'ലോക്സഭാ തെരഞ്ഞെടുപ്പും കേരളവും 2024 ' കൈപുസ്തകം പ്രകാശനം ചെയ്തു

തിരുവനന്തപുരം പ്രസ് ഇൻഫർമേഷൻ ബ്യുറോ മാധ്യമപ്രവർത്തകർക്കായി തയാറാക്കിയ 'ലോക്സഭാ തെരഞ്ഞെടുപ്പും കേരളവും 2024 ' കൈപുസ്തകം മുഖ്യ തെരെഞ്ഞെടുപ്പ് ഓഫീസർ സഞ്ജയ്‌ കൗൾ തിരുവനന്തപുരത്ത് പ്രകാശനം ചെയ്തു. കൈപുസ്തകം മാധ്യമപ്രവർത്തകർക്കും തെരഞ്ഞെടുപ്പ് പ്രക്രിയയുടെ ഭാഗമായ എല്ലാവർക്കും ഒരുപോലെ ഉപകരിക്കുമെന്നും അദ്ദേഹം പറഞ്ഞു.

1951-52 മുതൽ 2019 വരെ കേരളത്തിൽ നടന്ന ലോകസഭാ തെരഞ്ഞെടുപ്പുകളുടെ സംക്ഷിപ്ത ചരിത്രം അടങ്ങുന്നതാണ് ഉള്ളടക്കം. പ്രസ് ഇൻഫർമേഷൻ ബ്യുറോ അഡിഷണൽ ഡയറക്ടർ ജനറൽ വി. പളനിച്ചാമി, മറ്റ് ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു. പി.ഐ.ബി വെബ്സൈറ്റിലും പുസ്തകം ലഭ്യമാണ്.