വന്യമൃഗങ്ങൾ കാടിറങ്ങുന്നു; ഭീതി​യൊഴിയാതെ പൊഴുതന

പൊ​ഴു​ത​ന: വ​ന്യ​ജീ​വി​ക​ൾ വ്യാ​പ​ക​മാ​യി ജ​ന​വാ​സ മേ​ഖ​ല​യി​ൽ എ​ത്തു​ന്ന​ത് ജ​ന​ങ്ങ​ളെ ഭീ​തി​യി​ലാ​ക്കു​ന്നു. കൃ​ഷി ന​ശി​പ്പി​ക്കു​ന്ന​തി​ന് പു​റ​മെ വ​ള​ർ​ത്തു മൃ​ഗ​ങ്ങ​ളെ ആക്ര​മി​ക്കു​ന്ന​തും വ​ർ​ധി​ച്ച​തോ​ടെ എ​ന്ത് ചെ​യ്യ​ണ​മെ​ന്ന​റി​യാ​തെ ആ​ശ​ങ്ക​യി​ലാ​ണ് പൊ​ഴു​ത​ന പ​ഞ്ചാ​യ​ത്തി​ലെ നി​ര​വ​ധി കു​ടും​ബ​ങ്ങ​ൾ. ഒ​രു വ​ർ​ഷ​ത്തി​നി​ടെ പ​ത്തോ​ളം വ​ള​ർ​ത്തു മൃ​ഗ​ങ്ങ​ളെയാ​ണ് പു​ലി പി​ടി​ച്ച​ത്. സ​മാ​ന​മാ​യ കാ​ൽ​പാ​ടു​ക​ൾ ക​ണ്ടി​ട്ടും കൂ​ടു​വെ​ച്ചു പി​ടി​ക്കാ​നു​ള്ള തു​ട​ർ ന​ട​പ​ടി​ക​ൾ വ​നം​വ​കു​പ്പ് കൈ​ക്കൊ​ള്ളു​ന്നി​ല്ലെ​ന്ന പ​രാ​തി ഉ​യ​രു​ന്നു​ണ്ട്.

സ്വ​കാ​ര്യ എ​സ്റ്റേ​റ്റ് മേ​ഖ​ല​യി​ലാ​ണ് പ​ശു, പോ​ത്ത്, ആ​ട് തു​ട​ങ്ങി​യ വ​ള​ർ​ത്തു മൃ​ഗ​ങ്ങ​ളെ പു​ലി പി​ടി​ക്കു​ന്ന​ത്. ക​ല്ലൂ​ർ പ്ലാ​ന്റേ​ഷ​നി​ൽ ഏ​ക്ക​ർ ക​ണ​ക്കി​ന് തേ​യി​ല തോ​ട്ടം കാ​ടു​ക​യ​റി​യ നി​ല​യി​ലാ​ണ്. വ​ന്യ​മൃ​ഗ​ങ്ങ​ള്‍ കാ​ടി​റ​ങ്ങി വ​ന്‍തോ​തി​ല്‍ കാ​ര്‍ഷി​ക​വി​ള​ക​ള്‍ ന​ശി​പ്പി​ക്കു​ന്ന​ത് പ​തി​വാ​യി​രി​ക്കു​ക​യാ​ണ്.

സൗ​ത്ത് വ​യ​നാ​ട് ഫോ​റ​സ്റ്റ് ഡി​വി​ഷ​നി​ൽ ഉ​ൾ​പ്പെ​ടു​ന്ന സു​ഗ​ന്ധ​ഗി​രി, മേ​ൽ​മു​റി, ക​റു​വാ​ൻ​തോ​ട്, സേ​ട്ട്കു​ന്ന് പ്ര​ദേ​ശ​ത്തെ ക​ര്‍ഷ​ക​രാ​ണ് പ്ര​തി​സ​ന്ധി നേ​രി​ടു​ന്ന​ത്.

പ​ന്നി, കു​ര​ങ്ങ്, കാ​ട്ടാ​ന​ക​ള്‍ എ​ന്നി​വ​യു​ടെ ആ​ക്ര​മ​ണ​മാ​ണ് ഏ​റെ​യും കൃ​ഷി ന​ശി​ക്കാ​ന്‍ കാ​ര​ണ​മാ​കു​ന്ന​ത്. കാ​ട്ടാ​ന​ക​ളും പ​ന്നി​ക​ളും കാ​ടി​റ​ങ്ങി ക​പ്പ, തെ​ങ്ങ്, ക​വു​ങ്ങ്, പ​ച്ച​ക്ക​റി​ക​ള്‍ തു​ട​ങ്ങി​യ​വ​യാ​ണ് വ്യാ​പ​ക​മാ​യി ന​ശി​പ്പി​ക്കു​ന്ന​ത്.

കു​ര​ങ്ങു​ക​ളാ​ക​ട്ടെ ഇ​ള​നീ​രു​ക​ളാ​ണ് കൂ​ടു​ത​ലാ​യി ന​ശി​പ്പി​ക്കു​ന്ന​ത്. മൂ​പ്പെ​ത്താ​ത്ത ഇ​ള​നീ​രു​ക​ള്‍ കൂ​ട്ട​മാ​യി എ​ത്തു​ന്ന കു​ര​ങ്ങു​ക​ള്‍ തെ​ങ്ങി​ല്‍ നി​ന്ന് പ​റി​ച്ചി​ട്ട് ന​ശി​പ്പി​ക്കു​ന്നു. താ​ര​ത​മ്യേ​ന തേ​ങ്ങ​ക​ള്‍ക്ക് ന​ല്ല വി​ല ല​ഭി​ക്കു​ന്ന ഇ​ക്കാ​ല​ത്ത് ക​ര്‍ഷ​ക​ര്‍ക്ക് വ​ന്‍ സാ​മ്പ​ത്തി​ക ന​ഷ്ട​മാ​ണ് ഉ​ണ്ടാ​ക്കു​ന്ന​ത്.

ബാ​ങ്ക് വാ​യ്പ​യെ​ടു​ത്തും മ​റ്റും കൃ​ഷി​യി​ല്‍ ഏ​ര്‍പ്പെ​ടു​ന്ന ക​ര്‍ഷ​ക​രു​ടെ കാ​ര്‍ഷി​ക വി​ള​ക​ള്‍ ന​ശി​പ്പി​ക്കു​ന്ന വ​ന്യ​മൃ​ഗ​ങ്ങ​ളെ പ്ര​തി​രോ​ധി​ക്കാ​ൻ ന​ട​പ​ടി​യെ​ടു​ക്ക​ണ​മെ​ന്നാ​ണ് ആ​വ​ശ്യ​മു​യ​രു​ന്ന​ത്.