്ഥ​ല​ങ്ങ​ളി​ൽ ക​ഴി​ഞ്ഞ മ​ഴ​ക്കാ​ല​ത്ത് മ​ണ്ണി​ടി​ച്ചി​ലും, പ്ര​ദേ​ശ​ത്തെ സ്വ​കാ​ര്യ തോ​ട്ട​ങ്ങ​ളി​ൽ മൂ​ന്നി​ട​ങ്ങ​ളി​ലാ​യി വ​ൻ ഉ​രു​ൾ​പൊ​ട്ട​ലും ഉ​ണ്ടാ​യി​രു​ന്നു. ശേ​ഷ​മു​ള്ള പ​ഠ​ന റി​പ്പോ​ർ​ട്ടി​നെ തു​ട​ർ​ന്നാ​ണ് പ്ര​ദേ​ശ​ത്തെ ആ​ദി​വാ​സി കു​ടും​ബ​ങ്ങ​ളെ മു​ഴു​വ​നാ​യി ഇ​വി​ടെ നി​ന്ന് മാ​റ്റാ​ൻ തീ​രു​മാ​നി​ച്ച​ത്.

അ​വി​ശു​ദ്ധ കൂ​ട്ടു​കെ​ട്ടി​ൽ അ​ഴി​മ​തി തെ​ളി​യു​ന്നു

തു​ട​ക്ക​ത്തി​ൽ വീ​ട് നി​ർ​മാ​ണ​ത്തി​നു​ള്ള ക​രാ​ർ ന​ട​പ​ടി ഉ​റ​പ്പി​ക്കാ​നു​ള്ള ചി​ല​രു​ടെ മ​ത്സ​ര​വും പ​ദ്ധ​തി വൈ​കി​ക്കാ​ൻ ഇ​ട​യാ​ക്കി. വാ​ളാ​രം​കു​ന്ന്, പെ​രു​ങ്കു​ളം മ​ല​നി​ര​ക​ളി​ൽ നി​ന്നും 82 കു​ടും​ബ​ങ്ങ​ളെ​യാ​ണ് മാ​റ്റി​പ്പാ​ർ​പ്പി​ക്കാ​ൻ തീ​രു​മാ​ന​മെ​ടു​ത്തി​രി​ക്കു​ന്ന​ത്. സ്ഥ​ല​മെ​ടു​പ്പും വീ​ട് നി​ർ​മാ​ണ​വു​മാ​യി കോ​ടി​ക​ളു​ടെ പ​ദ്ധ​തി​യാ​ണ് ഇ​വി​ടെ ന​ട​ക്കു​ന്ന​ത്. ക​ഴി​ഞ്ഞ ര​ണ്ടു പ​തി​റ്റാ​ണ്ടു​കാ​ല​മാ​യി മ​ല​മു​ക​ളി​ൽ ന​ട​ന്ന വി​ക​സ​ന ക്ഷേ​മ പ​ദ്ധ​തി​ക​ളി​ൽ പ​ല​തി​ലും അ​ധി​കൃ​ത​രും ക​രാ​റു​കാ​രും ത​മ്മി​ലു​ള്ള അ​വി​ശു​ദ്ധ കൂ​ട്ടു​കെ​ട്ടു​ണ്ട്.

