ചാരിറ്റി പാലം അപകടാവസ്ഥയിൽ; പുതുക്കിപ്പണിയണമെന്ന് നാട്ടുകാർ
text_fieldsചാരിറ്റി ഇരുമ്പു പാലം
വൈത്തിരി: നൂറുകണക്കിന് വാഹനങ്ങൾ പോകുന്ന പഴയ വൈത്തിരി ചാരിറ്റി ഇരുമ്പു പാലം അപകടാവസ്ഥയിൽ.
മൂന്നരപ്പതിറ്റാണ്ടോളം പഴക്കമുള്ള ഈ പാലത്തിലൂടെയാണ് ചാരിറ്റി, മുള്ളൻപാറ, വട്ടപ്പാറ, അംബേദ്കർ കോളനി എന്നിവിടങ്ങളിലേക്ക് താമസക്കാർ പോകുന്നത്. നിരവധി റിസോർട്ടുകളും ഹോംസ്റ്റേകളുമുള്ള സ്ഥലങ്ങളാണിവ.സഞ്ചാരികളുടെ ചെറുതും വലുതുമായ നിരവധി വാഹനങ്ങളും ഈ പാലത്തിലൂടെയാണ് പോകുന്നത്. പാലം പണി അടിയന്തരമായി നടത്തണമെന്നവശ്യപ്പെട്ട് നാട്ടുകാർ ഒപ്പിട്ട നിവേദനം പഞ്ചായത്തിന് നൽകിയിട്ടുണ്ട്. ഫണ്ട് ലഭ്യതക്കനുസരിച്ച് പാലം പണി പരിഗണിക്കുമെന്ന് വൈത്തിരി പഞ്ചായത്ത് പ്രസിഡന്റ് എം.വി. വിജേഷ് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.