പു​ന​ര​ധി​വാ​സം ഫ​യ​ലി​ലു​റ​ങ്ങു​ന്നു; ഉ​രു​ൾ​പൊ​ട്ട​ൽ ഭീ​തി​യി​ൽ വാ​ളാ​രം​കു​ന്ന് ആ​ദി​വാ​സി കോ​ള​നി

വെ​ള​ള​മു​ണ്ട: ര​ണ്ട് പ്ര​ള​യ​വും ഉ​രു​ൾ​പൊ​ട്ട​ൽ അ​നു​ഭ​വ​വും ക​ഴി​ഞ്ഞി​ട്ടും വാ​ളാ​രം​കു​ന്ന് ആ​ദി​വാ​സി കോ​ള​നി​ക്കാ​രു​ടെ പു​ന​ര​ധി​വാ​സം ഫ​യ​ലി​ലു​റ​ങ്ങു​ന്നു. വെ​ള്ള​മു​ണ്ട ഗ്രാ​മ പ​ഞ്ചാ​യ​ത്തി​ലെ വാ​ളാ​രം​കു​ന്ന് കോ​ള​നി​യി​ലെ നി​ര​വ​ധി ആ​ദി​വാ​സി കു​ടും​ബ​ങ്ങ​ൾ തു​ട​ർ​ച്ച​യാ​യി ഉ​രു​ൾ​പൊ​ട്ട​ലും മ​ണ്ണി​ടി​ച്ചി​ലു​മു​ണ്ടാ​യ ഭൂ​മി​യി​ൽ ഇ​പ്പോ​ഴും സു​ര​ക്ഷ​യി​ല്ലാ​തെ​യാ​ണ് ക​ഴി​യു​ന്ന​ത്.

2018 ലെ ​പ്ര​ള​യ​ത്തി​ൽ കോ​ള​നി ഭൂ​മി​യി​ൽ വ​ൻ ഉ​രു​ൾ​പൊ​ട്ട​ലു​ണ്ടാ​യ സ​മ​യ​ത്ത് പ​ക​രം ഭൂ​മി ക​ണ്ടെ​ത്തി മു​ഴു​വ​ൻ കു​ടും​ബ​ങ്ങ​ളേ​യും മാ​റ്റി പാ​ർ​പ്പി​ക്കു​മെ​ന്ന് ബ​ന്ധ​പ്പെ​ട്ട​വ​ർ ഉ​റ​പ്പു ന​ൽ​കി​യി​രു​ന്നു. എ​ന്നാ​ൽ, ആ​റ് വ​ർ​ഷ​ത്തി​നി​പ്പു​റ​വും പു​ന​ര​ധി​വാ​സം പൂ​ർ​ത്തി​യാ​കാ​ൻ അ​ധി​കൃ​ത​ർ​ക്ക് ക​ഴി​ഞ്ഞി​ട്ടി​ല്ല. മ​ല​യു​ടെ അ​ടി​വാ​ര​ത്ത് സു​ര​ക്ഷി​ത​മാ​യ സ്ഥ​ലം ക​ണ്ടെ​ത്തി വീ​ടു നി​ർ​മാ​ണം തു​ട​ങ്ങി​യി​ട്ട് ര​ണ്ടു വ​ർ​ഷ​ത്തി​ല​ധി​ക​മാ​യെ​ങ്കി​ലും പ​കു​തി കു​ടും​ബ​ങ്ങ​ളെ പോ​ലും മാ​റ്റാ​നാ​യി​ട്ടി​ല്ല. കോ​ള​നി​യി​ലെ മു​ഴു​വ​ൻ കു​ടും​ബ​ങ്ങ​ളേെയും മാ​റ്റി പാ​ർ​പ്പി​ക്കാ​ൻ തീ​രു​മാ​നി​ച്ച​തി​നാ​ൽ മ​റ്റ് സ​ർ​ക്കാ​ർ സ​ഹാ​യ​ങ്ങ​ളും മു​ട​ങ്ങി. ഇ​തോ​ടെ അ​ട​ച്ചു​റ​പ്പി​ല്ലാ​ത്ത കു​ടി​ലു​ക​ളി​ൽ സ്വ​കാ​ര്യ​ത ന​ഷ്ട​പ്പെ​ട്ട ദു​രി​ത​ജീ​വി​ത​വു​മാ​യി ആ​ദി​വാ​സി സ്ത്രീ​ക​ള​ട​ക്കം ക​ഴി​യേ​ണ്ടി വ​രി​ക​യാ​ണ്.

ഇ​ട​ക്കാ​ല​ത്ത് അ​നു​വ​ദി​ച്ച വീ​ടു​ക​ളു​ടെ നി​ർ​മാ​ണ​വും പാ​തി​വ​ഴി​യി​ൽ മു​ട​ങ്ങി​യ അ​വ​സ്ഥ​യി​ലാ​ണ്. മ​ഴ ക​ന​ക്കു​മ്പോ​ൾ കു​ടും​ബ​ങ്ങ​ളെ സ​മീ​പ​ത്തെ വി​ദ്യാ​ല​യ​ങ്ങ​ളി​ൽ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റു​ക​യാ​ണ് പ​തി​വ്. ക​ഴി​ഞ്ഞ ദി​വ​സ​വും അ​ഞ്ച് കു​ടും​ബ​ങ്ങ​ളെ വെ​ള്ള​മു​ണ്ട സ്കൂ​ളി​ലേ​ക്ക് മാ​റ്റി​യി​രു​ന്നു. കോ​ള​നി​യി​ലെ 53 കു​ടും​ബ​ങ്ങ​ളെ മാ​റ്റി​പ്പാ​ർ​പ്പിക്കു​ന്ന​തി​നു​ള്ള പ​ദ്ധ​തി​യാ​ണ് ര​ണ്ടു വ​ർ​ഷം മു​മ്പ് ത​യാ​റാ​ക്കി​യ​ത്. പ്ര​ള​യ ഫ​ണ്ടി​ൽനി​ന്ന് സ്ഥ​ല​ത്തി​നും വീ​ടി​നു​മാ​യി ഓ​രോ കു​ടും​ബ​ത്തി​നും 10 ല​ക്ഷം രൂ​പ​യും അ​നു​വ​ദി​ച്ചി​ട്ടു​ണ്ട്. പ​ണ​വും പ​ദ്ധ​തി​യു​മു​ണ്ടാ​യി​ട്ടും ന​ട​പ​ടി​ക​ൾ മാ​ത്രം ഉ​ണ്ടാ​വു​ന്നി​ല്ലെ​ന്നാ​ണ് ആ​ദി​വാ​സി​ക​ൾ പ​റ​യു​ന്ന​ത്. ആ​ദി​വാ​സി ഭ​വ​ന പ​ദ്ധ​തി​ക​ൾ ശാ​സ്ത്രീ​യ​മാ​യി ന​ട​പ്പി​ലാ​ക്കാ​ൻ താ​ൽപ​ര്യം കാ​ണി​ക്കാ​ത്ത ഉ​ദ്യോ​ഗ​സ്ഥ -ക​രാ​ർ -ജ​ന​പ്ര​തി​നി​ധി കൂ​ട്ടു​കെ​ട്ടാ​ണ് ഇ​വരു​ടെ ദു​രി​ത​ജീ​വി​ത​ത്തി​ന് കാ​ര​ണ​ക്കാ​ർ എ​ന്ന് സാ​മൂ​ഹ്യ പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടു​ന്നു.