കുട്ടികളെ തേടി പുസ്തക വണ്ടിയെത്തി
text_fieldsവൈത്തിരി: കോവിഡ് പ്രതിസന്ധിയിൽ സ്കൂളിലെത്തി പാഠപുസ്തകങ്ങൾ വാങ്ങാനുള്ള കുട്ടികളുടെ ബുദ്ധിമുട്ടിനു പരിഹാരവുമായി തരിയോട് നിർമല ഹൈസ്കൂൾ അധ്യാപകർ.
ഓരോ കുട്ടിയുടെയും വീടുകളിൽ പുസ്തകങ്ങളുമായി അവരെത്തി. ‘പുസ്തകവണ്ടി’ എന്ന് പേരിട്ട സ്കൂൾ ബസുകളിലാണ് ആയിരത്തോളം വിദ്യാർഥികളെ തേടി അധ്യാപകർ പുസ്തകങ്ങളുമായി ഇറങ്ങിയത്. രക്ഷിതാക്കളെ നേരത്തെ വിവരമറിയിച്ചായിരുന്നു യാത്ര.
ലക്കിടി മുതൽ പുതുശ്ശേരിക്കടവ് വരെയുള്ള വിദ്യാർഥികൾക്കാണ് മൂന്നു ദിവസങ്ങളിലായി എട്ട് അധ്യാപകർ വീതം പുസ്തക വിതരണം നടത്തിയത്.
സ്കൂൾ പരിസരത്തു നടന്ന ചടങ്ങിൽ പി.ടി.എ പ്രസിഡൻറ് പി.സി. പൈലി ഫ്ലാഗ് ഓഫ് ചെയ്തു. ഹെഡ്മിസ്ട്രസ് ബീനയും മറ്റു അധ്യാപകരും സന്നിഹിതരായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.