വർഷം അഞ്ച്: പണി പൂർത്തിയാകാതെ വൈത്തിരി പൊലീസ് സ്റ്റേഷൻ കെട്ടിടം

വൈ​ത്തി​രി: വ​ർ​ഷം അ​ഞ്ചു ക​ഴി​ഞ്ഞി​ട്ടും പ​ണി​തീ​രാ​തെ വൈ​ത്തി​രി പൊ​ലീ​സ് സ്റ്റേ​ഷ​ൻ കെ​ട്ടി​ടം. അ​ടു​ത്ത മാ​സം ആ​ദ്യ​വാ​ര​ത്തി​ൽ പൊ​ലീ​സ് അ​സോ​സി​യേ​ഷ​ൻ സ​മ്മേ​ള​ന​ത്തി​ൽ പ​​ങ്കെ​ടു​ക്കാ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ജി​ല്ല​യി​ൽ എ​ത്തു​ന്നു​ണ്ട്. അ​പ്പോ​ഴെ​ങ്കി​ലും ഇ​ക്കാ​ര്യ​ത്തി​ൽ തീ​രു​മാ​ന​മു​ണ്ടാ​കു​മെ​ന്നാ​ണ് പൊ​ലീ​സു​കാ​ർ പ്ര​തീ​ക്ഷി​ക്കു​ന്ന​ത്.

മ​ഹാ​മാ​രി​യി​ലും പ്ര​ള​യ​ത്തി​ലും പെ​ട്ട് വൈ​ത്തി​രി​യി​ലെ പ​ഴ​യ പൊ​ലീ​സ് സ്റ്റേ​ഷ​ൻ കെ​ട്ടി​ടം ത​ക​ർ​ന്നി​ട്ട് ആ​റു വ​ർ​ഷം തി​ക​യു​മ്പോ​ഴും പ​ക​രം ആ​ശു​പ​ത്രി ജ​ങ്ഷ​നി​ൽ പ​ണി​യു​ന്ന കെ​ട്ടി​ട​ത്തി​ന്റെ പ​ണി ഇ​നി​യും പൂ​ർ​ത്തീ​ക​രി​ച്ചി​ട്ടി​ല്ല.

അ​റു​പ​തോ​ളം വ​രു​ന്ന വ​നി​ത​ക​ള​ട​ക്ക​മു​ള്ള പൊ​ലീ​സു​കാ​രാ​ണ് നി​ല​വി​ലെ സൗ​ക​ര്യ​മി​ല്ലാ​ത്ത പ​ഴ​യ കെ​ട്ടി​ട​ത്തി​ൽ നി​ന്നു​തി​രി​യാ​നി​ട​മി​ല്ലാ​തെ ക​ഷ്ട​പ്പെ​ടു​ന്ന​ത്. താ​ലൂ​ക്ക് ഓ​ഫി​സ് പ​രി​സ​ര​ത്താ​ണ് ഈ ​ഓ​ടി​ട്ട കെ​ട്ടി​ടം. 2018ലു​ണ്ടാ​യ പ്ര​ള​യ​ത്തി​ൽ അ​ന്ന​ത്തെ പൊ​ലീ​സ് സ്റ്റേ​ഷ​ൻ കെ​ട്ടി​ട​ത്തി​ന്റെ ഒ​രു ഭാ​ഗം ത​ക​ർ​ന്ന് ഒ​ലി​ച്ചു​പോ​യ​തോ​ടെ​യാ​ണ് സ്റ്റേ​ഷ​ന്റെ പ്ര​വ​ർ​ത്ത​നം മ​റ്റൊ​രു കെ​ട്ടി​ട​ത്തി​ലേ​ക്ക് മാ​റ്റി​യ​ത്.

