തീരദേശത്ത്​ തിരയിളക്കി പ്രിയങ്ക

തി​രു​വ​ന​ന്ത​പു​രം: ത​ല​സ്ഥാ​ന ന​ഗ​ര​ത്തി​ലെ വ​ലി​യ​തു​റ ജ​ങ്​​ഷ​നി​ൽ പ്രി​യ​ങ്ക ഗാ​ന്ധി എ​ത്തു​മ്പോ​ൾ ഒ​രു മ​ണി​ക്കൂ​ർ വൈ​കി. നാ​ല്​ മ​ണി ക​ഴി​ഞ്ഞെ​ങ്കി​ലും ​വെ​യി​ലി​ന്​ കു​റ​വി​ല്ല. വ​ന്നി​റ​ങ്ങി​യ​പാ​ടേ പ്രി​യ​ങ്ക തു​റ​ന്ന വാ​ഹ​ന​ത്തി​ലേ​ക്ക്​ ഓ​ടി​ക്ക​യ​റി. തൃ​ശൂ​രി​ലെ​യും ​പ​ത്ത​നം​തി​ട്ട​യി​ലെ​യും പ്ര​ചാ​ര​ണ പ​രി​പാ​ടി​ക​ളി​ൽ പ​​ങ്കെ​ടു​ത്ത​തി​ന്‍റെ​യും നീ​ണ്ട യാ​ത്ര​യു​ടെ​യും ക്ഷീ​ണ​മൊ​ന്നും മു​ഖ​ത്തി​ല്ല. സ്ഥാ​നാ​ർ​ഥി ശ​ശി ത​രൂ​രും ര​മേ​ശ്​ ചെ​ന്നി​ത്ത​ല​യും ഒ​പ്പ​മെ​ത്താ​ൻ പാ​ടു​പെ​ടു​ന്ന​ത്​ കാ​ണാം. ജൂ​നി​യ​ർ ഇ​ന്ദി​ര ഗാ​ന്ധി, രാ​ജീ​വി​ന്‍റെ പ്രി​യ​പു​ത്രി, രാ​ഹു​ലി​ന്‍റെ പെ​ങ്ങ​ളൂ​ട്ടി പ്രി​യ​ങ്ക ഇ​താ വ​രു​ന്നു... അ​ക​മ്പ​ടി വാ​ഹ​ന​ത്തി​ൽ​നി​ന്നു​ള്ള അ​നൗ​ൺ​സ്​​മെ​ന്‍റ്​ മു​ഴ​ങ്ങി​യ​​പ്പോ​ൾ അ​ണി​ക​ൾ ഇ​ള​കി. പു​ഷ്പ​വൃ​ഷ്ടി​യു​മാ​യി ഇ​രു​വ​ശ​ത്തും സ്ത്രീ​ക​ളു​ടെ​യും കു​ട്ടി​ക​ളു​ടെ​യും നി​ര.

പ്രാ​യ​മാ​യ സ്ത്രീ​ക​ളെ ക​ണ്ട ഇ​ട​ങ്ങ​ളി​ൽ പ്രി​യ​ങ്ക പ​ല​കു​റി വാ​ഹ​ന​ത്തി​ൽ​നി​ന്നി​റ​ങ്ങി. അ​വ​രു​ടെ ക​രം​പി​ടി​ച്ച്​ കു​ശ​ലം​ചോ​ദി​ച്ചു. രാ​ജീ​വ്​ ഗാ​ന്ധി​യു​ടെ ചി​ത്ര​വു​മാ​യി​ മൂ​ന്ന്​ കു​ട്ടി​ക​ൾ വീ​ട്ടി​നു​മു​ന്നി​ൽ കാ​ത്തി​രു​ന്നു. അ​വി​ടെ​യി​റ​ങ്ങി കു​ട്ടി​ക​ളെ താ​ലോ​ലി​ച്ച്​ പി​താ​വി​ന്‍റെ ചി​ത്രം അ​വ​രി​ൽ​നി​ന്ന്​ ഏ​റ്റു​വാ​ങ്ങി. റോ​ഡ്​ ഷോ ​ഒ​രു കി​ലോ​മീ​റ്റ​ർ പി​ന്നി​ട്ട്​ ബീ​മാ​പ​ള്ളി​ക്ക്​ മു​ന്നി​ൽ. അ​തോ​ടെ അ​നൗ​ൺ​സ്​​മെ​ന്‍റി​ന്‍റെ വി​ഷ​യം മാ​റി. ജ​നാ​ധി​പ​ത്യം സം​ര​ക്ഷി​ക്കാ​ൻ, പു​തി​യ ഇ​ന്ത്യ കെ​ട്ടി​പ്പ​ടു​ക്കാ​ൻ ത​രൂ​രി​നെ വി​ജ​യി​പ്പി​ക്കൂ, കോ​ൺ​ഗ്ര​സി​നെ സ​ഹാ​യി​ക്കൂ... എ​ന്നാ​യി​രു​ന്നു അ​തു​വ​രെ. ബീ​മാ​പ​ള്ളി​യി​ലെ​ത്തി​യ​പ്പോ​ൾ പൗ​ര​ത്വ നി​യ​മം ന​ട​പ്പാ​ക്കി​ല്ലെ​ന്ന്​ ഉ​റ​പ്പാ​ക്കാ​ൻ, ആ​ർ.​എ​സ്.​എ​സി​ന്‍റെ ഭ​ര​ണം അ​വ​സാ​നി​പ്പി​ക്കാ​ൻ കോ​ൺ​ഗ്ര​സി​ന്‍റെ ​കൈ​പ്പ​ത്തി​യി​ൽ വോ​ട്ടു​ചെ​യ്യൂ... എ​ന്നാ​യി.

