ആ​ദി​വാ​സി​ക​ൾ​ക്ക് മ​ലി​ന​ജ​ലം; തോ​ട്ടം ന​ന​ക്കാ​ൻ ശു​ദ്ധ​ജ​ലം

വെ​ള്ളമു​ണ്ട: ക​ടു​ത്ത വേ​ന​ലി​ലും ബാ​ണാ​സു​ര മ​ല​നി​ര​ക​ളി​ലെ നീ​ർ​ച്ചാ​ലു​ക​ളി​ൽ നി​ന്നും ജ​ല​ചൂ​ഷ​ണം വ്യാ​പ​ക​മാ​യ​തോ​ടെ ആ​ദി​വാ​സി കു​ടും​ബ​ങ്ങ​ൾ ദു​രി​ത​ത്തി​ൽ. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ മം​ഗ​ല​ശ്ശേ​രി മ​ല​യ​ടി​വാ​ര​ത്തി​ൽ നീ​ർ​ച്ചാ​ലു​ക​ളു​ടെ താ​ഴെ താ​മ​സി​ക്കു​ന്ന ആ​ദി​വാ​സി കു​ടും​ബ​ങ്ങ​ൾ​ക്ക് അ​ല​ക്കാ​നും കു​ളി​ക്കാ​നും ല​ഭി​ക്കു​ന്ന​ത് മ​ലി​ന​ജ​ല​മാ​ണ്. വ​ൻ ആ​രോ​ഗ്യ ഭീ​ഷ​ണി ഉ​യ​ർ​ത്തു​ന്ന​താ​യി നാ​ട്ടു​കാ​ർ പ​റ​യു​ന്നു.

മ​ല​മു​ക​ളി​ൽ നീ​ർ​ച്ചാ​ലു​ക​ൾ ത​ട​ഞ്ഞു നി​ർ​ത്തി ശു​ദ്ധ​ജ​ലം സ്വ​കാ​ര്യ​വ്യ​ക്തി​ക​ൾ തോ​ട്ടം ന​ന​ക്കാ​ൻ തി​രി​ച്ചു​വി​ടു​ന്ന​താ​ണ് തി​രി​ച്ച​ടി​യാ​യ​ത്. ഇ​തോ​ടെ ഒ​ഴു​ക്ക് നി​ല​ച്ച താ​ഴ്ഭാ​ഗ​ത്ത് അ​വ​ശേ​ഷി​ക്കു​ന്ന ജ​ലം മ​ലി​ന​വു​മാ​ണ്. പു​ളി​ഞ്ഞാ​ൽ, നെ​ല്ലി​ക്ക​ച്ചാ​ൽ, മം​ഗ​ല​ശ്ശേ​രി മ​ല​നി​ര​ക​ളി​ലെ നീ​ർ​ച്ചാ​ലു​ക​ളി​ൽ നി​ന്നാ​ണ് സ്വ​കാ​ര്യ വ്യ​ക്തി​ക​ൾ വ്യാ​പ​ക​മാ​യി ജ​ലം ഊ​റ്റു​ന്ന​ത്.

മ​ല​മു​ക​ളി​ലെ നീ​ർ​ച്ചാ​ലു​ക​ളി​ൽ പൈ​പ്പു​ക​ൾ സ്ഥാ​പി​ച്ചാ​ണ് ജ​ല​ചൂ​ഷ​ണം. നീ​ർ​ച്ചാ​ലി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നും വ്യ​ത്യ​സ്ത പൈ​പ്പു​ക​ൾ സ്ഥാ​പി​ച്ച് താ​ഴെ തോ​ട്ട​ങ്ങ​ളി​ൽ സ്ഥാ​പി​ച്ച ടാ​ങ്കു​ക​ളി​ലേ​ക്ക് വെ​ള്ളം എ​ത്തി​ക്കു​ക​യാ​ണ് ചെ​യ്യു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു.

24 മ​ണി​ക്കൂ​റും ഇ​ട​മു​റി​യാ​തെ എ​ത്തു​ന്ന ജ​ലം ടാ​ങ്കു​ക​ളി​ൽ നി​ന്നും തോ​ട്ടം ന​ന​ക്കാ​നും മ​റ്റ് ആ​വ​ശ്യ​ങ്ങ​ൾ​ക്കു​മാ​യി ഉ​പ​യോ​ഗ​പ്പെ​ടു​ത്തു​ക​യാ​ണ്. വേ​ന​ൽ ക​ന​ക്കു​ന്ന​തി​ന്ന് മു​മ്പു ത​ന്നെ വ​റ്റി​യ നീ​ർ​ച്ചാ​ലു​ക​ളി​ൽ വ​ള​രെ കു​റ​ഞ്ഞ വെ​ള്ള​മാ​ണ് ഇ​പ്പോ​ഴു​ള്ളത്‌. ഈ ​വെ​ള്ളം സ്വ​കാ​ര്യ തോ​ട്ടം ഉ​ട​മ​ക​ൾ ഊ​റ്റു​ന്ന​തി​നാ​ൽ നീ​ർ​ച്ചാ​ലി​നെ ആ​ശ്ര​യി​ച്ച് ജീ​വി​ക്കു​ന്ന ആ​ദി​വാ​സി​ക​ളു​ടെ കു​ടി​വെ​ള്ളം മു​ട്ടു​ക​യാ​ണ്.

നീ​ർ​ച്ചാ​ലി​നെ ആ​ശ്ര​യി​ച്ച് പ്ര​വ​ർ​ത്തി​ക്കു​ന്ന കു​ടി​വെ​ള​ള പ​ദ്ധ​തി​ക​ളെ​യും ഇ​ത് ബാ​ധി​ക്കു​ന്നു​ണ്ട്. വെ​ള്ള​മു​ണ്ട, തൊ​ണ്ട​ർ​നാ​ട് പ​ഞ്ചാ​യ​ത്തു​ക​ളി​ലെ നൂ​റു​ക​ണ​ക്കി​ന് കു​ടും​ബ​ങ്ങ​ൾ​ക്ക് കു​ടി​വെ​ള്ളം ന​ൽ​കു​ന്ന പു​ളി​ഞ്ഞാ​ൽ കു​ടി​വെ​ള്ള പ​ദ്ധ​തി ഈ ​നീ​ർ​ച്ചാ​ലു​ക​ളെ ആ​ശ്ര​യി​ച്ചാ​ണ് പ്ര​വ​ർ​ത്തി​ക്കു​ന്ന​ത്. മ​ല​മു​ക​ളി​ലെ അ​ന​ധി​കൃ​ത ജ​ല മൂ​റ്റ​ലി​നെ​തി​രെ വ്യാ​പ​ക പ​രാ​തി​ക​ൾ എ​ല്ലാ വ​ർ​ഷ​വും ഉ​ണ്ടാ​വാ​റു​ണ്ടെ​ങ്കി​ലും ന​ട​പ​ടി​ക​ൾ ക​ട​ലാ​സി​ൽ ഒ​തു​ങ്ങാ​റാ​ണ് പ​തി​വ്.