ലോ​ക്​​സ​ഭ തെരഞ്ഞെടുപ്പ്;​​ ജ​ന​വി​ധി തേ​ടു​ന്ന​വ​രി​ൽ മൂ​ന്ന് സ​ഭ​ക​ളി​ലും അം​ഗ​ങ്ങ​ളാ​യി​രു​ന്ന മൂ​ന്നു​പേ​ർ

കൊ​ല്ലം: ലോ​ക്​​സ​ഭ​യി​ലേ​ക്ക്​ ജ​ന​വി​ധി തേ​ടു​ന്ന​വ​രി​ൽ നി​യ​മ​സ​ഭ​യി​ലും ലോ​ക്​​സ​ഭ​യി​ലും രാ​ജ്യ​സ​ഭ​യി​ലും അം​ഗ​ങ്ങ​ളാ​യി​രു​ന്ന​വ​ർ മൂ​ന്നു​പേ​ർ. അ​തി​ൽ ര​ണ്ടു​പേ​ർ ത​ദ്ദേ​ശ സ്ഥാ​പ​ന​ങ്ങ​ളി​ലും അം​ഗ​ങ്ങ​ളാ​യി​ട്ടു​ണ്ടെ​ന്ന പ്ര​ത്യേ​ക​ത വേ​റെ. ഇ​വ​രെ​ല്ലാം യു.​ഡി.​എ​ഫ്​ സ്ഥാ​നാ​ർ​ഥി​ക​ളാ​ണ്. കൊ​ല്ലം മ​ണ്ഡ​ല​ത്തി​ലെ എ​ൻ.​കെ. പ്രേ​മ​ച​ന്ദ്ര​ൻ, ആ​ല​പ്പു​ഴ​യി​ലെ കെ.​സി. വേ​ണു​ഗോ​പാ​ൽ, മ​ല​പ്പു​റ​ത്തെ അ​ബ്​​ദു​സ്സ​മ​ദ്​ സ​മ​ദാ​നി എ​ന്നി​വ​രാ​ണ്​ മൂ​ന്ന്​ സ​ഭ​ക​ളി​ലും അം​ഗ​ങ്ങ​ളാ​യ​വ​ർ. പ്രേ​മ​ച​ന്ദ്ര​നും അ​ബ്​​ദു​സ്സ​മ​ദ്​ സ​മ​ദാ​നി​യും കു​റ​ച്ചു​കാ​ലം ത​ദ്ദേ​ശ സ്ഥാ​പ​ന​ങ്ങ​ളി​ലും അം​ഗ​മാ​യി​രു​ന്നു. എ​ൻ.​കെ. ​പ്രേ​മ​ച​ന്ദ്ര​ൻ 1996ലും ’98​ലും 2014ലും 2019​ലും ലോ​ക്​​സ​ഭ​യി​ലേ​ക്ക്​ വി​ജ​യി​ച്ചു. 2000ൽ ​രാ​ജ്യ​സ​ഭാം​ഗ​മാ​യി. 2006ൽ ​ച​വ​റ​യി​ൽ നി​ന്ന്​ നി​യ​മ​സ​ഭ​യി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ട അ​ദ്ദേ​ഹം ഇ​ട​ത്​ മ​ന്ത്രി​സ​ഭ​യി​ൽ ജ​ല​വി​ഭ​വ മ​ന്ത്രി​യാ​യി. 90ക​ളി​ൽ നാ​വാ​യി​ക്കു​ളം ഗ്രാ​മ​പ​ഞ്ചാ​യ​ത്ത്​ അം​ഗ​മാ​യും കൊ​ല്ലം ജി​ല്ല പ​ഞ്ചാ​യ​ത്ത്​ അം​ഗ​മാ​യും പ്ര​വ​ർ​ത്തി​ച്ചി​രു​ന്നു. മു​ന്ന​ണി​ക​ൾ മാ​റി​യെ​ങ്കി​ലും അ​ദ്ദേ​ഹം എ​പ്പോ​ഴും ആ​ർ.​എ​സ്.​പി ​പ്ര​തി​നി​ധി​യാ​യി​രു​ന്നു.

