രണ്ടില്ല; കേരള കോൺഗ്രസിന്​ ഒരുസീറ്റ്​ മാത്രം

കൊച്ചി: രണ്ടുസീറ്റിൽ ഉറച്ചുനിൽക്കുന്ന കേരള കോൺഗ്രസിനെ മെരുക്കാനുള്ള കോൺഗ്രസ്​ നേതാക്കളുടെ ശ്രമം മൂന്നാ ം വട്ടചർച്ചയിലും ലക്ഷ്യം കണ്ടില്ല. ചൊവ്വാഴ്​ച രാത്രി ​െഗസ്​റ്റ്​ ഹൗസിൽ നടന്ന യു.ഡി.എഫി​​​െൻറ ഉഭയകക്ഷി ചർച്ച ഒ ന്നര മണിക്കൂറോളം നീണ്ടിട്ടും കേരള കോൺഗ്രസ്​ നേതാക്കൾ അയഞ്ഞില്ല. ഒടുവിൽ ഒരുസീറ്റിൽ കൂടുതൽ നൽകാനാവില്ലെന്ന വ ്യക്തമായ സന്ദേശം നൽകി ചർച്ച അവസാനിപ്പിക്കുകയായിരുന്നു.

വ്യാഴാഴ്​ച പാർട്ടി കമ്മിറ്റി യോഗം ചേർന്ന്​ തീരുമ ാനം അറിയിക്കാമെന്ന്​ പറഞ്ഞാണ്​ കേരള കോൺ​ഗ്രസ്​ നേതാക്കൾ മടങ്ങിയത്​. പാർട്ടിയെ പ്രതിനിധാനം ചെയ്​ത്​​ കെ.എം. മാണി, പി.ജെ. ജോസഫ്​, ജോസ്​ കെ. മാണി, മോൻസ്​ ജോസഫ്​, ജോയി എബ്രഹാം എന്നിവരാണ്​ ചർച്ചക്കെത്തിയത്​. ഇവരുമായി പ്രതിപക്ഷ നേതാവ്​ രമേശ്​ ചെന്നിത്തല, കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ, യു.ഡി.എഫ്​ കൺവീനർ ബെന്നി ബഹനാൻ എന്നിവരാണ്​ ചർച്ച നടത്തിയത്​.

നിലവിലെ ദേശീയ രാഷ്​ട്രീയ സാഹചര്യങ്ങളുടെ പശ്ചാത്തലത്തിൽ കൂടുതൽ സീറ്റ്​ ഘടകകക്ഷികൾക്ക്​ വിട്ടുകൊടുക്കുന്നതിലെ ബുദ്ധിമുട്ട്​ കേര​ള കോ​ൺഗ്രസിനെ അറിയിച്ചതായി ചർച്ചക്കുശേഷം രമേശ്​ ചെന്നിത്തല പറഞ്ഞു. ഇനി വീണ്ടും ഇക്കാര്യത്തിൽ ഉഭയകക്ഷി ചർച്ച ഉണ്ടാകില്ലെന്നും അവർ യോഗം ചേർന്ന്​ തീരുമാനം അറിയിക്കാമെന്ന്​ പറഞ്ഞതായും ചെന്നിത്തല അറിയിച്ചു.

​20 സീറ്റുള്ള കേരളത്തിൽ രണ്ടു​സീറ്റ്​ വേണ​െമന്ന തങ്ങളുടെ ആവശ്യം തീർത്തും ന്യായയുക്തമാണെന്ന്​ തുടർന്ന് കെ.എം. മാണി പ്രതികരിച്ചു. തങ്ങളെ ഒരുസീറ്റിൽതന്നെ ഒതുക്കാനാണ്​ ശ്രമിക്കുന്നതെന്ന്​ കുറ്റപ്പെടുത്തിയ മാണി പ്രശ്​​നത്തിന്​ രമ്യപരിഹാരം ഉണ്ടാ​േകണ്ടതി​​​െൻറ ആവശ്യകത സൂചിപ്പിക്കാനും തയാറായി. എന്നാൽ, ഒപ്പമുണ്ടായിരുന്ന പി.ജെ. ജോസഫ്​ പാർട്ടി യോഗത്തിനുശേഷം തീരുമാനം പറയാമെന്നതിനപ്പുറം കൂടുതലൊന്നും പ്രതികരിക്കാൻ തയാറായില്ല.

ചൊവ്വാഴ്​ചത്തെ ചർച്ചയോടെ കേരള കോ​​ൺഗ്രസിന്​ അധിക സീറ്റ്​ നൽകില്ലെന്ന കാര്യം ഉറപ്പായി. ഇത്​ ഒരുപരിധിവരെ ഉൾക്കൊണ്ടതി​​​െൻറ സൂചനയായിരുന്നു മാണിയുടെ വാക്കുകളിൽ. ഇൗ സാഹചര്യത്തിൽ രണ്ട്​ സീറ്റിനുവേണ്ടി ശക്തമായി വാദിക്കുകയും കിട്ടുന്ന ഏതുസീറ്റിലും മത്സരിക്കാൻ തയാറാണെന്ന്​ വ്യ​ക്തമാക്കുകയും ചെയ്​ത പി.ജെ. ജോസഫ്​ എന്തുനിലപാട്​ സ്വീകരിക്കും എന്നാണ്​ എല്ലാവരും ഉറ്റുനോക്കുന്നത്​