ചുരത്തിൽ ബൈക്ക് ബസിനടിയിൽപെട്ടു; യുവാവ് രക്ഷപ്പെട്ടത് തലനാരിഴക്ക്

വൈത്തിരി: വയനാട് ചുരത്തിൽ മോട്ടോർ ബൈക്ക് കെ.എസ്.ആർ.ടി.സി ബസിനടിയിൽപെട്ടുണ്ടായ അപകടത്തിൽ ബൈക്കോടിച്ചിരുന്ന പതിനെട്ടുകാരനായ യുവാവ് അദ്‌ഭുതകരമായി രക്ഷപ്പെട്ടു. കോഴിക്കോട് സ്വദേശി മൃണാൾ വിനീത് (18 ) ആണ് അപകടത്തിൽ നിസാര പരിക്കുകളോടെ രക്ഷപ്പെട്ടത്.

രാവിലെ പതിനൊന്നു മണിക്കാണ് ഒൻപതും ഏട്ടുംവളവുകൾക്കിടയിൽ ബൈക്ക് ബസിനടിയിലേക്കു പോയത്. ബൈക്കിന്റെ ടാങ്കിലിടിച്ചു ബസ്സ് നിന്നുപോയതുമൂലമാണ് വിനീത് രക്ഷപ്പെട്ടത്. അപകടത്തെ തുടർന്ന് ചുരത്തിൽ കുറച്ചു നേരം ഗതാഗത തടസം അനുഭവപ്പെട്ടു.