ആര് കേൾക്കാൻ? ആരോട് പറയാൻ?

വൈ​ത്തി​രി: വ​യ​നാ​ട് ചു​ര​ത്തി​ലെ ഗ​താ​ഗ​ത​ക്കുരു​ക്കി​ൽ ജ​ന​ങ്ങ​ൾ എ​ത്ര ദു​രി​ത​മ​നു​ഭ​വി​ച്ചാ​ലും അ​ധി​കൃ​ത​ർ​ക്ക് അ​ന​ക്ക​മി​ല്ല. എ​ത്ര ത​വ​ണ പ​റ​ഞ്ഞി​ട്ടും ചു​ര​ത്തി​ലെ ഗ​താ​ഗ​ത​കു​രു​ക്കി​ന് അ​റു​തി​വ​രു​ത്താ​നോ താ​ൽ​ക്കാ​ലി​ക പ​രി​ഹാ​രം കാ​ണാ​നോ വ​യ​നാ​ട്-​കോ​ഴി​ക്കോ​ട് ജി​ല്ല ഭ​ര​ണ​കൂ​ട​ങ്ങ​ൾ​ക്ക് ക​ഴി​യാ​ത്ത​തി​ൽ പ്ര​തി​ഷേ​ധം ശ​ക്ത​മാ​കു​ക​യാ​ണ്.

വാ​രാ​ന്ത്യ​ങ്ങ​ളി​ൽ ഉ​ൾ​പ്പെ​ടെ വ​യ​നാ​ട് ചു​ര​ത്തി​ലെ കു​രു​ക്ക് നി​ത്യ​സം​ഭ​വ​മാ​യി​ട്ടും ഇ​ക്കാ​ര്യ​ത്തി​ൽ അ​ടി​യ​ന്ത​ര ഇ​ട​പെ​ട​ലു​ണ്ടാ​കു​ന്നി​ല്ല. ഓ​രോ ത​വ​ണ​യും കു​രു​ക്കു​ണ്ടാ​കു​മ്പോ​ൾ പ​രി​ഹാ​ര​ത്തി​നാ​യി പ്ര​ഖ്യാ​പ​നം ന​ട​ത്തു​ന്ന​ത​ല്ലാ​തെ ഒ​ന്നും ന​ട​പ്പാ​വു​ന്നി​ല്ലെ​ന്ന് മാ​ത്ര​മ​ല്ല ഓ​രോ ദി​വ​സം കൂ​ടും​തോ​റും കു​രു​ക്ക് മു​റു​കു​ക​യാ​ണ്.

ഞാ​യ​റാ​ഴ്ച പു​ല​ർ​ച്ചെ വ​യ​നാ​ട് ചു​രം എ​ട്ടാം വ​ള​വി​ന് സ​മീ​പം ച​ര​ക്കു​ലോ​റി കേ​ടാ​യി നി​ന്നു​പോ​യ​തി​നെ​തു​ട​ർ​ന്നു​ണ്ടാ​യ ഗ​താ​ഗ​ത കു​രു​ക്ക് ഞാ​യ​റാ​ഴ്ച പ​ക​ൽ മു​ഴു​വ​ൻ നീ​ണ്ടു. യാ​ത്ര​ക്കാ​ർ മ​ണി​ക്കൂ​റു​ക​ളോ​ളമാ​ണ് ചു​ര​ത്തി​ൽ കു​ടു​ങ്ങി​യ​ത്.

വാരാ​ന്ത്യമാ​യ​തി​നാ​ൽ ചു​രം ക​യ​റു​ന്ന​തും ഇ​റ​ങ്ങു​ന്ന​തു​മാ​യ നൂ​റു​ക​ണ​ക്കി​ന് വാ​ഹ​ന​ങ്ങ​ൾ ചു​ര​ത്തി​ൽ കു​രു​ങ്ങി. അ​ടി​വാ​രം പൊ​ലീ​സ്, ഹൈ​വേ പൊ​ലീ​സ്, ചു​രം സം​ര​ക്ഷ​ണ സ​മി​തി പ്ര​വ​ർ​ത്ത​ക​ർ എ​ന്നി​വ​ർ സ്ഥ​ല​ത്തെ​ത്തി ഗ​താ​ഗ​തം നി​യ​ന്ത്രി​ച്ചു. ലോ​റി ഏ​റെ ക​ഴി​ഞ്ഞാ​ണ് നീ​ക്ക​നാ​യ​തെ​ങ്കി​ലും രാ​വി​ലെ പ​തി​നൊ​ന്നോ​ടെ വ​ൺ​വേ അ​ടി​സ്ഥാ​ന​ത്തി​ൽ ഗ​താ​ഗ​തം ക്ര​മ​പ്പെ​ടു​തു​ക​യാ​യി​രു​ന്നു. ഇ​തി​നു​ശേ​ഷ​വും കു​രു​ക്ക് രൂ​ക്ഷ​മാ​യി തു​ട​ർ​ന്നു.

ക​ഴി​ഞ്ഞ ഒ​രാ​ഴ്ച​യി​ൽ എ​ല്ലാ ദി​വ​സ​വും വാ​ഹ​നാ​പ​ക​ടം മൂ​ലം ചു​ര​ത്തി​ൽ നി​ര​വ​ധി ത​വ​ണ ഗ​താ​ഗ​തം ഭാ​ഗി​ക​മാ​യി ത​ട​സ്സപ്പെ​ട്ടി​രു​ന്നു. വ​യ​നാ​ട് ചു​ര​ത്തി​ലെ അ​തി​രൂക്ഷ​മാ​യ ഗ​താ​ഗ​ത​ക്കുരു​ക്കി​ന് താ​ൽ​ക്കാ​ലി​ക പ​രി​ഹാ​ര​മാ​യി കേ​ടാ​കു​ന്ന വാ​ഹ​ന​ങ്ങ​ൾ നീ​ക്കം ചെ​യ്യാ​ൻ സ്ഥി​ര​മാ​യി ക്രെ​യി​ൻ ല​ഭ്യ​മാ​ക്കാ​ൻ ക​ഴി​ഞ്ഞ​മാ​സം കോ​ഴി​ക്കോ​ട്-​വ​യ​നാ​ട് ക​ല​ക്ട​ർ​മാ​ർ ത​മ്മി​ൽ ന​ട​ത്തി​യ ച​ർ​ച്ച​യി​ൽ തീ​രു​മാ​ന​മാ​യി​രു​ന്നു.

