കോവിഡ്​ വന്നുപോക​െട്ട എന്ന നിലപാട്​ വേണ്ട​; ഭേദമായ 30 ശതമാനം പേരിലും ദീർഘകാലം രോഗലക്ഷണങ്ങൾ -മുഖ്യമന്ത്രി

തിരുവനന്തപുരം: കോവിഡ്​ ഭേദമായ 30 ശതമാനം പേരിലും രോഗലക്ഷണങ്ങൾ ഏറെക്കാലം നീണ്ടുനിൽക്കു​ന്നതിനാൽ കൂടുതൽ ജാഗ്രത അനിവാര്യമാണെന്ന്​ മുഖ്യമന്ത്രി പിണറായി വിജയൻ.

ഒക്​ടോബർ, നവംബർ മാസങ്ങൾ സംസ്​ഥാനത്ത്​ കോവിഡ്​ വ്യാപനത്തി​െൻറയും മരണനിരക്കി​െൻറയും നിർണായക ഘട്ടമാണ്​. കൂടുതൽ ഫലപ്രദമായി പ്രതിരോധ പ്രവർത്തനങ്ങൾ ഇൗ ഘട്ടത്തിൽ നടത്തേണ്ടതുണ്ട്​. എങ്കിൽ മാത്രമേ മരണനിരക്ക്​ കൂടുന്നത്​​ നല്ലനിലയിൽ തടയാൻ സാധിക്കൂ.

നിലവിൽ 10,000 മുകളിൽ കേസുകൾ വരുന്നു​. പരിശോധനകളുടെ എണ്ണം കൂട്ടിയിട്ടുണ്ട്​. അതേസമയം, ടെസ്​റ്റ്​ ​േപാസിറ്റിവിറ്റി പത്ത്​ ശതമാനത്തിന്​ മുകളിൽ നിൽക്കുകയാണ്​. ഇത്​ സൂചിപ്പിക്കുന്നത്​ കേസുകളുടെ എണ്ണം ഇനിയും ഉയരുമെന്നാണ്​.

രോഗവ്യാപനം അതി​െൻറ ഉച്ചസ്​ഥായിൽ എത്തിക്കുന്നത്​ വൈകിപ്പിക്കാൻ സാധിച്ചു. അതുവഴി ആവശ്യമായ അടിസ്​ഥാന സൗകര്യങ്ങൾ ഒരുക്കാനും ആരോഗ്യ സംവിധാനങ്ങൾ ശക്​തമാക്കാനും കഴിഞ്ഞു. രോഗപ്രതിരോധ പ്രവർത്തനങ്ങൾ കൂടുതൽ ശക്​തമാക്കേണ്ടതുണ്ട്​.

എട്ട്​ മാസമായി അവിശ്രമം പ്രവർത്തിക്കുകയാണ്​ ആരോഗ്യ​പ്രവർത്തകർ. പലരും ക്ഷീണിതരാണ്​. അവർക്ക്​ പൊതുജന പിന്തുണ ഏറ്റവും ആവശ്യമുള്ള ഘട്ടമാണിത്​. അത്​ പരിപൂർണമായി അവർക്ക്​ നൽകണം. നിർശേദങ്ങൾ അക്ഷരംപ്രതി പാലിച്ച്​ കോവിഡ്​ വ്യാപനം തടയാനുള്ള സന്നദ്ധത എല്ലാവരും കാണിക്കണം. കോവിഡ്​ ബ്രിഗേഡിൽ കൂടുതൽ ഡോക്​ടർമാർ രജിസ്​റ്റർ ചെയ്യണമെന്നും മുഖ്യമന്ത്രി അഭ്യർഥിച്ചു.

പല പ്രദേശങ്ങളിലും നിയന്ത്രണങ്ങൾ ലംഘിക്കുന്ന അവസ്​ഥയാണ്​. പുറത്തിറങ്ങുന്നയാളുകളിൽ പത്ത്​ ശതമാനത്തോളം പേർ മാസ്​ക്​​ ധരിക്കുന്നില്ല. രോഗ വ്യാപനം തടയാൻ ഏറ്റവും ഫലപ്രദമായ മാർഗമാണ്​ മാസ്​ക്​ ധരിക്കൽ. ഇത്തരക്കാർക്ക്​ രോഗം ബാധിച്ചാൽ തന്നെ അതി​െൻറ തീവ്രത കുറവാണെന്ന പ്രത്യേകതയുണ്ട്​.

പൊതുസ്​ഥലത്ത്​ എല്ലാവരും മാസ്​ക്​ ധരിച്ചേ മതിയാകു. കോവിഡ്​ വന്നുപോയവരിൽ 30 ശതമാനം പേരിൽ രോഗത്തി​െൻറ ലക്ഷണം പിന്നെയും കുറെക്കാലം നിൽക്കുന്നു എന്നാണ്​ പഠനങ്ങൾ തെളിയിക്കുന്നത്​. അതിൽ പത്ത്​ ശതമാനം പേർ ഗുരുതരമായ രീതിയിൽ ബുദ്ധിമുട്ടുകൾ അനുഭവിക്കുന്നു. കുട്ടികളിൽ താരതമ്യേന രോഗ ​തീവ്രത കുറവാണ്​. പക്ഷെ, രോഗം ഭേദമായ ശേഷം ഇവരിൽ സങ്കീർണ രോഗാവസ്​ഥ ഉടലെടുക്കുന്നുണ്ട്​.

കോവിഡ്​ വന്നുപോക​െട്ട എന്ന മനോഭാവം ഒഴിവാക്കണം. നമ്മുടെ ത്വക്കി​െൻറ പ്രതലത്തിൽ ഒമ്പത്​ മണിക്കൂർ വരെ കോവിഡ്​ രോഗാണുക്കൾക്ക്​ നിലനിൽക്കാനാവും. അതിനാൽ നിരന്തരം കൈകൾ ശുചിയാക്കി ബ്രേക്ക്​ ദെ ചെയിൻ കാമ്പയിൻ ശക്​തമാക്കണം​. പൊതുസ്​ഥലങ്ങളിൽ കൈകൾ ശുചീകരിക്കാനുള്ള സൗകര്യങ്ങൾ സംഘടനകളും കടകളുമെല്ലാം ​ഒരുക്കണമെന്നും മുഖ്യമന്ത്രി പറഞ്ഞു.