പത്തനംതിട്ട: യു.​ഡി.​എ​ഫി​ന്​ നേ​രി​യ ഭൂ​രി​പ​ക്ഷം; അ​ട്ടി​മ​റി പ്ര​തീ​ക്ഷി​ച്ച്​ എ​ൽ.​ഡി.​എ​ഫ്​

രാ​ഷ്ട്രീ​യ​ത്തി​ന​പ്പു​റ​ത്തേ​ക്ക് സാ​മു​ദാ​യി​ക-​കാ​ർ​ഷി​ക​ താ​ൽ​പ​ര്യ​ങ്ങ​ളി​ൽ അ​ടി​യൊ​ഴു​ക്കു​ള്ള മ​ണ്ഡ​ല​ത്തി​ൽ ഇ​ക്കു​റി ത്രി​കോ​ണ മ​ത്സ​രം ഇ​ല്ല. 2019ലെ ​ശ​ബ​രി​മ​ല യു​വ​തീ പ്ര​വേ​ശ​ന​വി​രു​ദ്ധ പ്ര​ക്ഷോ​ഭ​ത്തി​​ന്‍റെ അ​ല​യൊ​ലി​ക​ൾ തേ​ടി എ​ൻ.​ഡി.​എ എ​ത്തി​ച്ച അ​നി​ൽ കു​ര്യ​ൻ ആ​ന്‍റ​ണി​ക്ക്​ ബി.​ജെ.​പി അ​ണി​ക​ളി​ൽ​​പോ​ലും ആ​വേ​ശം വി​ത​റാ​ൻ ക​ഴി​ഞ്ഞി​ട്ടി​ല്ല. മ​ണ്ഡ​ലം രൂ​പ​വ​ത്​​ക​രി​ച്ച 2009 മു​ത​ൽ ഓ​രോ തെ​ര​ഞ്ഞെ​ടു​പ്പ് ക​ഴി​യു​ന്തോ​റും ആ​ന്‍റോ​യു​ടെ ഭൂ​രി​പ​ക്ഷ​ത്തി​ലു​ണ്ടാ​യ കു​റ​വി​ലാ​ണ് എ​ൽ.​ഡി.​എ​ഫ് പ്ര​തീ​ക്ഷ. 2009ൽ 1,11,206 ​വോ​ട്ടി​ന്‍റെ​യും 2014ൽ 56,191 ​വോ​ട്ടി​ന്‍റെ​യും ഭൂ​രി​പ​ക്ഷ​ത്തി​ൽ ജ​യി​ച്ച യു.​ഡി.​എ​ഫി​ന് 2019ൽ ​ഭൂ​രി​പ​ക്ഷം 44,243 വോ​ട്ടാ​യി കു​റ​ഞ്ഞു. 2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ മ​ണ്ഡ​ല​പ​രി​ധി​യി​ലെ ഏ​ഴ് നിയമസഭാ മ​ണ്ഡ​ല​ങ്ങ​ളി​ലും വെ​ന്നി​ക്കൊ​ടി പാ​റി​ച്ച എ​ൽ.​ഡി.​എ​ഫ് നേ​ടി​യ​താ​ക​ട്ടെ, 73,647 വോ​ട്ടു​ക​ളു​ടെ ഭൂ​രി​പ​ക്ഷ​വും. 2019ൽ ​നേ​ടി​യ വോ​ട്ടി​ന്‍റെ പി​ൻ​ബ​ല​മാ​ണ് ബി.​ജെ.​പി​യു​ടെ പ്ര​തീ​ക്ഷ. സം​സ്ഥാ​ന പ്ര​സി​ഡ​ന്‍റ് കെ. ​സു​രേ​ന്ദ്ര​ൻ ജ​ന​വി​ധി തേ​ടി​യ മ​ണ്ഡ​ല​ത്തി​ൽ അ​ന്നു ല​ഭി​ച്ച​ത് 2,95,627 വോ​ട്ടാ​ണ്. എ​ൽ.​ഡി.​എ​ഫും ബി.​ജെ.​പി​യും ത​മ്മി​ലു​ള്ള അ​ന്ത​ര​മാ​ക​ട്ടെ 39,849 വോ​ട്ടി​ന്‍റേ​താ​യി​രു​ന്നു. ‌