പു​ന​ര​ധി​വാ​സ പ​ദ്ധ​തി​യി​ലു​ൾ​പ്പെ​ടു​ത്തി​യ ഈ ​കോ​ള​നി​ക​ളി​ൽ പ​ല പ​ദ്ധ​തി​ക​ളി​ലാ​യി നി​ർ​മി​ച്ച​തും, പു​തു​താ​യി നി​ർ​മി​ച്ച വീ​ടു​ക​ളും അ​ഴി​മ​തി​യു​ടെ നേ​ർ​ക്കാ​ഴ്ച​യാ​ണ്. വീ​ടു​ണ്ടെ​ങ്കി​ലും കി​ട​ന്നു​റ​ങ്ങ​ണ​മെ​ങ്കി​ൽ പ്ലാ​സ്റ്റി​ക് കൂ​ര​ക​ളാ​ണ് ആ​ശ്ര​യം. ട്രൈ​ബ​ൽ വ​കു​പ്പി​ന്റെ മേ​ൽ​നോ​ട്ട​ത്തി​ൽ നി​ർ​മി​ച്ച കോ​ൺ​ക്രീ​റ്റ് വീ​ടു​ക​ളി​ൽ പ​ല​തും ചോ​രു​ന്നു. മു​മ്പ് നി​ർ​മി​ച്ച വീ​ടു​ക​ൾ​ക്കാ​വ​ട്ടെ വാ​തി​ലു​ക​ൾ പോ​ലു​മി​ല്ല. അ​നു​വ​ദി​ച്ച പ​ണം മു​ഴു​വ​ൻ ഉ​ദ്യോ​ഗ​സ്ഥ​രെ സ്വാ​ധീ​നി​ച്ച് ക​രാ​റു​കാ​ര​ൻ വാ​ങ്ങി മു​ങ്ങി​യ​പ്പോ​ൾ അ​ടി​സ്ഥാ​ന സൗ​ക​ര്യ​ങ്ങ​ൾ പോ​ലു​മി​ല്ലാ​ത്ത വീ​ടു​ക​ളി​ൽ സ്ത്രീ​ക​ളും കു​ട്ടി​ക​ളും ഭ​യ​പ്പാ​ടോ​ടെ കി​ട​ന്നു​റ​ങ്ങേ​ണ്ട അ​വ​സ്ഥ​യാ​ണ്.

2015-16 സാ​മ്പ​ത്തി​ക വ​ർ​ഷ​ത്തി​ന്റെ തു​ട​ക്ക​ത്തി​ലാ​ണ് പ്ര​ത്യേ​ക ട്രൈ​ബ​ൽ ഫ​ണ്ട് വ​ക​യി​രു​ത്തി വാ​ളാ​രം​കു​ന്ന് കോ​ള​നി​യി​ൽ 16 വീ​ടു​ക​ൾ​ക്ക് പ​ണം അ​നു​വ​ദി​ച്ച​ത്. മൂ​ന്ന​ര ല​ക്ഷം രൂ​പ​യാ​ണ് ഓ​രോ കു​ടും​ബ​ങ്ങ​ൾ​ക്കും അ​ന്ന് അ​നു​വ​ദി​ച്ച​ത്. ഇ​തി​ൽ 8 വീ​ടു​ക​ളു​ടെ പ​ണി ആ​ദി​വാ​സി​ക​ൾ നേ​രി​ട്ട് എ​ടു​ക്കു​ക​യും ബാ​ക്കി 8 എ​ണ്ണം ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും അ​റി​വോ​ടെ ക​രാ​റു​കാ​ര​നെ ഏ​ൽ​പി​ക്കു​ക​യു​മാ​യി​രു​ന്നു. ആ​ദി​വാ​സി​ക​ൾ സ്വ​ന്ത​മാ​യി മേ​ൽ​നോ​ട്ടം ന​ൽ​കി നി​ർ​മി​ച്ച വീ​ടു​ക​ളു​ടെ പ​ണി പൂ​ർ​ത്തി​യാ​ക്കി വ​ർ​ഷ​ങ്ങ​ൾ ക​ഴി​ഞ്ഞാ​ണ് ക​രാ​റു​കാ​ര​ൻ ഏ​റ്റെ​ടു​ത്ത വീ​ടു​ക​ൾ അ​ന്ന​വി​ടെ പൂ​ർ​ത്തി​യാ​യ​ത്. ത​റ​യും ചു​മ​രും മേ​ൽ​ക്കൂ​ര വാ​ർ​പ്പും ന​ട​ത്തി പ​ണ​വും വാ​ങ്ങി ക​രാ​റു​കാ​ര​ൻ മു​ങ്ങി​യ​ത് അ​ന്ന് വി​വാ​ദ​മാ​യി​രു​ന്നു. വാ​ർ​ത്ത് തേ​പ്പും വ​യ​റി​ങ്ങും അ​ടു​പ്പും,ക​ക്കൂ​സും നി​ർ​മി​ച്ചാ​ൽ മാ​ത്ര​മാ​ണ് തു​ക മു​ഴു​വ​നാ​യി ല​ഭി​ക്കു​ക.

