ര​ണ്ട​ക്കം കാ​ണാ​ത്ത പെ​ൺ​പെ​രു​മ

കോ​ഴി​ക്കോ​ട്: കേ​ര​ള​ത്തി​ൽ​നി​ന്ന് ഇ​തി​ന​കം ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത് ഒ​മ്പ​തു വ​നി​ത​ക​ൾ മാ​ത്രം. 17 പൊ​തു തെ​ര​ഞ്ഞെ​ടു​പ്പു​ക​ളി​ലും ഉ​പ​തെ​ര​ഞ്ഞെ​ടു​പ്പു​ക​ളി​ലു​മാ​യി ആ​കെ മു​ന്നൂ​റോ​ളം പേ​ർ ലോ​ക്സ​ഭ​യി​ലെ​ത്തി​യ​പ്ലാ​പ്പോ​ൾ കേ​ര​ള​ത്തി​ന്റെ വി​ഹി​തം ര​ണ്ട​ക്കം ക​ട​ന്നി​ല്ല.

കേ​ര​ള​ത്തി​ൽ​നി​ന്നു​ള്ള ആ​ദ്യ വ​നി​ത എം.​പി​യെ​ന്ന് വി​ശേ​ഷി​പ്പി​ക്കു​ന്ന ആ​നി മ​സ്ക്രീ​ൻ കേ​ര​ള​പ്പി​റ​വി​ക്ക് മു​മ്പു​ള്ള 1951 -52ലെ ​തെ​ര​​ഞ്ഞെ​ടു​പ്പി​ൽ തി​രു​വി​താം​കൂ​റി​ൽ​നി​ന്ന് സ്വ​ത​ന്ത്ര സ്ഥാ​നാ​ർ​ഥി​യാ​യാ​ണ് തെ​ര​ഞ്ഞെ​ടു​ക്ക​പ്പെ​ട്ട​ത്.

സു​ശീ​ല ഗോ​പാ​ല​ൻ, ഭാ​ർ​ഗ​വി ത​ങ്ക​പ്പ​ൻ, സാ​വി​ത്രി ല​ക്ഷ്മ​ണ​ൻ, എ.​കെ. പ്രേ​മ​ജം, അ​ഡ്വ. പി. ​സ​തീ​ദേ​വി, പി.​കെ. ശ്രീ​മ​തി, ര​മ്യ ഹ​രി​ദാ​സ് എ​ന്നി​വ​രാ​ണ് ഐ​ക്യ കേ​ര​ളം രൂ​പം​കൊ​ണ്ട​ശേ​ഷം സ​ഭ​യി​ലെ​ത്തി​യ വ​നി​ത​ക​ൾ. പ​ത്തു​ല​ക്ഷ​ത്തോ​ളം വ​നി​ത വോ​ട്ട​ർ​മാ​ർ അ​ധി​ക​മു​ള്ള ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പി​ലും വ​നി​താ സ്ഥാ​നാ​ർ​ഥി പ്രാ​തി​നി​ധ്യം ന​​ന്നേ​കു​റ​വ്. എ​ൽ.​ഡി.​എ​ഫ് മൂ​ന്നും യു.​ഡി.​എ​ഫ് ഒ​ര​രാ​ളെ​യു​മാ​ണ് സ്ഥാ​നാ​ർ​ഥി​യാ​ക്കി​യ​ത്.

ആ​നി മ​സ്ക്രീ​ൻ

1951-52ൽ ​തി​രു​വ​ന​ന്ത​പു​രം ലോ​ക്സ​ഭ മ​ണ്ഡ​ല​ത്തി​ൽ​നി​ന്ന് സ്വ​ത​ന്ത്ര സ്ഥാ​നാ​ർ​ഥി​യാ​യി ആ​ദ്യ ലോ​ക്സ​ഭ​യി​ലേ​ക്കാ​ണ് ആ​നി മ​സ്ക്രീ​ൻ തെ​ര​ഞ്ഞെ​ടു​ക്ക​പ്പെ​ട്ട​ത്. ആ ​സ​ഭ​യി​ലാ​കെ പ​ത്ത് വ​നി​ത​ക​ളാ​ണു​ണ്ടാ​യി​രു​ന്ന​ത്.

