പെരുമ്പാവൂരിൽ ലോറി പാറമടയിലേക്കു വീണ്​ ഡ്രൈവർ മരിച്ചു

പെരുമ്പാവൂർ: ടിപ്പർ ലോറി പാറമടയിലേക്ക് മറിഞ്ഞ് ൈഡ്രവർ മരിച്ചു. കാലടി കാഞ്ഞൂർ പാറപ്പുറം പ്ലാമറ്റത്തുക്കുടി വീട്ടിൽ അബ്​ദുൽ റഹ്​മാ​​െൻറ മകൻ റഫീഖാണ് (34) മരിച്ചത്. വേങ്ങൂർ കൊമ്പനാട് വെട്ടുവളവിലെ പാറമടയിൽനിന്ന്​ ലോഡ് കയറ്റി വന്ന ടിപ്പർ നിയന്ത്രണം വിട്ട് 100 അടി താഴ്ചയുള്ള മടയിലേക്ക് മറിയുകയായിരുന്നു. ലോറിയിൽ റഫീഖ് മാത്രമാണുണ്ടായിരുന്നത്.

വെള്ളിയാഴ്ച രാവിലെ 8.30നായിരുന്നു അപകടം. വെട്ടുവളവിലെ ചെറിയ ഇറക്കം ഇറങ്ങുമ്പോൾ എതിരെ വന്ന സ്​കൂൾ ബസിന് സൈഡ് കൊടുക്കുന്നതിനിടെയാണ്​ മടയിലേക്ക് ലോറി മറിഞ്ഞത്​. റോഡി​​െൻറ സൈഡിൽ കെട്ടിയിരുന്ന രണ്ടരയടിയോളമുള്ള പാർശ്വഭിത്തി തകർത്താണ് വാഹനം മറിഞ്ഞത്. പെരുമ്പാവൂരിൽനിന്ന് ഫയർഫോഴ്സ്​ എത്തി മൃതദേഹം വെള്ളത്തിൽ താഴാതെ കയർ കെട്ടി ബന്ധിപ്പിച്ചശേഷം ഫയർഫോഴ്സ്​ രക്ഷാപ്രവർത്തനം അവസാനിപ്പിച്ചു. ഇതിന് ശേഷം കോതമംഗലത്തുനിന്ന് എത്തിയ സ്​കൂബ സംഘമാണ് മൃതദേഹം മുങ്ങിയെടുത്തത്.

ഇരുട്ടും വെള്ളം മലിനവുമായിരുന്നതിനാലും രക്ഷാപ്രവർത്തനം മൂന്ന് മണിക്കൂർ വൈകി. കുറുപ്പംപടി പൊലീസും നാട്ടുകാരും ആദ്യം രക്ഷാപ്രവർത്തനത്തിന് ശ്രമം നടത്തിയത് ഫലം കണ്ടില്ല. ഖദീജയാണ് മാതാവ്. ഭാര്യ: റംസിയ. മകൻ: ആഷിഖ് റഹ്മാൻ (ഒന്നര വയസ്സ്​​).