ബ്രി​ട്ടീ​ഷു​കാ​രു​ടെ കാ​ല​ത്തു നി​ർ​മി​ച്ച നൂ​റ്റാ​ണ്ടി​ല​ധി​കം പ​ഴ​ക്ക​മു​ള്ള ര​ണ്ടു കെ​ട്ടി​ട​ങ്ങ​ളി​ലാ​യാ​ണ് അ​ന്നു​മു​ത​ൽ സ്റ്റേ​ഷ​ൻ പ്ര​വ​ർ​ത്തി​ക്കു​ന്ന​ത്. നേ​ര​ത്തെ സ്റ്റേ​ഷ​ൻ സി.​ഐ​യും എ​സ്.​ഐ​യും താ​മ​സി​ച്ചി​രു​ന്ന കെ​ട്ടി​ട​ങ്ങ​ളാ​ണി​ത്.

തൊ​ട്ട​ടു​ത്ത വ​ർ​ഷം ത​ന്നെ പു​തി​യ കെ​ട്ടി​ട​ത്തി​ന്റെ നി​ർ​മാ​ണം ആ​ശു​പ​ത്രി ജ​ങ്ഷ​നി​ൽ ആ​രം​ഭി​ക്കാ​ൻ അ​നു​മ​തി ല​ഭി​ച്ചി​രു​ന്നു. പ​ഴ​യ സ്റ്റേ​ഷ​ൻ നി​ൽ​ക്കു​ന്ന സ്ഥ​ലം സു​ര​ക്ഷി​ത​മ​ല്ലെ​ന്ന് ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യു​ടെ ക​ണ്ടെ​ത്ത​ലോ​ടെ പു​തി​യ കെ​ട്ടി​ടം നി​ർ​മി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

തു​ട​ർ​ന്ന് ഹാ​ബി​റ്റാ​റ്റ് നി​ർ​മാ​ണ ക​മ്പ​നി​ക്ക് ക​രാ​ർ ന​ൽ​കു​ക​യും മൂ​ന്നു​നി​ല കെ​ട്ടി​ട​ത്തി​ന്റെ പ​ണി 50 ശ​ത​മാ​ന​ത്തി​ല​ധി​കം പൂ​ർ​ത്തീ​ക​രി​ക്കു​ക​യും ചെ​യ്തു. പി​ന്നീ​ട് സ​ർ​ക്കാ​റി​ൽ​നി​ന്നും ഫ​ണ്ട് ല​ഭി​ക്കു​ന്നി​ല്ലെ​ന്ന കാ​ര​ണം കാ​ണി​ച്ചു ക​രാ​റു​കാ​ർ പ​ണി നി​ർ​ത്തി. നീ​ണ്ട ഇ​ട​വേ​ള​ക്കു ശേ​ഷം മു​ൻ ജി​ല്ല പൊ​ലീ​സ് മേ​ധാ​വി ആ​ർ. ആ​ന​ന്ദ് പ്ര​ശ്ന​ത്തി​ലി​ട​പെ​ടു​ക​യും എ​ത്ര​യും പെ​ട്ടെ​ന്ന് പ​ണി പൂ​ർ​ത്തീ​ക​രി​ക്കാ​ൻ ക​രാ​റു​കാ​ർ​ക്ക് ക​ർ​ശ​ന നി​ർ​ദേ​ശം ന​ൽ​കി.

എ​ന്നാ​ൽ, ചെ​റു പ​ണി​ക​ൾ തീ​ർ​ത്ത​ത​ല്ലാ​തെ മ​റ്റൊ​ന്നും ന​ട​ന്നി​ല്ല. സ​ർ​ക്കാ​റി​ൽ നി​ന്നും ഫ​ണ്ടൊ​ന്നും ക​രാ​റു​കാ​ർ​ക്ക് ല​ഭി​ച്ച​തു​മി​ല്ല. വൈ​ത്തി​രി പൊ​ലീ​സ് സ്റ്റേ​ഷ​നൊ​പ്പം നി​ർ​മാ​ണം തു​ട​ങ്ങി​യ പ​ന​മ​രം, തൊ​ണ്ട​ർ​നാ​ട് സ്റ്റേ​ഷ​നു​ക​ളു​ടെ ഉ​ദ്‌​ഘാ​ട​നം ക​ഴി​ഞ്ഞു. ഈ ​സ്റ്റേ​ഷ​നു​ക​ളു​ടെ നി​ർ​മാ​ണ​ച്ചെല​വും ക​രാ​റു​കാ​ർ​ക്ക് പൂ​ർ​ണ​മാ​യും ല​ഭി​ച്ചി​ട്ടു​മി​ല്ല.