സു​ശീ​ല ഗോ​പാ​ല​ൻ

പ്ര​മു​ഖ ക​മ്യൂ​ണി​സ്റ്റ് നേ​താ​വാ​യി​രു​ന്ന സു​ശീ​ല ഗോ​പാ​ല​ൻ 1967ൽ ​അ​മ്പ​ല​പ്പു​ഴ, 1980ൽ ​ആ​ല​പ്പു​ഴ, 1991ൽ ​ചി​റ​യി​ൻ​കീ​ഴ് എ​ന്നി​വി​ട​ങ്ങ​ളി​ൽ​നി​ന്നാ​ണ് ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്. അ​മ്പ​ല​പ്പു​ഴ​യി​ൽ​നി​ന്ന് ജ​യി​ച്ച് നി​യ​മ​സ​ഭ​യി​ലെ​ത്തി​യ ഇ​വ​ർ 1996ലെ ​ഇ.​കെ. നാ​യ​നാ​ർ മ​ന്ത്രി​സ​ഭ​യി​ൽ വ്യ​വ​സാ​യ മ​ന്ത്രി​യാ​വു​ക​യും ചെ​യ്തു. ലോ​ക്സ​ഭ​യി​ലെ ആ​ദ്യ പ്ര​തി​പ​ക്ഷ നേ​താ​വാ​യി​രു​ന്ന എ.​കെ. ഗോ​പാ​ല​ന്റെ ഭാ​ര്യ​യു​മാ​ണ്.

ഭാ​ർ​ഗ​വി ത​ങ്ക​പ്പ​ൻ

കേ​ര​ള​ത്തി​ൽ​നി​ന്നു​ള്ള ആ​ദ്യ ദ​ലി​ത് വ​നി​താ എം.​പി​യാ​യ ഭാ​ർ​ഗ​വി ത​ങ്ക​പ്പ​ൻ 1971ല്‍ ​അ​ടൂ​രി​ൽ​നി​ന്ന് കോ​ൺ​ഗ്ര​സ് നേ​തൃ​ത്വം ന​ൽ​കി​യ മു​ന്ന​ണി​യി​ൽ സി.​പി.​ഐ ടി​ക്ക​റ്റി​ലാ​ണ് ജ​യി​ച്ച​ത്. ലോ​ക്സ​ഭ​യി​ലെ​ത്തി​യ ഏ​റ്റ​വും പ്രാ​യം കു​റ​ഞ്ഞ വ​നി​ത​യെ​ന്ന (29 വ​യ​സ്സ്) റെ​ക്കോ​ഡും ഇ​വ​ർ​ക്കു​ണ്ടാ​യി​രു​ന്നു. പ​ല​ത​വ​ണ കി​ളി​മാ​നൂ​ര്‍ മ​ണ്ഡ​ല​ത്തെ പ്ര​തി​നി​ധീ​ക​രി​ച്ച ഭാ​ര്‍ഗ​വി എ​ട്ടാം കേ​ര​ള നി​യ​മ​സ​ഭ​യി​ല്‍ ഡെ​പ്യൂ​ട്ടി സ്പീ​ക്ക​റാ​യും പ്ര​വ​ർ​ത്തി​ച്ചു.

സാ​വി​ത്രി ല​ക്ഷ്മ​ണ​ൻ

കോ​ൺ​ഗ്ര​സ് നേ​താ​വാ​യി​രു​ന്ന സാ​വി​ത്രി ല​ക്ഷ്മ​ണ​ൻ 1989, 1991 തെ​ര​ഞ്ഞെ​ടു​പ്പി​ൽ മു​കു​ന്ദ​പു​രം മ​ണ്ഡ​ല​ത്തി​ൽ​നി​ന്നാ​ണ് ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്. 1996 ലും 2001​ലും ചാ​ല​ക്കു​ടി മ​ണ്ഡ​ല​ത്തി​ൽ​നി​ന്ന് നി​യ​മ​സ​ഭ​യി​ലു​മെ​ത്തി. പി​ന്നീ​ട് സ​ജീ​വ രാ​ഷ്ട്രീ​യ​ത്തി​ൽ​നി​ന്ന് മാ​റി​യ അ​വ​ർ സാ​ഹി​ത്യ മേ​ഖ​ല​യി​ലും പ്ര​വ​ർ​ത്തി​ച്ചു.

