ദുരന്തപാതയിൽ രക്ഷാ​ദൗത്യത്തിന് വളയംപിടിച്ച് ഷാമിൽ

ചൂ​ര​ൽ​മ​ല (വ​യ​നാ​ട്): ചെ​ങ്കു​ത്താ​യ മ​ല​ഞ്ചെ​രി​വി​ലേ​ക്ക് ര​ക്ഷാ​പ്ര​വ​ർ​ത്ത​ക​രെ​യും വി​വി​ധ സേ​നാം​ഗ​ങ്ങ​ളെ​യും​കൊ​ണ്ട് ഒ​രു ജീ​പ്പ് ചീ​റി​പ്പാ​യു​ന്നു. വ​ള​യം പി​ടി​ക്കു​ന്ന ചെ​റു​പ്പ​ക്കാ​ര​ന്റെ മ​ന​സ്സു നി​റ​യെ മ​ഹാ​ദു​ര​ന്ത​ത്തി​ന്റെ സ​ങ്ക​ട​ങ്ങ​ൾ നി​റ​ഞ്ഞൊ​ഴു​കു​ക​യാ​ണെ​ന്ന് ആ ​ജീ​പ്പി​ൽ ക​യ​റി​യ എ​ത്ര​പേ​ർ​ക്ക​റി​യാം​?

ചൂ​ര​ൽ​മ​ല സ്വ​ദേ​ശി​യും 21കാ​ര​നു​മാ​യ മു​ഹ​മ്മ​ദ് ഷാ​മി​ലാ​ണ് ദു​ര​ന്ത​ത്തി​ൽ വി​റ​ങ്ങ​ലി​ച്ചു​നി​ൽ​ക്കു​ന്ന സ്വ​ന്തം ജ​ന​ത​ക്കു മു​ന്നി​ൽ അ​തി​ജീ​വ​ന​ത്തി​ന്റെ അ​ട​യാ​ള​മാ​യി ദു​ർ​ഘ​ട പാ​ത​ക​ളി​ലൂ​ടെ സേ​വ​ന​വ​ഴി താ​ണ്ടു​ന്ന​ത്. അ​പ്ര​തീ​ക്ഷി​ത മ​ഹാ​ദു​ര​ന്ത​ത്തി​ൽ ഷാ​മി​ലി​ന്റെ കു​ടും​ബ​ത്തി​ൽ​നി​ന്ന് നാ​ലു​പേ​രാ​ണ് മ​രി​ച്ച​ത്. ഇ​തി​ൽ ര​ണ്ടു​പേ​രെ ഇ​നി​യും ക​ണ്ടെ​ത്താ​നാ​യി​ട്ടി​ല്ല. ഇ​വ​ർ​ക്കാ​യി തി​ര​ച്ചി​ൽ ന​ട​ത്തു​മ്പോ​ൾ​ത​ന്നെ​യാ​ണ് ദു​ര​ന്ത​മേ​ഖ​ല​യി​ലെ ഈ ​സേ​വ​നം.

ചൂ​ര​ൽ​മ​ല​യി​ലെ പി​താ​വി​ന്റെ ക​ട​യോ​ടു ചേ​ർ​ന്ന കെ​ട്ടി​ട​ത്തി​ലാ​യി​രു​ന്നു ഷാ​മി​ലും കു​ടും​ബ​വും താ​മ​സി​ച്ചി​രു​ന്ന​ത്. ദു​ര​ന്ത​ദി​വ​സം അ​ർ​ധ​രാ​ത്രി അ​യ​ൽ​വാ​സി ഓ​ടി​വ​ന്ന് ര​ക്ഷ​പ്പെ​ട്ടോ മ​ല പൊ​ട്ടി​യെ​ന്ന് പ​റ​ഞ്ഞ​പ്പോ​ൾ ഉ​മ്മ​ക്കും ഉ​പ്പ​ക്കു​മൊ​പ്പം ത​ല​നാ​രി​ഴ​ക്ക് ര​ക്ഷ​പ്പെ​ട്ട​താ​ണ് ഷാ​മി​ലും കു​ടും​ബ​വും. അ​പ​ക​ട​ത്തി​ൽ ഷാ​മി​ലി​ന്റെ ത​റ​വാ​ട്ട് വീ​ട്ടി​ലു​ള്ള​വ​രാ​ണ് മ​രി​ച്ച​ത്.

ര​ക്ഷ​പ്പെ​ട്ട​വ​ർ ബ​ന്ധു​വീ​ട്ടി​ലും ക്യാ​മ്പു​ക​ളി​ലു​മൊ​ക്കെ​യാ​യി ക​ഴി​യു​മ്പോ​ഴാ​ണ് ത​നി​ക്ക​റി​യാ​വു​ന്ന പ​ണി​യു​മാ​യി ദു​ര​ന്ത​ഭൂ​മി​യി​ൽ ഈ ​ചെ​റു​പ്പ​ക്കാ​ര​ൻ സ​ജീ​വ​മാ​കു​ന്ന​ത്. കൂ​ലി വാ​ങ്ങാ​തെ ജീ​പ്പെ​ടു​ത്ത് ര​ക്ഷാ​ദൗ​ത്യ​ങ്ങ​ൾ​ക്കും ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്കും ദു​ര​ന്ത​ത്തി​ന്റെ ആ​ദ്യ​ദി​നം മു​ത​ൽ ഷാ​മി​ൽ മു​ന്നി​ലു​ണ്ട്. ഡി​പ്ലോ​മ പൂ​ർ​ത്തി​യാ​ക്കി​യി​ട്ടു​ണ്ടെ​ങ്കി​ലും നാ​ട്ടി​ൽ ടാ​ക്സി ഓ​ടി​ക്ക​ലാ​യി​രു​ന്നു ഷാ​മി​ലി​ന് കൂ​ടു​ത​ൽ ഇ​ഷ്ടം. ​