സ​​മു​​ദാ​​യ സം​​ഘ​​ട​​ന​​ക​​ൾ​​ക്ക്​ ഏ​​റെ സ്വാ​​ധീ​​ന​​മു​​ള്ള മ​​ണ്ഡ​​ല​​മാ​​യ​​തി​​നാ​​ൽ അ​​വ​​രു​​ടെ നി​​ല​​പാ​​ടു​​ക​​ളാ​​ണ്​ വി​​ജ​​യ​ഘ​​ട​​കം. വോ​​ട്ട​​ർ​​മാ​​രി​​ൽ ക്രൈ​​സ്​​​ത​​വ​​രും ഹൈന്ദവരും ഏ​​ക​​ദേ​​ശം ഒ​​പ്പ​​മാ​​ണ്. 56.93 ശ​​ത​​മാ​​നം ഹൈന്ദവരും 38.12 ശ​​ത​​മാ​​നം ക്രൈ​സ്ത​വ​രും 4.60 ശ​​ത​​മാ​​നം മു​​സ്​​​ലിം​​ക​​ളു​​മാ​​ണു​​ള്ള​​ത്. ​പി​ന്നാ​ക്ക​വി​ഭാ​ഗ​ങ്ങ​ൾ അ​ഞ്ച്​ ശ​ത​മാ​നം. ഹൈ​​ന്ദ​​വ​​രി​​ൽ പ്ര​​ബ​​ല​​ർ നാ​​യ​​ർ സ​​മു​​ദാ​​യ​​മാ​​ണ്. തൊ​ട്ടു​പി​ന്നി​ൽ ഈ​ഴ​വ​ർ.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​​പ്പോ​ടെ പൂ​ർ​ണ​മാ​യി ചു​വ​ന്ന മ​ണ്ഡ​ല​ത്തി​ൽ പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പു​ക​ളി​ൽ പൊ​തു​വേ യു.​ഡി.​എ​ഫ്​ അ​നു​കൂ​ല മാ​ന​സി​കാ​വ​സ്ഥ​യാ​ണ്​ പ്ര​തി​ഫ​ലി​ച്ച്​ വ​രു​ന്ന​ത്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ ന്യൂ​ന​പ​ക്ഷ വോ​ട്ടു​ക​ൾ ഗ​ണ്യ​മാ​യി എ​ൽ.​ഡി.​എ​ഫി​ന്‍റെ പെ​ട്ടി​യി​ൽ വീ​ണെ​ങ്കി​ലും മ​ണ്ഡ​ലം ഇ​ക്കു​റി ലോ​ക്സ​ഭ തെ​ര​ഞ്ഞെ​ടു​പ്പി​ൽ പാ​ര​മ്പ​ര്യം അ​ടി​യ​റ​വെ​ക്കി​ല്ലെ​ന്ന ഉ​റ​ച്ച വി​ശ്വാ​സ​ത്തി​ലാ​ണ്​ യു.​ഡി.​എ​ഫ്. പ​ര​മ്പ​രാ​ഗ​ത യു.​ഡി.​എ​ഫ്​ മ​ണ്ഡ​ലം എ​ന്ന​താ​ണ്​ ആ​​ന്‍റോ ആ​ന്‍റ​ണി​ക്കു​ള്ള ഏ​റ്റ​വും അ​നു​കൂ​ല​ഘ​ട​കം. ​കേ​ന്ദ്ര​ത്തി​ൽ ഇ​ൻ​ഡ്യ മു​ന്ന​ണി​യെ അ​ധി​കാ​ര​ത്തി​ലെ​ത്തി​ക്കാ​ൻ മു​സ്​​ലിം വോ​ട്ടു​ക​ളും യു.​ഡി.​എ​ഫി​ലേ​ക്ക്​ ഏ​കീ​ക​രി​ക്ക​പ്പെ​ടു​ന്നു​ണ്ട്. ഈ​രാ​റ്റു​പേ​ട്ട ന​ഗ​ര​സ​ഭ​യി​ൽ ഭ​ര​ണ​സ്വാ​ധീ​ന​മു​ള്ള എ​സ്.​ഡി.​പി.​ഐ​ക്ക്​ ഇ​രു​പ​തി​നാ​യി​രം വോ​ട്ടെ​ങ്കി​ലും സ്വാ​ധീ​നി​ക്കാ​ൻ ക​ഴി​യും. ഇ​തും യു.​ഡി.​എ​ഫി​ന്​ അ​നു​കൂ​ല ഘ​ട​ക​മാ​ണ്. സ​മ​ദൂ​രം പ​റ​യു​മെ​ങ്കി​ലും ശ​ബ​രി​മ​ല പ്ര​ക്ഷോ​ഭ കാ​ല​ത്തി​ന്​ പി​ന്നാ​ലെ ഇൗ​​ശ്വ​​ര​​വി​​ശ്വാ​​സ​​മു​​ള്ള​​വ​​രെ​യേ പി​​ന്തു​​ണ​​ക്കൂ എ​​ന്ന​ എ​​ൻ.​​എ​​സ്.​​എ​​സ് നി​ല​പാ​ടി​ന്​ മാ​റ്റ​മി​ല്ലാ​ത്ത​തും യു.​ഡി.​എ​ഫി​ന്​ ഉ​പ​ക​രി​ക്കും.

