കാ​ട്ടാ​ന പ​ക​ലും നാ​ട്ടി​ലേ​ക്ക്; വ​ടു​വ​ഞ്ചാ​ൽ മേ​ഖ​ല ഭീ​തി​യി​ൽ

മൂ​പ്പൈ​നാ​ട്: പ​ക​ൽ​സ​മ​യ​ങ്ങ​ളി​ലും കാ​ട്ടാ​ന നാ​ട്ടി​ലേ​ക്ക് ഇ​റ​ങ്ങു​ന്ന​തി​നാ​ൽ വ​ടു​വ​ഞ്ചാ​ൽ മേ​ഖ​ല ഭീ​തി​യി​ൽ. പു​തി​യ​പാ​ടി, പാ​ടി​വ​യ​ൽ, ക​ട​ച്ചി​ക്കു​ന്ന്, കാ​ടാ​ശ്ശേ​രി ഭാ​ഗ​ങ്ങ​ളി​ലാ​ണ് ജ​ന​ജീ​വി​ത​ത്തി​ന് ഭീ​ഷ​ണി​യാ​യി കാ​ട്ടാ​ന​ക്കൂ​ട്ട​മി​റ​ങ്ങു​ന്ന​ത്. മൂ​ന്നാ​ന​ക​ളു​ള്ള കൂ​ട്ട​മാ​ണ് രാ​ത്രി,പ​ക​ൽ ഭേ​ദ​മെ​​ന്യേ പ്ര​ദേ​ശ​ങ്ങ​ളി​ൽ വി​ഹ​രി​ക്കു​ന്ന​ത്. ജ​ന​വാ​സ കേ​ന്ദ്ര​ങ്ങ​ളി​ലേ​ക്കി​റ​ങ്ങു​ന്ന കാ​ട്ടാ​ന​ക​ൾ വ്യാ​പ​ക​മാ​യി കൃ​ഷി ന​ശി​പ്പി​ക്കു​ന്നു.

വി​വ​ര​മ​റി​യി​ച്ചാ​ൽ വ​നം വ​കു​പ്പ് ജീ​വ​ന​ക്കാ​രെ​ത്തി പ​ട​ക്കം പൊ​ട്ടി​ച്ച് ആ​ന​ക​ളെ തു​ര​ത്താ​റു​ണ്ട്. എ​ന്നാ​ൽ അ​വ തി​രി​കെ​യെ​ത്തു​ക​യാ​ണ് പ​തി​വ്.

വൈ​ദ്യു​തി വേ​ലി​യ​ട​ക്ക​മു​ള്ള പ്ര​തി​രോ​ധ സം​വി​ധാ​ന​ത്തെ​ക്കു​റി​ച്ച് അ​ധി​കൃ​ത​ർ ഇ​ട​ക്ക് പ​റ​യാ​റു​ണ്ടെ​ങ്കി​ലും ഒ​ന്നും പ്രാ​വ​ർ​ത്തി​ക​മാ​കു​ന്നി​ല്ലെ​ന്ന​താ​ണ് നാ​ട്ടു​കാ​രു​ടെ പ​രാ​തി.

പ​ക​ലും റോ​ഡി​ലൂ​ടെ കാ​ട്ടാ​ന​ക്കൂ​ട്ടം വി​ഹ​രി​ക്കു​ന്നു. ജ​ന​ങ്ങ​ളു​ടെ ഉ​റ​ക്കം കെ​ടു​ത്തു​ന്ന കാ​ട്ടാ​ന​ശ​ല്യ​ത്തെ പ്ര​തി​രോ​ധി​ക്കാ​ൻ ഫ​ല​പ്ര​ദ​മാ​യ ന​ട​പ​ടി വ​നം വ​കു​പ്പ​ധി​കൃ​ത​രു​ടെ ഭാ​ഗ​ത്തു നി​ന്നു​ണ്ടാ​കു​ന്നി​ല്ലെ​ന്നാ​ണ് ആ​ക്ഷേ​പം. ഈ ​അ​വ​സ്ഥ തു​ട​ർ​ന്നാ​ൽ ദേ​ശീ​യ​പാ​ത ഉ​പ​രോ​ധി​ക്കു​ന്ന​ത​ട​ക്ക​മു​ള്ള പ്ര​ത്യ​ക്ഷ സ​മ​ര​പ​രി​പാ​ടി​ക​ൾ സം​ഘ​ടി​പ്പി​ക്കാ​നു​ള്ള തീ​രു​മാ​ന​ത്തി​ലാ​ണ് നാ​ട്ടു​കാ​ർ.