സീറ്റ് ലഭിച്ചില്ല; എൽ.ജെ.ഡി പ്രവര്‍ത്തകര്‍ അമര്‍ഷത്തില്‍

വടകര: ഇടതുമുന്നണി പ്രവേശനം ലഭിച്ചെങ്കിലും ലോക്​സഭ തെരഞ്ഞെടുപ്പില്‍ സീറ്റ് കിട്ടാത്തതിൽ ലോക്​ താന്ത്രിക് ​ ജനതാദൾ പ്രവര്‍ത്തകരിൽ അമര്‍ഷം. നേതൃത്വത്തിനെതിരെ കടുത്ത വിമര്‍ശനമാണ് ഉയരുന്നത്. ശനിയാഴ്ച കോഴിക്കോട്ട്​ നടന്ന ജില്ല കമ്മിറ്റിയില്‍ ഇതുസംബന്ധിച്ച്​ ചര്‍ച്ച നടന്നു. പ്രവര്‍ത്തകരുടെ വികാരം സംസ്ഥാന നേതൃത്വത്തെ അറിയി ക്കാനാണ് തീരുമാനം. പാര്‍ട്ടി ശക്തികേന്ദ്രമായ വടകര, കോഴിക്കോട്, വയനാട് മണ്ഡലങ്ങളിലെ പ്രവര്‍ത്തകരെ കാര്യങ്ങൾ ഏതു രീതിയില്‍ ബോധ്യപ്പെടുത്തുമെന്നറിയാതെ കുഴങ്ങുകയാണ് നേതാക്കള്‍.

പാലക്കാ​െട്ട തോല്‍വിയും തോല്‍വി പഠിക്കാന്‍ നിയോഗിച്ച കമീഷ​​െൻറ റിപ്പോര്‍ട്ട് പുറത്തുവിടാത്തതിലെ പ്രതിഷേധവുമാണ് യു.ഡി.എഫ് വിടുന്നതിലേക്ക് നയിച്ചതെന്നാണ്​ നേതാക്കൾ​ പറയുന്നത്​​. എന്നാൽ, നേതൃത്വത്തി​െല ചിലരുടെ വ്യക്തിതാല്‍പര്യം മാത്രമാണ്​ ഇതിന്​ പിന്നിലെന്ന്​ വിമര്‍ശനമുണ്ട്​. ഇടത്​ മുന്നണിയുടെ ഭാഗമായിട്ടും യു.ഡി.എഫ് ബന്ധം വിടാത്ത നേതാക്കളും പ്രവര്‍ത്തകരും എല്‍.ജെ.ഡിയില്‍ ഏറെയുണ്ട്. പഴയ ദളിലെ ഒരുവിഭാഗം യു.ഡി.എഫില്‍ തന്നെയാണ്​. ഇവരാകെട്ട എല്‍.ജെ.ഡി നേതൃത്വത്തെ പ്രതിക്കൂട്ടില്‍ നിര്‍ത്തി പ്രചാരണം നടത്തുന്നു.

സി.പി.എമ്മിനെ സംബന്ധിച്ചിടത്തോളം ദേശീയ പാര്‍ട്ടി അംഗീകാരത്തിന്​ പരമാവധി സീറ്റിൽ മത്സരിക്കേണ്ടത് അനിവാര്യമാണ്. ഇക്കാര്യം ഘടകക്ഷി നേതാക്കളെ നേരത്തേതന്നെ ബോധ്യപ്പെടുത്തിയിരുന്നു. ഇതു​ മനസ്സിലാക്കാന്‍ പ്രവര്‍ത്തകര്‍ തയാറാവാത്തതാണ് വിനയാവുന്നതെന്ന് നേതാക്കള്‍ സ്വകാര്യം പറയുന്നു. ജനതാദള്‍-എസിന് സീറ്റ് ലഭിക്കാത്ത സാഹചര്യവും മറ്റും ചൂണ്ടിക്കാട്ടി പ്രവര്‍ത്തകരെ തണുപ്പിക്കാനാണ്​ എല്‍.ജെ.ഡി നേതൃത്വത്തി​​െൻറ ശ്രമം.