കോ​ൺ​ഗ്ര​സി​ന്‍റെ കെ.​സി. വേ​ണു​ഗോ​പാ​ൽ 1996ൽ ​ആ​ല​പ്പു​ഴ​യി​ൽ നി​ന്ന്​ എം.​എ​ൽ.​എ​യാ​യി. 2001ലും 2006​ലും വി​ജ​യം ആ​വ​ർ​ത്തി​ച്ചു. യു.​ഡി.​എ​ഫ്​ മ​ന്ത്രി​സ​ഭ​യി​ൽ ടൂ​റി​സം​ മ​ന്ത്രി​യു​മാ​യി. 2009ൽ ​ആ​ല​പ്പു​ഴ​യി​ൽ​നി​ന്ന്​ ലോ​ക്​​സ​ഭ​യി​ലേ​ക്ക്​ വി​ജ​യം. 2014ൽ ​വി​ജ​യം ആ​വ​ർ​ത്തി​ച്ചു. കേ​ന്ദ്ര സ​ഹ​മ​ന്ത്രി​യാ​യി. 2019ൽ ​രാ​ജ​സ്ഥാ​നി​ൽ നി​ന്ന്​ രാ​ജ്യ​സ​ഭ​യി​ലേ​ക്ക്​ തെ​ര​ഞ്ഞെ​ടു​ക്ക​പ്പെ​ട്ട അ​ദ്ദേ​ഹ​ത്തി​ന്‍റെ കാ​ലാ​വ​ധി ര​ണ്ടു വ​ർ​ഷം കൂ​ടി ശേ​ഷി​ക്കു​ന്നു​ണ്ട്.

മു​സ്​​ലിം ലീ​ഗി​ന്‍റെ അ​ബ്​​ദു​സ്സ​മ​ദ്​ സ​മ​ദാ​നി 1994 മു​ത​ൽ 2006 വ​രെ രാ​ജ്യ​സ​ഭാം​ഗ​മാ​യി​രു​ന്നു. 2011ൽ ​നി​യ​മ​സ​ഭ​യി​ലേ​ക്ക്​ വി​ജ​യി​ച്ചു. 2021ൽ​ ​ലോ​ക്​​സ​ഭാം​ഗ​മാ​യി. നേ​ര​ത്തെ മ​ല​പ്പു​റം ജി​ല്ല കൗ​ൺ​സി​ൽ അം​ഗ​മാ​യി​രു​ന്നു.

സം​സ്ഥാ​ന​ത്തു​നി​ന്ന്​ ഇ​തി​നു​ മു​മ്പ്​ മൂ​ന്ന്​ സ​ഭ​ക​ളി​ലും അം​ഗ​മാ​യി​രു​ന്ന​വ​ർ ഒ​മ്പ​ത്​ പേ​രാ​ണ്. കെ. ​ക​രു​ണാ​ക​ര​ൻ, ഇ.​കെ. ഇ​മ്പി​ച്ചി​ബാ​വ, എം.​എ​ൻ. ഗോ​വി​ന്ദ​ൻ നാ​യ​ർ, വി. ​വി​ശ്വ​നാ​ഥ​മേ​നോ​ൻ, വി.​വി. രാ​ഘ​വ​ൻ, ഇ. ​ബാ​ലാ​ന​ന്ദ​ൻ, വ​യ​ലാ​ർ ര​വി, എം.​പി. വീ​രേ​ന്ദ്ര​കു​മാ​ർ, ത​ലേ​ക്കു​ന്നി​ൽ ബ​ഷീ​ർ എ​ന്നി​വ​രാ​ണ​ത്. ഇ​വ​രി​ൽ വ​യ​ലാ​ർ ര​വി, കെ. ​ക​രു​ണാ​ക​ര​ൻ, എം.​പി വീ​രേ​ന്ദ്ര​കു​മാ​ർ എ​ന്നി​വ​ർ കേ​ന്ദ്ര​ത്തി​ലും കേ​ര​ള​ത്തി​ലും മ​ന്ത്രി​മാ​രാ​യി. രാ​ജ്യ​സ​ഭാം​ഗ​മാ​യി​രി​ക്കെ, ലോ​ക്​​സ​ഭ​യി​ലേ​ക്ക്​ മ​ത്സ​രി​ച്ച്​ തോ​റ്റ​യാ​ളാ​ണ്​ കെ. ​ക​രു​ണാ​ക​ര​ൻ.