ലോക്കോ പൈലറ്റ് സമരം; കടുത്ത നടപടിയുമായി റെയിൽവേ

പാ​ല​ക്കാ​ട്: ഓ​ൾ ഇ​ന്ത്യ ലോ​ക്കോ റ​ണ്ണി​ങ് സ്റ്റാ​ഫ് അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ ആ​രം​ഭി​ച്ച സ​മ​രം ഒ​രാ​ഴ്ച പി​ന്നി​ട്ട​തോ​ടെ ക​ടു​ത്ത ന​ട​പ​ടി​ക​ളു​മാ​യി റെ​യി​ൽ​വേ. പീ​രി​യോ​ഡി​ക്ക​ൽ അ​വ​ധി​യെ​ടു​ത്ത 32 ജീ​വ​ന​ക്കാ​ർ​ക്ക് കു​റ്റ​പ​ത്രം ന​ൽ​കു​ക​യും ഒ​രാ​ളെ സ​സ്​​പെ​ൻ​ഡ് ചെ​യ്യു​ക​യും ചെ​യ്തു. മം​ഗ​ലാ​പു​ര​ത്ത് ജോ​ലി ചെ​യ്യു​ന്ന ജീ​വ​ന​ക്കാ​ര​നെ​യാ​ണ് സ​സ്​​പെ​ൻ​ഡ് ചെ​യ്ത​ത്. പാ​ല​ക്കാ​ട് ഡി​വി​ഷ​ൻ പ​രി​ധി​യി​ൽ 80 പേ​രും തി​രു​വ​ന​ന്ത​പു​രം ഡി​വി​ഷ​നി​ൽ 40 പേ​രു​മാ​ണ് പീ​രി​യോ​ഡി​ക്ക​ൽ ലീ​വ് എ​ടു​ത്ത​ത്. പി​താ​വി​ന്‍റെ ചി​കി​ത്സ​ക്കു​വേ​ണ്ടി അ​വ​ധി​ക്ക് അ​പേ​ക്ഷി​ച്ച കോ​ട്ട​യം സ്വ​ദേ​ശി​ക്ക് അ​വ​ധി ന​ൽ​കാ​തി​രി​ക്കു​ക​യും പി​താ​വ് മ​രി​ച്ച​പ്പോ​ൾ മാ​ത്രം അ​വ​ധി അ​നു​വ​ദി​ച്ച​താ​യും പ​രാ​തി​യു​ണ്ട്.

ജൂ​ൺ ഒ​ന്നു മു​ത​ലാ​ണ് അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ സ​മ​രം ആ​രം​ഭി​ച്ച​ത്. അ​തേ​സ​മ​യം, ട്രെ​യി​ൻ ഗ​താ​ഗ​തം നി​ർ​ത്തി​യു​ള്ള സ​മ​ര​മ​ല്ലെ​ന്ന് അ​സോ​സി​യേ​ഷ​ൻ ഭാ​ര​വാ​ഹി​ക​ൾ വ്യ​ക്ത​മാ​ക്കി. ആ​ഴ്ച​യി​ൽ 46 മ​ണി​ക്കൂ​ർ അ​വ​ധി വേ​ണ​മെ​ന്നാ​ണ് ജീ​വ​ന​ക്കാ​രു​ടെ ആ​വ​ശ്യം. 30 മ​ണി​ക്കൂ​ർ വ​രെ മാ​ത്ര​മേ അ​വ​ധി ല​ഭി​ക്കു​ന്നു​ള്ളൂ. 14 ദി​വ​സ​ത്തേ​ക്ക് 104 മ​ണി​ക്കൂ​ർ എ​ന്ന​താ​ണ് ഒ​രു റെ​യി​ൽ​വേ പൈ​ല​റ്റി​ന്‍റെ ജോ​ലി​സ​മ​യം. എ​ന്നാ​ൽ, ജീ​വ​ന​ക്കാ​രു​ടെ കു​റ​വ് കാ​ര​ണം 120 മ​ണി​ക്കൂ​ർ വ​രെ ജോ​ലി ചെ​യ്യേ​ണ്ട സാ​ഹ​ച​ര്യ​മാ​ണു​ള്ള​തെ​ന്ന് ജീ​വ​ന​ക്കാ​ർ പ​റ​യു​ന്നു. 40 മു​ത​ൽ 60 ഡി​ഗ്രി വ​രെ ചൂ​ടി​ൽ എ.​സി ഇ​ല്ലാ​തെ​യാ​ണ് ജോ​ലി ചെ​യ്യു​ന്ന​ത്. ശു​ചി​മു​റി​യും കു​ടി​വെ​ള്ള സൗ​ക​ര്യ​വു​മി​ല്ല. മ​ഴ പെ​യ്താ​ൽ കു​ട പി​ടി​ച്ച് ഇ​രി​ക്കേ​ണ്ട സാ​ഹ​ച​ര്യ​മാ​ണ് പ​ല എ​ൻ​ജി​നി​ലും. മ​ഴ​യ​ത്ത് വൈ​പ്പ​ർ പോ​ലും പ​ല ട്രെ​യി​നു​ക​ളി​ലും പ്ര​വ​ർ​ത്തി​ക്കു​ന്നി​ല്ല. 10 മ​ണി​ക്കൂ​ർ തു​ട​ർ​ച്ച​യാ​യി ജോ​ലി ചെ​യ്യാ​നു​ള്ള സൗ​ക​ര്യ​ങ്ങ​ൾ എ​ൻ​ജി​നി​ൽ ഇ​ല്ലെ​ന്ന് ജീ​വ​ന​ക്കാ​ർ പ​റ​യു​ന്നു. ജീ​വ​ന​ക്കാ​രു​ടെ കു​റ​വ് കാ​ര​ണം നി​ല​വി​ലു​ള്ള ജീ​വ​ന​ക്കാ​രെ അ​ധി​ക സ​മ​യം ജോ​ലി ചെ​യ്യി​പ്പി​ച്ചാ​ണ് റെ​യി​ൽ​വേ ട്രെ​യി​ൻ ഓ​ടി​ക്കു​ന്ന​ത്.