പു​തി​യ കെ​ട്ടി​ട​ത്തി​ന്റെ പ​ണി​ക​ൾ 80 ശ​ത​മാ​ന​വും ക​ഴി​ഞ്ഞി​ട്ടു​ണ്ടെ​ങ്കി​ലും സ​ർ​ക്കാ​റി​ൽ നി​ന്നും ഫ​ണ്ട് ല​ഭി​ക്കാ​ത്ത​താ​ണ് പൂ​ർ​ത്തീ​ക​രി​ക്കാ​ൻ ക​ഴി​യാ​ത്ത​തെ​ന്ന് ഹാ​ബി​റ്റാ​റ്റ് ക​ൺ​സ്ട്ര​ക്ഷ​ൻ ക​മ്പ​നി​യു​ടെ എ​ൻ​ജി​നീ​യ​ർ പ​റ​ഞ്ഞു. അ​ര​ക്കോ​ടി​യോ​ളം രൂ​പ ക​രാ​റു​കാ​ർ​ക്ക് ല​ഭി​ക്കാ​നു​ണ്ട​ത്രെ. പൊ​ലീ​സ് ഹെ​ഡ് ക്വാ​ർ​ട്ടേ​ഴ്സി​ൽ നി​ന്നു​ള്ള ത​ട​സ്സ​മാ​ണ് ഫ​ണ്ട് പാ​സാ​ക്കാ​ൻ കാ​ല​താ​മ​സ​മു​ണ്ടാ​ക്കു​ന്ന​ത്.

നി​ല​വി​ലെ ചോ​ർ​ന്നൊ​ലി​ക്കു​ന്ന കെ​ട്ടി​ട​ത്തി​ൽ ലോ​ക്ക​പ്പോ കാ​ന്റീ​നോ വ​സ്ത്രം മാ​റു​ന്ന മു​റി​യോ, വി​ശ്ര​മ മു​റി​ക​ളോ ഒ​ന്നു​മി​ല്ല. ക​ൽ​പ​റ്റ പൊ​ലീ​സ് സ്റ്റേ​ഷ​നി​ലെ ലോ​ക്ക​പ്പാ​ണ് ഇ​പ്പോ​ൾ ഉ​പ​യോ​ഗി​ക്കു​ന്ന​ത്. ജി​ല്ല​യി​ൽ കൂ​ടു​ത​ൽ റി​സോ​ർ​ട്ടു​ക​ളും ഹോം​സ്റ്റേ​ക​ളു​മു​ള്ള​ത് വൈ​ത്തി​രി സ്റ്റേ​ഷ​ൻ പ​രി​ധി​യി​ലാ​ണ്. ഏ​റ്റ​വും കൂ​ടു​ത​ൽ ല​ഹ​രി​മ​രു​ന്ന് കേ​സു​ക​ൾ ചാ​ർ​ജ് ചെ​യ്യു​ന്ന സ്റ്റേ​ഷ​നാ​ണ് വൈ​ത്തി​രി. ജി​ല്ല​യി​ൽ മാ​വോ​വാദി ഭീ​ഷ​ണി നേ​രി​ടു​ന്ന സ്റ്റേ​ഷ​നു​ക​ളി​ൽ ഒ​ന്നാ​ണി​ത്.