എ​ന്നാ​ൽ, പ​ണി എ​വി​ടെ വ​രെ എ​ത്തി എ​ന്ന് പോ​ലും നോ​ക്കാ​തെ വാ​തി​ലുപോ​ലും വെ​ക്കാ​തെ നി​ർ​മാ​ണം നി​ർ​ത്തി​യ ക​രാ​റു​കാ​ര​ന് പ​ണം ന​ൽ​കി​യ​ത് വ​ലി​യ പ്ര​തി​ഷേ​ധ​ത്തി​നി​ട​യാ​ക്കി​യി​രു​ന്നു. തു​റ​ന്നി​ട്ട മു​റി​ക​ളി​ലാ​ണ് ആ​ദി​വാ​സി കു​ടും​ബ​ങ്ങ​ൾ ഇ​ന്നും​കി​ട​ന്നു​റ​ങ്ങു​ന്ന​ത്. വ​ന​ത്തെ ആ​ശ്ര​യി​ച്ച് ജീ​വി​ക്കു​ന്ന ആ​ദി​വാ​സി​ക​ളെ മ​ല​യി​റ​ക്കി കു​ത്ത​ക​ക​ൾ​ക്ക് കൈ​യേ​റ്റ​ത്തി​നു​ള്ള സാ​ഹ​ച​ര്യം ഒ​രു​ക്കു​ന്ന​തി​നു​ള്ള നീ​ക്ക​വും മ​റ്റൊ​രു​വ​ശ​ത്ത് ന​ട​ക്കു​ന്നു​ണെ​ന്നും ആ​ക്ഷേ​പ​മു​ണ്ട്.

പ​ദ്ധ​തി പ്ര​ദേ​ശ​ത്തേ​ക്ക് റോ​ഡ് നി​ർ​മി​ക്കു​ന്ന​തി​ന് മാ​സ​ങ്ങ​ൾ എ​ടു​ത്തു. ഏ​റ്റെ​ടു​ത്ത സ്ഥ​ല​ത്തി​ന​രി​കി​ൽ വൈ​ദ്യു​തി​ക്കാ​ൽ ഉ​ണ്ടാ​യി​രു​ന്നെ​ങ്കി​ലും നി​ർ​മാ​ണം തു​ട​ങ്ങു​ന്ന​തി​നാ​യി വൈ​ദ്യു​തി ലൈ​ൻ വ​ലി​ക്കാ​ൻ ഏ​ക​ദേ​ശം ഒ​രു വ​ർ​ഷം എ​ടു​ത്തു. ഇ​ങ്ങ​നെ പ​ദ്ധ​തി ന​ട​പ്പി​ലാ​ക്കി​യാ​ൽ നി​ർ​മാ​ണം എ​പ്പോ​ൾ പൂ​ർ​ത്തി​യാ​കു​മെ​ന്നാ​ണ് നാ​ട്ടു​കാ​രു​ടെ ചോ​ദ്യം. പു​ന​ര​ധി​വ​ാസ പ​ദ്ധ​തി ന​ട​പ്പി​ലാ​ക്കു​ന്ന​തോ​ടെ ചോ​രാ​ത്ത വീ​ടെ​ന്ന ആ​ദി​വാ​സി​ക​ളു​ടെ സ്വ​പ്ന​ത്തി​ലാ​ണ് നി​ർ​മി​തി​യു​ടെ മെ​ല്ലെപ്പോ​ക്കും അ​ധി​കൃ​ത​രു​ടെ അ​നാ​സ്ഥ​യും ക​രി​നി​ഴ​ൽ വീ​ഴ്ത്തു​ന്ന​ത്.

(പ​ര​മ്പ​ര അ​വ​സാ​നി​ച്ചു)