ലോക്കപ്പിൽ സെൽഫിയെടുത്ത സംഭവം: പൊലീസുകാർക്കെതിരെ അന്വേഷണം

തൃശൂർ: ലോക്കപ്പിൽ പഴംപൊരി കടിച്ചുപിടിച്ച്​ പ്രതി സെൽഫിയെടുത്ത് സാമൂഹിക മാധ്യമങ്ങളിൽ പ്രചരിപ്പിച്ച സംഭവത്തിൽ ഗുരുവായൂർ ടെമ്പിൾ സ്‌റ്റേഷനിലെ മൂന്ന്​ പൊലീസുകാർക്കെതിരെ അന്വേഷണത്തിന് ഉത്തരവ്. സ്​റ്റേഷനിൽ ജി.ഡി ചുമതലയുണ്ടായിരുന്ന നന്ദകുമാർ, സി.പി.ഒ ശിവരാജ്, വനിത സി.പി.ഒ ഷീജ എന്നിവർക്കെതിരെയാണ് കമീഷണർ രാഹുൽ ആർ. നായർ അന്വേഷണത്തിന്  ഉത്തരവിട്ടത്. 

പ്രതിയുടെ ഫോൺ പിടിച്ചെടുക്കുന്നതിൽ വീഴ്ച വരുത്തിയെന്ന്​ കണ്ടെത്തിയതി​​​​െൻറ അടിസ്​ഥാനത്തിലാണ്​ അന്വേഷണം. മൂന്നുപേരോടും വിശദീകരണം ആവശ്യപ്പെട്ടിട്ടുണ്ട്. ട്രാഫിക് പൊലീസുകാരനോട് അപമര്യാദയായി പെരുമാറിയതിന് കസ്​റ്റഡിയിലെടുത്ത യുവാവാണ് ലോക്കപ്പിൽ സെൽഫിയെടുത്തത്. ഇത് സുഹൃത്തിനെ വിളിച്ചുവരുത്തി കാണിക്കുകയും സാമൂഹിക മാധ്യമങ്ങളിൽ പ്രചരിപ്പിക്കുകയുമായിരുന്നു.