അ​തേ​സ​മ​യം തോ​മ​സ്​ ഐ​സ​ക്കി​ന്‍റെ​ പാ​ർ​ട്ടി ബ​ന്ധ​ങ്ങ​ളേ​ക്കാ​ൾ വ​ർ​ഷ​ങ്ങ​ൾ​കൊ​ണ്ട് മ​ണ്ഡ​ല​ത്തി​ൽ വ​ള​ർ​ത്തി​യെ​ടു​ത്ത വ്യ​ക്തി​ബ​ന്ധ​വും വി​വി​ധ സ​മു​ദാ​യ നേ​താ​ക്ക​ളു​മാ​യു​ള്ള അ​ടു​പ്പ​വും വോ​ട്ടാ​കു​മെ​ന്നാ​ണ്​ എ​ൽ.​ഡി.​എ​ഫ്​ ​പ്ര​തീ​ക്ഷ. 2019ലെ ​പ്ര​ത്യേ​ക സാ​ഹ​ച​ര്യ​ത്തി​ൽ എ​ൻ.​ഡി.​എ പെ​ട്ടി​യി​ൽ വീ​ണ വോ​ട്ടു​ക​ളും ഇ​​പ്രാ​വ​ശ്യം മ​റി​യു​മെ​ന്ന​തും ഭൂ​രി​പ​ക്ഷം ത​ദ്ദേ​ശ സ്ഥാ​പ​ന​ങ്ങ​ൾ ഉ​ൾ​​പ്പെ​ടെ എ​ല്ലാ നി​യ​മ​സ​ഭ മ​ണ്ഡ​ല​ങ്ങ​ളും എ​ൽ.​ഡി.​എ​ഫ്​ പ്ര​തി​നി​ധീ​ക​രി​ക്കു​ന്ന​തും അ​നു​കൂ​ല ഘ​ട​ക​ങ്ങ​ളാ​ണ്.

പു​റ​ത്തു​വ​ന്ന ​സ​ർ​വേ​ക​ളി​ലെ​ല്ലാം യു.​ഡി.​എ​ഫ്​ അ​നു​കൂ​ല ത​രം​ഗ​മു​ള്ള മ​ണ്ഡ​ല​ത്തി​ൽ ഇ​ക്കു​റി കാ​ർ​ഷി​ക വി​ഷ​യ​ങ്ങ​ൾ​ക്കു​പ​രി രാ​ജ്യ​മെ​ങ്ങു​മു​ള്ള ന്യൂ​ന​പ​ക്ഷ വേ​ട്ട​ക്കെ​തി​രാ​യ വോ​ട്ടാ​യി​രി​ക്കും ഏ​കീ​ക​രി​ക്ക​പ്പെ​ടു​ക. എ ​ക്ലാ​സ്​ മ​ണ്ഡ​ല​ത്തി​ൽ ബി.​ജെ.​പി മൂ​ന്നാം സ്ഥാ​ന​ത്താ​യി​രി​ക്കും. ഇ​ൻ​ഡ്യ മു​ന്ന​ണി​ക്കാ​യി മ​ണ്ഡ​ലം വോ​ട്ട്​ ചെ​യ്താ​ൽ അ​ത്​ എ​ൽ.​ഡി.​എ​ഫി​ന്​ ഭീ​ഷ​ണി​യാ​കും. ​നേ​രി​യ ഭൂ​രി​പ​ക്ഷ​ത്തി​ൽ യു.​ഡി.​എ​ഫ്​ വീ​ണ്ടും ക​ര​ക​യ​റും.