ബീ​മാ​പ​ള്ളി ജ​ങ്​​ഷ​നി​ലും റോ​ഡി​ലും വ​ലി​യ ജ​ന​ക്കൂ​ട്ട​മാ​ണ്​ പ്രി​യ​ങ്ക​യെ കാ​ണാ​നെ​ത്തി​യ​ത്. സ്ത്രീ​ക​ൾ​ക്ക്​ ഹ​സ്ത​ദാ​നം ന​ൽ​കാ​ൻ ​പ്രി​യ​ങ്ക ​പ്ര​ത്യേ​കം ശ്ര​ദ്ധി​ച്ചു. സ​മ​യം അ​തി​ക്ര​മി​ച്ച​പ്പോ​ൾ പൈ​ല​റ്റ്​ വാ​ഹ​ന​ത്തോ​ട്​ വേ​ഗം​ കൂ​ട്ടാ​ൻ പ​ല​കു​റി നി​ർ​ദേ​ശി​ക്കേ​ണ്ടി​വ​ന്നു. മൂ​ന്ന്​ കി​ലോ​മീ​റ്റ​ർ നീ​ണ്ട റോ​ഡ്​ ഷോ ​പൂ​ന്തു​റ ജ​ങ്​​ഷ​നി​ലാ​ണ്​ സ​മാ​പി​ച്ച​ത്. കൃ​സ്​​​ത്യ​ൻ പ​ള്ളി​ക​ൾ​ക്കും വീ​ടു​ക​ൾ​ക്കു​മു​ന്നി​ലും പ്രി​യ​ങ്ക​യെ കാ​ത്ത്​ ഏ​റെ​പ്പേ​രു​ണ്ടാ​യി​രു​ന്നു.

പ​ത്ത്​ മി​നി​റ്റ്​​ മാ​ത്ര​മാ​യി​രു​ന്നു പ്രി​യ​ങ്ക​യു​ടെ പ്ര​സം​ഗം. പ​തി​വു​പോ​ലെ ന​രേ​ന്ദ്ര മോ​ദി​ക്കെ​തി​​രെ ആ​ഞ്ഞ​ടി​ച്ച്​ തു​ട​ക്കം. ചു​രു​ങ്ങി​യ വാ​ക്കു​ക​ളെ​ങ്കി​ലും സ്വ​ർ​ണ​ക്ക​ട​ത്തും ലൈ​ഫ്​ മി​ഷ​ൻ അ​ഴി​മ​തി​യും സൂ​ചി​പ്പി​ച്ച്​ പി​ണ​റാ​യി​ വി​ജ​യ​ന്​ ഒ​രു കൊ​ട്ട്. മ​ത്സ്യ​ത്തൊ​ഴി​ലാ​ളി​ക​ൾ​ക്ക്​ ഇ​ൻ​ഷു​റ​ൻ​സ്​ പ​രി​ര​ക്ഷ, പാ​വ​​പ്പെ​ട്ട സ്ത്രീ​ക​ൾ​ക്ക് വ​ർ​ഷം​തോ​റും ല​ക്ഷം രൂ​പ​ ഉ​ൾ​പ്പെ​ടെ കോ​ൺ​ഗ്ര​സി​ന്‍റെ പ്ര​ക​ട​ന​പ​ത്രി​ക​യി​ലെ വാ​ഗ്​​ദാ​ന​ങ്ങ​ൾ എ​ടു​ത്തു​പ​റ​ഞ്ഞ​ത്​ അ​ണി​ക​ളി​ൽ ആ​വേ​ശം വി​ത​ച്ചു. ​തി​രു​വ​ന​ന്ത​പു​ര​ത്തി​ന്‍റെ തീ​ര​ദേ​ശ​ത്ത്​ തി​ര​യി​ള​ക്കം സൃ​ഷ്ടി​ച്ചാ​ണ്​ പ്രി​യ​ങ്ക മ​ട​ങ്ങി​യ​ത്.