എ​ന്നാ​ൽ, ഇ​തു​വ​രെ​യും ഇ​ത്ത​ര​മൊ​രു സം​വി​ധാ​നം ചു​ര​ത്തി​ൽ ഏ​ർ​പ്പെ​ടു​ത്തി​യി​ട്ടി​ല്ല. ചു​ര​ത്തി​ൽ ല​ക്കി​ടി​യി​ലും അ​ടി​വാ​ര​ത്തു​മാ​യി ക്രെ​യി​ൻ സം​വി​ധാ​നം ഏ​ർ​പ്പെ​ടു​ത്തു​മെ​ന്നാ​യി​രു​ന്നു പ​റ​ഞ്ഞി​രു​ന്ന​ത്. ക്രെ​യി​ൻ സം​വി​ധാ​നം ഉ​ണ്ടാ​യി​രു​ന്നെ​ങ്കി​ൽ കേ​ടാ​വു​ന്ന വാ​ഹ​ന​ങ്ങ​ൾ റോ​ഡി​ന്‍റെ ഇ​ടു​ങ്ങി​യ ഭാ​ഗ​ത്തു​നി​ന്നും നീ​ക്കാ​ൻ ക​ഴി​യും. ഇ​ത് കു​രു​ക്ക് കു​റ​ക്കു​ന്ന​തി​നും സ​ഹാ​യ​ക​മാ​കും. എ​ന്നാ​ൽ, ഇ​തു​വ​രെ ഇ​ത്ത​ര​മൊ​രു സം​വി​ധാ​നം ന​ട​പ്പാ​ക്കാ​നാ​യി​ട്ടി​ല്ല.

അ​തു​പോ​ലെ ഭാ​ര​മേ​റി​യ വാ​ഹ​ന​ങ്ങ​ളു​ടെ പ​രി​ശോ​ധ​ന​യും കാ​ര്യ​ക്ഷ​മ​മാ​ക്കാ​നാ​യി​ട്ടി​ല്ല. തൂ​ക്കം അ​റി​യാ​നു​ള്ള സം​വി​ധാ​ന​ങ്ങ​ൾ ബോ​യ്സ് ടൗ​ണി​ലും ല​ക്കി​ടി​യി​ലും സ്ഥാ​പി​ക്കാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കാ​ൻ ജി​ല്ല ഭ​ര​ണ​കൂ​ടം സ​ർ​ക്കാ​റി​ന് റി​പ്പോ​ർ​ട്ട് ന​ൽ​കി​യി​ട്ടു​ണ്ട്. ഇ​തി​ലും അ​ടി​യ​ന്ത​ര​മാ​യി തു​ട​ർ ന​ട​പ​ടി ഉ​ണ്ടാ​കേ​ണ്ട​തു​ണ്ട്.

വ​യ​നാ​ട് ഭാ​ഗ​ത്തു നി​ന്നും വ​രു​ന്ന മ​ൾ​ട്ടി ആ​ക്സി​ൽ വാ​ഹ​ന​ങ്ങ​ൾ വി​ശേ​ഷ ദി​വ​സ​ങ്ങ​ളി​ലും, ശ​നി, ഞാ​യ​ർ ദി​വ​സ​ങ്ങ​ളി​ലും ഉ​ച്ച​ക്ക് ശേ​ഷം മൂ​ന്ന് മു​ത​ൽ ഒ​മ്പ​തു വ​രെ​യും തി​ങ്ക​ളാ​ഴ്ച ദി​വ​സ​ങ്ങ​ളി​ൽ രാ​വി​ലെ ഏ​ഴു മു​ത​ൽ ഒ​മ്പ​തു​വ​രേ​യും നി​യ​ന്ത്ര​ണം ഏ​ർ​പ്പെ​ടു​ത്തു​ക, വ​യ​നാ​ട് ജി​ല്ല​യി​ലേ​ക്ക് മെ​റ്റ​ൽ, മ​ണ​ൽ മു​ത​ലാ​യ നി​ർ​മാ​ണ സാ​മ​ഗ്രി​ക​ളു​മാ​യി താ​മ​ര​ശ്ശേ​രി, മു​ക്കം പ്ര​ദേ​ശ​ങ്ങ​ളി​ൽ നി​ന്ന് വ​രു​ന്ന വാ​ഹ​ന​ങ്ങ​ളു​ടെ ചു​ര​ത്തി​ലേ​ക്കു​ള്ള പ്ര​വേ​ശ​നം താ​മ​ര​ശ്ശേ​രി പൊ​ലീ​സി​ന്റെ സ​ഹാ​യ​ത്തോ​ടെ നി​യ​ന്ത്രി​ക്കു​ക, ആ​ർ.​ആ​ർ.​ടി ടീം ​രൂ​പ​വ​ത്ക​രി​ക്കു​ക തു​ട​ങ്ങി​യ നി​ർ​ദേ​ശ​ങ്ങ​ളും ഇ​തു​വ​രെ ന​ട​പ്പാ​ക്കാ​നാ​യി​ട്ടി​ല്ല.