ദു​ര​ന്ത​ത്തെ​രു​വി​ലെ സ്നേ​ഹ​ത്തി​ന്റെ ക​ട

ചൂ​ര​ൽ​മ​ല: ചൂ​ര​ൽ​മ​ല​ക്ക​ടു​ത്ത നീ​ലി കാ​പ്പി​ലെ ‘ച​ങ്ക​ര​ത്ത് സൂ​പ്പ​ർ മാ​ർ​ക്ക​റ്റ്’ വെ​റു​മൊ​രു ക​ട​യ​ല്ല, ദു​ര​ന്ത​ത്തെ​രു​വി​ലെ സ്നേ​ഹ​ത്തി​ന്റെ ക​ട​യാ​ണ​ത്. ആ​ഗ​സ്റ്റ് മൂ​ന്നു​മു​ത​ൽ എ​ട്ടു​വ​രെ പ്ര​ദേ​ശ​ത്ത് സ്ഥി​ര താ​മ​സ​ക്കാ​രാ​യി​ട്ടു​ള്ള എ​ല്ലാ കു​ടും​ബ​ങ്ങ​ൾ​ക്കും ക​ട​യി​ൽ​നി​ന്ന് ഭ​ക്ഷ​ണ സാ​ധ​ന​ങ്ങ​ൾ സൗ​ജ​ന്യ​മാ​യാ​ണ് ന​ൽ​കി​യ​ത്. ദു​രി​ത പേ​മാ​രി പെ​യ്ത ചൂ​ര​ൽ​മ​ല​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ജീ​വി​ക്കു​ന്ന സാ​ധാ​ര​ണ​ക്കാ​രെ ത​ങ്ങ​ൾ​ക്കാ​കും വി​ധം ചേ​ർ​ത്തു​പി​ടി​ച്ച​തി​ന്റെ സ​ന്തോ​ഷ​ത്തി​ലാ​ണ് സൂ​പ്പ​ർ​മാ​ർ​ക്ക​റ്റി​ന്റെ ഉ​ട​മ​ക​ളും സ​ഹോ​ദ​ര​ങ്ങ​ളു​മാ​യ ഉ​സ്മാ​നും സി​ദ്ദീ​ഖും. ദു​ര​ന്തം സം​ഭ​വി​ച്ച ശേ​ഷം ഒ​ട്ടു​മി​ക്ക​യാ​ളു​ക​ളും ക്യാ​മ്പി​ലാ​ണ്. എ​ന്നാ​ൽ, പ്രാ​യ​മാ​യ​വ​രും വ​ള​ർ​ത്തു​മൃ​ഗ​ങ്ങ​ളും വീ​ട്ടി​ലു​ള്ള ഒ​രു​പാ​ട് പേ​ർ ഇ​പ്പോ​ഴും ചൂ​ര​ൽ​മ​ല​യി​ലെ വീ​ടു​ക​ളി​ലു​ണ്ട്.

സ്വ​രു​ക്കൂ​ട്ടി വ​ച്ച സ​മ്പാ​ദ്യ​ങ്ങ​ളും ഉ​പ​ജീ​വ​ന​മാ​ർ​ഗ​ങ്ങ​ളും ഒ​റ്റ​രാ​ത്രി​യി​ലെ ഉ​രു​ൾ​പൊ​ട്ട​ലി​ൽ ഒ​ലി​ച്ചു പോ​യ​പ്പോ​ൾ നി​സ്സ​ഹാ​യ​ത​യോ​ടെ നി​ൽ​ക്കേ​ണ്ടി വ​ന്ന​വ​ർ. ഇ​വ​രെ ചേ​ർ​ത്തു​പി​ടി​ച്ച് പു​തി​യ ജീ​വി​തം സ്വ​പ്നം കാ​ണാ​ൻ പ​ഠി​പ്പി​ക്കു​ക​യാ​ണ് ഈ ​സൂ​പ്പ​ർ​മാ​ർ​ക്ക​റ്റ്. ചൂ​ര​ൽമ​ല​യി​ലെ ത​ന്റെ വീ​ട്ടി​ലേ​ക്ക് ഒ​രു കി​ലോ പ​ഞ്ച​സാ​ര കൊ​ടു​ക്കാ​മോ എ​ന്ന് ഒ​രാ​ൾ ഉ​സ്മാ​നോ​ട് ചോ​ദി​ച്ച​പ്പോ​ഴാ​ണ് വീ​ടു​ക​ളി​ൽ ക​ഴി​യു​ന്ന അ​നേ​കം പേ​രു​ടെ ദു​രി​ത​ത്തി​ന്റെ തീ​വ്ര​ത അ​റി​യു​ന്ന​ത്. തു​ർ​ന്നാ​ണ് സ​ഹോ​ദ​ര​നാ​യ സി​ദ്ദീ​ഖി​നോ​ട് സം​സാ​രി​ച്ച് ഒ​രു വീ​ട്ടി​ലേ​ക്ക് ആ​വ​ശ്യ​മാ​യ ഭ​ക്ഷ​ണ​സാ​ധ​ന​ങ്ങ​ൾ വി​ല ഈ​ടാ​ക്കാ​തെ ന​ൽ​കാ​മെ​ന്ന് തീ​രു​മാ​നി​ച്ച​ത്. ഇ​തി​ന​കം നൂ​റി​ല​ധി​കം പേ​രാ​ണ് ഇ​വി​ടെ​നി​ന്ന് സാ​ധ​ന​ങ്ങ​ൾ വാ​ങ്ങി​യി​ട്ടു​ണ്ട്.