വോട്ടിന് നെട്ടോട്ടമോടി സ്ഥാനാർഥികൾ പ​ര​സ്യ​പ്ര​ചാ​ര​ണ​ത്തി​ന് ഇ​ന്ന് കൊ​ടി​യി​റ​ക്കം

ക​ൽ​പ​റ്റ: നി​യ​മ​സ​ഭ തെ​ര​ഞ്ഞെ​ടു​പ്പിെൻറ പ​ര​സ്യ​പ്ര​ചാ​ര​ണം ഞാ​യ​റാ​ഴ്ച അ​വ​സാ​നി​ക്കാ​നി​രി​ക്കെ, നെ​ട്ടോ​ട്ട​മോ​ടി സ്ഥാ​നാ​ർ​ഥി​ക​ൾ. ആ​വ​നാ​ഴി​യി​ലു​ള്ള അ​വ​സാ​ന ആ‍യു​ധ​വും പു​റ​ത്തെ​ടു​ത്ത് വോ​ട്ട്​ ഉ​റ​പ്പി​ക്കാ​നു​ള്ള ത​ത്ര​പ്പാ​ടി​ലാ​ണ്.

ആ​ടി​നി​ൽ​ക്കു​ന്ന​തും നി​ഷ്പ​ക്ഷ​വു​മാ​യ വോ​ട്ടു​ക​ൾ ത​ങ്ങ​ൾ​ക്ക് അ​നു​കൂ​ല​മാ​ക്കാ​നു​ള്ള ത​ന്ത്ര​മാ​ണ് മു​ന്ന​ണി​ക​ൾ പ​യ​റ്റു​ന്ന​ത്.

പ​ര​സ്യ​പ്ര​ചാ​ര​ണം ഞാ​യ​റാ​ഴ്ച വൈ​കീ​ട്ട് അ​വ​സാ​നി​ക്കും. കൊ​ട്ടി​ക്ക​ലാ​ശ​ത്തി​ന് നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ടെ​ങ്കി​ലും അ​വ​സാ​ന ദി​നം ആ​വേ​ശ​ത്തി​ന് ഒ​ട്ടും കു​റ​വു​ണ്ടാ​കി​ല്ല.

ജി​ല്ല​യി​ലെ മൂ​ന്നു മ​ണ്ഡ​ല​ങ്ങ​ളി​ലും വോ​ട്ട​ർ​മാ​ർ മ​ന​സ്സ് തു​റ​ന്നി​ട്ടി​ല്ല. പൊ​ടി​പാ​റു​ന്ന പോ​രാ​ട്ട​മാ​ണ് ന​ട​ക്കു​ന്ന​ത്. എ​ൽ.​ഡി.​എ​ഫ്, യു.​ഡി.​എ​ഫ് സ്ഥാ​നാ​ർ​ഥി​ക​ളെ​ല്ലാം ഒ​രു​പോ​ലെ വി​ജ​യ​പ്ര​തീ‍ക്ഷ​യി​ലാ​ണ്. വി​ധി നി​ർ​ണ​യി​ക്കാ​ൻ ര​ണ്ടു​ദി​വ​സം മാ​ത്രം ബാ​ക്കി​നി​ൽ​ക്കെ, അ​വ​സാ​ന നി​മി​ഷ അ​ട്ടി​മ​റി​ക​ളും മു​ന്ന​ണി​ക​ളെ ആ​ശ​ങ്ക​പ്പെ​ടു​ത്തു​ന്നു​ണ്ട്.

പ്ര​ചാ​ര​ണ​ത്തിെൻറ ആ​ദ്യ നാ​ളു​ക​ളി​ൽ എ​ൽ.​ഡി.​എ​ഫ് മേ​ൽ​ക്കൈ നേ​ടി​യെ​ങ്കി​ലും ചി​ട്ട​യാ​യ പ്ര​ചാ​ര​ണ​ത്തി​ലൂ​ടെ യു.​ഡി.​എ​ഫി​ന് ഒ​പ്പ​മെ​ത്താ​നാ​യി.എ​ൻ.​ഡി.​എ സ്ഥാ​നാ​ർ​ഥി​ക​ളും ക​ളം നി​റ​ഞ്ഞ​തോ​ടെ അ​വ​ർ പി​ടി​ക്കു​ന്ന വോ​ട്ടു​ക​ളും നി​ർ​ണാ​യ​ക​മാ​കും.

സ​മൂ​ഹ​മാ​ധ്യ​മ​ങ്ങ​ളി​ലും വീ​റു​റ്റ പോ​രാ​ട്ട​മാ​ണ് ന​ട​ക്കു​ന്ന​ത്. സ്ഥാ​നാ​ർ​ഥി​ക​ളു​ടെ മേ​ന്മ​ക​ളും സ​ർ​ക്കാ​റിെൻറ വി​ക​സ​ന​വും പി​ടി​പ്പു​കേ​ടു​മെ​ല്ലാം സൈ​ബ​ർ പോ​രാ​ളി​ക​ൾ വാ​രി​വി​ത​റു​ക​യാ​ണ്.പ്ര​വ​ർ​ത്ത​ക​രെ ആ​വേ​ശ​ത്തി​ലാ​ക്കാ​ൻ ഞാ​യ​റാ​ഴ്ച വീ​ണ്ടും രാ​ഹു​ൽ ഗാ​ന്ധി എം.​പി എ​ത്തു​ന്ന​ത് യു.​ഡി.​എ​ഫ് ക്യാ​മ്പി​ന് പ്ര​തീ​ക്ഷ ന​ൽ​കു​ന്നു.

ക​ർ​ണാ​ട​ക പി.​സി.​സി അ​ധ്യ​ക്ഷ​നും കോ​ൺ​ഗ്ര​സിെൻറ ട്ര​ബ്ൾ ഷൂ​ട്ട​റു​മാ​യ ഡി.​കെ. ശി​വ​കു​മാ​റി​നെ ശ​നി​യാ​ഴ്ച പ്ര​ചാ​ര​ണ​ത്തി​ന് എ​ത്തി​ക്കാ​നാ​യ​തും ഉ​ണ​ർ​വാ​യി​ട്ടു​ണ്ട്. പോ​ളി​റ്റ് ബ്യൂ​റോ അം​ഗം വൃ​ന്ദ കാ​രാ​ട്ട് ഞാ​യ​റാ​ഴ്ച​യും പ്ര​ചാ​ര​ണ​ത്തി​ൽ സ​ജീ​വ​മാ​കും. സ​ർ​ക്കാ​റിെൻറ ജ​ന​ക്ഷേ​മ, വി​ക​സ​ന പ്ര​വ​ർ​ത്ത​ന​ങ്ങ​ളി​ലാ​ണ് എ​ൽ.​ഡി.​എ​ഫ് പ്ര​തീ​ക്ഷ. അ​തേ​സ​മ​യം, കേ​ന്ദ്ര അ​ഭ്യ​ന്ത​ര​മ​ന്ത്രി അ​മി​ത് ഷാ​യു​ടെ വ​ര​വോ​ടെ എ​ൻ.​ഡി.​എ ക്യാ​മ്പും ആ​വേ​ശ​ത്തി​ലാ​ണ്. അ​മി​ത് ഷാ​യു​ടെ സ​ന്ദ​ർ​ശ​നം വോ​ട്ടു​ക​ളാ​കു​മെ​ന്ന ക​ണ​ക്കൂ​കൂ​ട്ട​ലി​ലാ​ണ് എ​ൻ.​ഡി.​എ.