സജിന് കണ്ണീരോടെ യാത്രാമൊഴി നൽകി പൂക്കോട് കാമ്പസ്

വൈ​ത്തി​രി: ചൊ​വ്വാ​ഴ്ച വാ​ഹ​നാ​പ​ക​ട​ത്തി​ൽ മ​ര​ിച്ച പൂ​ക്കോ​ട് വെ​റ്റ​റി​ന​റി കോ​ള​ജ് പി.​ജി വി​ദ്യാ​ർ​ഥി നെ​ടു​മ​ങ്ങാ​ടി സ്വ​ദേ​ശി സ​ജി​ൻ മു​ഹ​മ്മ​ദി​ന് യാ​ത്ര മൊ​ഴിന​ൽ​കി സ​ഹ​പാ​ഠി​ക​ളും അ​ധ്യാ​പ​ക​രും ജീ​വ​ന​ക്കാ​രും. ചൊ​വ്വാ​ഴ്ച യൂ​നി​വേ​ഴ്സി​റ്റി കാ​മ്പ​സി​ൽ​നി​ന്ന് ദേ​ശീ​യ​പാ​ത​യി​ലേ​ക്കു​ള്ള റോ​ഡി​ൽ എ​തി​രെ വ​ന്ന കോ​ഫി ബോ​ർ​ഡി​ന്റെ വാ​ഹ​ന​ത്തി​ൽ ത​ട്ടി​യാ​ണ് ബൈ​ക്കി​ൽ യാ​ത്ര​ചെ​യ്യു​ക​യാ​യി​രു​ന്ന സ​ജി​ന് ഗു​രു​ത​ര​മാ​യി പ​രി​ക്കേ​ൽ​ക്കു​ന്ന​ത്. തു​ട​ർ​ന്ന് വൈ​ത്തി​രി താ​ലൂ​ക്ക് ആ​ശു​പ​ത്രി​യി​ലും പി​ന്നീ​ട് മേ​പ്പാ​ടി മൂ​പ്പ​ൻ​സ് ആ​ശു​പ​ത്രി​യി​ലുമെ​ത്തി​ച്ചെ​ങ്കി​ലും മ​രിച്ചു. വൈ​ത്തി​രി എ​സ്.​ഐ എം.​കെ. സ​ലീ​മി​ന്റെ നേ​തൃ​ത്വ​ത്തി​ൽ ഇ​ൻ​ക്വ​സ്റ്റ് ന​ട​ത്തി താ​ലൂ​ക്ക് ആ​ശു​പ​ത്രി​യി​ൽ പോ​സ്റ്റ്‌​മോ​ർ​ട്ടം ന​ട​ത്തി.

വൈ​ത്തി​രി സി.​എ​ച്ച് സെ​ന്റ​റി​ൽ മ​യ്യി​ത്ത് ന​മ​സ്കാ​രം ന​ട​ത്തി​യ ശേ​ഷം ഉ​ച്ച​ക്ക് ഒ​ന്ന​ര​യോ​ടെ സ​ജി​ൻ പ​ഠി​ച്ചി​രു​ന്ന പൂ​ക്കോ​ട് വെ​റ്റ​റി​ന​റി കോ​ള​ജി​ൽ പൊ​തു​ദ​ർ​ശ​ന​ത്തി​നു​വെ​ച്ചു. സ​ഹ​പാ​ഠി​ക​ളും അ​ധ്യാ​പ​ക​രും ജീ​വ​ന​ക്കാ​രും ഫാം ​തൊ​ഴി​ലാ​ളി​ക​ളും നാ​ട്ടു​കാ​രു​മ​ട​ക്കം നൂ​റു​ക​ണ​ക്കി​നാ​ളു​ക​ൾ അ​ന്ത്യോ​പ​ചാ​രം അ​ർ​പ്പി​ച്ചു. ഉ​ച്ച​ക്ക് ര​ണ്ട​ര മ​ണി​യോ​ടെ മൃ​ത​ദേ​ഹം സ്വ​ദേ​ശ​മാ​യ നെ​ടു​മ​ങ്ങാ​ട്ടേ​ക്കു കൊ​ണ്ടു​പോ​യി.

മ​ക​ന്റെ മ​ര​ണവാ​ർ​ത്ത​യ​റി​ഞ്ഞ സ​ജി​ന്റെ മാ​താ​വ് ബു​ധ​നാ​ഴ്ച കി​ണ​റ്റി​ൽ ചാ​ടി മ​രി​ച്ചി​രു​ന്നു. പി​താ​വ് സു​ലൈ​മാ​നും കു​ടും​ബ​ാംങ്ങ​ളും മ​ര​ണവാ​ർ​ത്ത​യ​റി​ഞ്ഞ് നെ​ടു​മ​ങ്ങാ​ടുനി​ന്ന് പൂ​ക്കോ​ട് കോ​ള​ജി​ൽ എ​ത്തി​യി​രു​ന്നു. ര​ണ്ടു മ​ര​ണ​ങ്ങ​ളു​ടെ ആ​ഘാ​ത​ത്തി​ലാ​ണ് പി​താ​വ് സു​ലൈ​മാ​ൻ. ചു​രു​ങ്ങി​യ കാ​ല​യ​ള​വി​നു​ള്ളി​ൽ വി​ദ്യാ​ർ​ഥി​ക​ൾ​ക്കി​ട​യി​ലും അ​ധ്യാ​പ​ക​ർ​ക്കി​ട​യി​ലും തൊ​ട്ട​ടു​ത്ത ത​ളി​പ്പു​ഴ അ​ങ്ങാ​ടി​യി​ലും സ​ജി​ൻ നി​ര​വ​ധി സൗ​ഹൃ​ദ​ങ്ങ​ൾ ഉ​ണ്ടാ​ക്കി​യെ​ടു​ത്തി​രു​ന്നു.