എ.​കെ. പ്രേ​മ​ജം

സി.​പി.​എം സ്ഥാ​നാ​ർ​ഥി​യാ​യി 1998 ലെ​യും 99 ലെ​യും ലോ​ക്സ​ഭ തെ​ര​ഞ്ഞെ​ടു​പ്പി​ൽ വ​ട​ക​ര ലോ​ക്സ​ഭ മ​ണ്ഡ​ല​ത്തി​ൽ​നി​ന്നാ​ണ് എ.​കെ. ​പ്രേ​മ​ജം ജ​യി​ച്ച​ത്. 1995ലും 2010​ലും കോ​ഴി​ക്കോ​ട് കോ​ർ​പ​റേ​ഷ​ൻ മേ​യ​റാ​യും കോ​ള​ജ് അ​ധ്യാ​പി​ക​യാ​യി​രു​ന്ന പ്രേ​മ​ജം പ്ര​വ​ർ​ത്തി​ച്ചു.

പി. ​സ​തീ​ദേ​വി

വ​ട​ക​ര ലോ​ക്സ​ഭ മ​ണ്ഡ​ല​ത്തി​ൽ​നി​ന്ന് 2004ലെ ​തെ​ര​ഞ്ഞെ​ടു​പ്പി​ൽ സി.​പി.​എം ടി​ക്ക​റ്റി​ൽ ഒ​രു​ല​ക്ഷ​ത്തി​ലേ​റെ ഭൂ​രി​പ​ക്ഷ​ത്തി​ന്റെ റെ​ക്കോ​ഡി​ലാ​ണ് പി. ​സ​തീ​ദേ​വി തെ​ര​ഞ്ഞെ​ടു​ക്ക​പ്പെ​ട്ട​ത്. നി​ല​വി​ൽ കേ​ര​ള വ​നി​ത ക​മീ​ഷ​ൻ അ​ധ്യ​ക്ഷ​യാ​ണ്.

സി.​എ​സ്. സു​ജാ​ത

മാ​വേ​ലി​ക്ക​ര മ​ണ്ഡ​ല​ത്തി​ൽ​നി​ന്ന് 2004ൽ ​സി.പി.​എം സ്ഥാ​നാ​ർ​ഥി​യാ​യാ​ണ് സി.​എ​സ്. സു​ജാ​ത ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്. ആ​ല​പ്പു​ഴ ജി​ല്ല പ​ഞ്ചാ​യ​ത്ത് പ്ര​സി​ഡ​ൻ​റാ​യും പ്ര​വ​ർ​ത്തി​ച്ചു. 2011ൽ ​ചെ​ങ്ങ​ന്നൂ​രി​ൽ​നി​ന്ന് നി​യ​മ​സ​ഭ​യി​ലേ​ക്കും മ​ത്സ​രി​ച്ചു.

പി.​കെ. ശ്രീ​മ​തി

ക​ണ്ണൂ​ർ മ​ണ്ഡ​ല​ത്തി​ൽ​നി​ന്ന് 2014ൽ ​സി.​പി.​എം ടി​ക്ക​റ്റി​ലാ​ണ് പി.​കെ. ശ്രീ​മ​തി ലോ​ക്സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട​ത്. 2006 ലെ ​വി.​എ​സ്. അ​ച്യു​താ​ന​ന്ദ​ൻ മ​ന്ത്രി​സ​ഭ​യി​ൽ ആ​രോ​ഗ്യ​മ​ന്ത്രി​യാ​യി​രു​ന്നു.

ര​മ്യ ഹ​രി​ദാ​സ്

ആ​ല​ത്തൂ​ർ മ​ണ്ഡ​ല​ത്തി​ൽ​നി​ന്നാ​ണ് ര​മ്യ ഹി​ര​ദാ​സ് 2019ൽ ​ലോ​ക്സ​ഭ​യി​ലേ​ക്ക് യു.​ഡി.​എ​ഫ് സ്ഥാ​നാ​ർ​ഥി​യാ​യി കോ​ൺ​ഗ്ര​സ് ടി​ക്ക​റ്റി​ൽ തെ​ര​ഞ്ഞെ​ടു​ക്ക​പ്പെ​ട്ട​ത്. ഇ​ത്ത​വ​ണ​യും ആ​ല​ത്തൂ​രി​ൽ ര​മ്യ മ​ത്സ​രി​ക്കു​ന്നു. നേ​ര​ത്തേ കു​ന്ദ​മം​ഗ​ലം ബ്ലോ​ക് പ​ഞ്ചാ​യ​ത്ത് പ്ര​സി​ഡ​ന്റാ​യി​രു​ന്നു.