പൊന്നാനിയിൽ സമദാനി തന്നെ; ലീഗിന്‍റെ കോട്ടയിൽ വിള്ളലില്ല

പൊന്നാനി: വോട്ട് ചോർച്ചയുണ്ടാകുമെന്ന എല്ലാ പ്രചാരണങ്ങളെയും തള്ളി പൊന്നാനിയിൽ അബ്ദുസ്സമദ് സമദാനിയുടെ തകർപ്പൻ ജയം. വോട്ട് ചോർച്ചയുണ്ടാക്കി ലീഗിന്‍റെ കോട്ടയിൽ വിള്ളലുണ്ടാക്കാൻ എൽ.ഡി.എഫിന് സാധിച്ചില്ല. 2,20,466 വോട്ടിന്‍റെ (വൈകുന്നേരം മൂന്ന് മണി വരെയുള്ള കണക്ക്) ഭൂരിപക്ഷമാണ് സമദാനി നേടിയിരിക്കുന്നത്. 2019ൽ ഇ.ടി. മുഹമ്മദ് ബഷീർ നേടിയ 1,93,273 വോട്ടിന്‍റെ ഭൂരിപക്ഷമാണ് സമദാനി മറികടന്നത്.

ഇ.​ടി. മു​ഹ​മ്മ​ദ്​ ബ​ഷീ​ർ നേ​ടി​യ ഭൂ​രി​പ​ക്ഷം നി​ല​നി​ർ​ത്താ​ൻ ക​ഴി​യു​മെ​ന്ന ആ​ത്മ​വി​ശ്വാ​സം ലീഗ് ക്യാമ്പിൽ തന്നെ ഉണ്ടായിരുന്നില്ല. കാരണം, മു​സ്‍ലിം ​ലീ​ഗ്​-​സ​മ​സ്ത അ​സ്വാ​ര​സ്യം എ​ത്ര​ക​ണ്ട്​ വോ​ട്ട് ആ​യി​ ​മ​റി​യും എ​ന്നായിരുന്നു പ്രചാരണത്തിലുടനീളം ചർച്ച. സ​മ​സ്ത​യി​ലെ ലീ​ഗ്​ വി​രു​ദ്ധ​ർ വോ​ട്ട്​ മ​റി​ച്ചാ​ൽ പ​ര​മ്പ​രാ​ഗ​ത വോ​ട്ടു​ക​ളി​ൽ അ​ഞ്ചു​ മു​ത​ൽ പ​ത്തു ശ​ത​മാ​നം വ​രെ ന​ഷ്ട​പ്പെ​ടാ​നു​ള്ള സാ​ധ്യ​ത ലീ​ഗ്​ നേ​തൃ​ത്വം മു​ന്നി​ൽ കണ്ടിരുന്നു. ഇത്തവണ മണ്ഡലത്തിൽ ലീഗിന് വോട്ട് കുറയുമെന്നായിരുന്നു സർവേകളും പ്രവചിച്ചിരുന്നത്.

തുടർന്ന്, സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ത​ല​വേ​ദ​ന​യു​ണ്ടാ​ക്കാ​ൻ ശ്ര​മി​ക്കു​ന്ന സ​മ​സ്ത​യി​ലെ ലീ​ഗ്​ വി​രു​ദ്ധ​രു​ടെ നീ​ക്ക​ത്തി​ന്​ ത​ട​യി​ടാ​ൻ പാ​ണ​ക്കാ​ട്​ ത​ങ്ങ​ൾ കു​ടും​ബം തന്നെ മ​ണ്ഡ​ല​ത്തി​ൽ കേ​ന്ദ്രീ​ക​രി​ച്ചു. ലീ​ഗി​ലും സ​മ​സ്ത​യി​ലു​മു​ള്ള അ​സം​തൃ​പ്ത​രു​​ടെ വോ​ട്ടു​ക​ൾ ല​ക്ഷ്യ​മി​ട്ട് ​മു​ൻ ലീ​ഗ്​ നേ​താ​വ്​ കെ.​എ​സ്. ഹം​സ​ നി​ര​ന്ത​രം ന​ട​ത്തിയ പ്ര​സ്താ​വ​ന​കളും ഫലം കണ്ടില്ല. ലീഗ് പ്രതീക്ഷിച്ചതു പോലെ, സ​മ​ദാ​നി​യു​ടെ വ്യ​ക്തി​പ്ര​ഭാ​വ​ത്തി​ൽ ഇ​ത​ര സ​മു​ദാ​യ വോ​ട്ടു​ക​ൾ​കൂ​ടി സ​മാ​ഹ​രി​ക്കാൻ യു.ഡി.എഫിന് സാധിച്ചു എന്നുവേണം കരുതാൻ.

2019ൽ ഇ.ടിക്ക് 5,21,824 വോട്ടും പി.വി. അൻവറിന് 3,28,551 വോട്ടുമാണ് ലഭിച്ചിരുന്നത്. 2009, 2014 തെരഞ്ഞെടുപ്പുകളിലും മണ്ഡലത്തിൽനിന്നും ഇ.ടിയാണ് ജയിച്ചുകയറിയിരുന്നത്. ഇതോടെ, പൊന്നാനി പിടിക്കാൻ ഇത്തവണയും സി.പി.എം നടത്തിയ പരീക്ഷണങ്ങൾ ഫലം കണ്ടില്ല.