തെരുവുവിളക്കുകൾ കണ്ണടച്ചു; വെള്ളമുണ്ട ഇരുട്ടിൽ

വെ​ള്ള​മു​ണ്ട: തെ​രു​വു​വി​ള​ക്കു​ക​ൾ ക​ണ്ണ​ട​ച്ച് നാ​ട് ഇ​രു​ട്ടി​ലാ​യി​ട്ടും ന​ന്നാ​ക്കാ​ൻ ന​ട​പ​ടി​യി​ല്ല. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ നൂ​റു​ക​ണ​ക്കി​ന്‌ തെ​രു​വു​വി​ള​ക്കു​ക​ളാ​ണ് മാ​സ​ങ്ങ​ളാ​യി ക​ത്താ​തെ കി​ട​ക്കു​ന്ന​ത്.

പ​ഞ്ചാ​യ​ത്തി​ലെ എ​ട്ടേ​നാ​ൽ പ​രി​സ​ര​ത്തെ പ്ര​ധാ​ന പാ​ത​ക​ളെ​ല്ലാം ഇ​രു​ട്ടി​ലാ​ണ്. ഗ്രാ​മ​ങ്ങ​ളി​ലും ആ​ദി​വാ​സി കോ​ള​നി​ക്ക​രി​കി​ലും പ്ര​ധാ​ന ക​വ​ല​ക​ളി​ലും സ്ഥാ​പി​ച്ച ചെ​റു​തും വ​ലു​തു​മാ​യ തെ​രു​വു​വി​ള​ക്കു​ക​ളെ​ല്ലാം ഉ​പ​യോ​ഗ​മി​ല്ലാ​തെ ന​ശി​ക്കു​ക​യാ​ണ്. കേ​ടാ​യ വി​ള​ക്കു​ക​ൾ അ​ത​ത് സ​മ​യ​ങ്ങ​ളി​ൽ അ​റ്റ​കു​റ്റ​പ്പ​ണി ന​ട​ത്താ​തെ ഉ​പേ​ക്ഷി​ച്ച​താ​ണ് നാ​ടും റോ​ഡും ഇ​രു​ട്ടി​ലാ​വാ​ൻ കാ​ര​ണം. പ​ഞ്ചാ​യ​ത്തി​ലെ 21 വാ​ർ​ഡു​ക​ളി​ലാ​യി പ​ല ഘ​ട്ട​ങ്ങ​ളി​ലാ​യി അ​യ്യാ​യി​ര​ത്തി​ല​ധി​കം തെ​രു​വു​വി​ള​ക്കു​ക​ൾ സ്ഥാ​പി​ച്ചി​ട്ടു​ണ്ടെ​ന്നാ​ണ് വി​വ​രം. ഇ​തി​ൽ 75 ശ​ത​മാ​ന​വും നി​ല​വി​ൽ ഉ​പ​യോ​ഗ​പ്ര​ദ​മ​ല്ല.

പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ തു​ട​ക്ക​കാ​ല​ത്താ​ണ്‌ വ്യാ​പ​ക തോ​തി​ൽ തെ​രു​വു​വി​ള​ക്കു​ക​ൾ സ്ഥാ​പി​ച്ച​ത്. ഗ്രാ​മീ​ണ റോ​ഡു​ക​ളി​ല​ട​ക്കം തെ​രു​വു​വി​ള​ക്ക് സ്ഥാ​പി​ച്ചി​രു​ന്നു. ഭ​ര​ണ​സ​മി​തി​യു​ടെ അ​വ​സാ​ന നാ​ളാ​കു​മ്പോ​ഴേ​ക്കും ഇ​വ കൂ​ട്ട​ത്തോ​ടെ ക​ണ്ണ​ട​ച്ച നി​ല​യി​ലാ​ണ്. നി​ലാ​വ് പ​ദ്ധ​തി​യി​ൽ​പെ​ടു​ത്തി ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച തെ​രു​വു​വി​ള​ക്കു​ക​ളും കോ​ടി​ക​ൾ മു​ട​ക്കി സ്ഥാ​പി​ച്ച ഹൈ​മാ​സ്റ്റ് ലൈ​റ്റു​ക​ളും ഉ​പ​യോ​ഗ​ശൂ​ന്യ​മാ​യ​തോ​ടെ നാ​ട് ഇ​രു​ട്ടി​ലാ​ണ്. അ​റ്റ​കു​റ്റ​പ്പ​ണി​ക്ക് ന​ട​പ​ടി സ്വീ​ക​രി​ച്ചി​രു​ന്നെ​ങ്കി​ലും പൂ​ർ​ത്തി​യാ​ക്കാ​ൻ ക​ഴി​ഞ്ഞി​ട്ടി​ല്ല.

ടൗ​ണു​ക​ളും റോ​ഡും ക​വ​ല​ക​ളും രാ​ത്രി​സ​മ​യം ഇ​രു​ട്ടി​ലാ​വു​ന്ന​തോ​ടെ പ​ല​സ്ഥ​ല​ത്തും സാ​മൂ​ഹി​ക വി​രു​ദ്ധ​ർ അ​ഴി​ഞ്ഞാ​ടു​ക​യാ​ണ്. തെ​രു​വു​നാ​യ് ശ​ല്യം രൂ​ക്ഷ​മാ​യ പ്ര​ദേ​ശ​ങ്ങ​ളി​ൽ തെ​രു​വു​വി​ള​ക്കു​ക​ൾ കൂ​ടി ക​ണ്ണ​ട​ച്ച​തോ​ടെ നാ​ട്ടു​കാ​രും വാ​ഹ​ന​യാ​ത്ര​ക്കാ​രും ദു​രി​ത​ത്തി​ലാ​ണ്. ഭ​ര​ണ​സ​മി​തി ഇ​ട​പെ​ട്ട് തെ​രു​വു​വി​ള​ക്കു​ക​ൾ ന​ന്നാ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യം.