മീ​നി​ന് വി​ല ഇ​ടി​ഞ്ഞി​ട്ടും ‘പൊ​രി​ച്ച'​തി​നു പൊ​ള്ളു​ന്ന വി​ല

വൈ​ത്തി​രി: മാ​സ​ങ്ങ​ൾ​ക്കു മു​മ്പ് മ​ത്തി​യു​ടെ​യും അ​യല​യു​ടെ​യും വി​ല അ​ത്ഭു​ത​പ്പെ​ടു​ത്തു​ന്ന​താ​യി​രു​ന്നു. നാ​നൂ​റും നാ​നൂ​റ്റി അ​മ്പ​തും വ​രെ റെ​ക്കോ​ഡ് വി​ല​യി​ലാ​യി​രു​ന്നു മീ​നി​ന്റെ വി​ല. ട്രോ​ളി​ങ് നി​രോ​ധ​നം മൂ​ലം മ​ത്സ്യം ല​ഭ്യ​ത കു​റ​ഞ്ഞ​തോ​ടെ​യാ​ണ് മീ​ൻ വി​ല കു​ത്ത​നെ ഉ​യ​ർ​ന്ന​ത്. എ​ന്നാ​ൽ, മീ​ൻ​വി​ല ഇ​ത്ര​യും കൂ​ടു​ന്ന​ത് ആ​ദ്യ​മാ​യി​ട്ടാ​യി​രു​ന്നു.

മീ​നി​ന്റെ വി​ല കൂ​ടി​യ​തോ​ടെ ഹോ​ട്ട​ലു​ക​ളി​ൽ മ​ത്സ്യ വി​ഭ​വ​ങ്ങ​ളു​ടെ വി​ല​യും കു​ത്ത​നെ കൂ​ട്ടി. 30 രൂ​പ​ക്ക് കി​ട്ടി​യി​രു​ന്ന അ​യല പൊ​രി​ച്ച​ത് ഒ​റ്റ​യ​ടി​ക്ക് 60ഉം 70​ഉം രൂ​പ​യാ​യി. 10 രൂ​പ​യു​ടെ മ​ത്തി പൊ​രി​ച്ച​തി​ന് 30 രൂ​പ​യാ​യി ഉ​യ​ർ​ന്നു. വ​ലി​യ മീ​നു​ക​ൾ​ക്ക് നൂ​റും ഇ​രു​ന്നൂ​റു​മാ​യി. അ​തേ​സ​മ​യം, ഇ​പ്പോ​ൾ മീ​നി​ന്റെ വ​ര​വ് വ​ർ​ധി​ക്കു​ക​യും വി​ല കു​ത്ത​നെ താ​ഴ്ന്ന നി​ല​യി​ലെ​ത്തി​യി​ട്ടും ഹോ​ട്ട​ലു​ക​ളി​ൽ മീ​ൻ വി​ഭ​വ​ങ്ങ​ളു​ടെ വി​ല ഇ​പ്പോ​ഴും കൂ​ടിത്തന്നെ.

പ​ല ഹോ​ട്ട​ലു​ക​ളും കൂ​ട്ടി​യ വി​ല ഇ​പ്പോ​ഴും കു​റ​ച്ചി​ട്ടി​ല്ല. ഇ​പ്പോ​ൾ മാ​ർ​ക്ക​റ്റി​ൽ അ​യി​ല 100 - 120 രൂ​പ​യും മ​ത്തി 60 - 100 രൂ​പ​യു​മാ​ണ് വി​ല. നെ​യ്മീ​ൻ, ആ​വോ​ലി, ചെ​മ്മീ​ൻ എ​ന്നി​വ​യു​ടെ വി​ല​യും പ​കു​തി​യി​ല​ധി​കം കു​റ​ഞ്ഞു​വെ​ങ്കി​ലും ഹോ​ട്ട​ലു​കാ​ർ പ​ല​രും വി​ല കു​റ​ച്ചി​ട്ടി​ല്ല. പ​ല ഹോ​ട്ട​ലു​ക​ളും ഇ​പ്പോ​ഴും കൊ​ള്ള തു​ട​രു​ക​യാ​ണെ​ന്നാ​ണ് പ​രാ​തി.